باس شۋجي شي جينپيڭنىڭ ماڭىزدى سوزدەرىنىڭ رۋحىمەن يدەيانى بىرلىككە كەلتىرۋگە تاباندى بولىپ، پارتيا ورتالىق كوميتەتىنىڭ كەلەلى شەشىم - ورنالاستىرۋلارىنىڭ شينجياڭدا تياناقتانۋىن ىلگەرىلەتەيىك

    اۆتونوميالى رايوندىق پارتكوم تۇراقتى كوميتەتتىڭ ءماجىلىسىن اشىپ، باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقىلاۋ كۋرسىندا، مەملەكەت حاۋىپسىزدىگى قىزمەتى جونىندەگى اڭگىمە ماجىلىسىندە جانە ج ك پ ورتالىق كوميتەتى ساياسي بيۋروسىنىڭ 39 - رەتكى توپتىق ۇيرەنۋىندە سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى

    ءماجىلىستى چىن چۋانگو باسقاردى

    24 - اقپان كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ ءماجىلىسىن اشىپ، باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ - تالقىلاۋ كۋرسىندا، مەملەكەت حاۋىپسىزدىگى قىزمەتى جونىندەگى اڭگىمە ماجىلىسىندە جانە ج ك پ ورتالىق كوميتەتى ساياسي بيۋروسىنىڭ 39 - رەتكى توپتىق ۇيرەنۋىندە سويلەگەن ماڭىزدى سوزدەرىنىڭ رۋحىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

    ءماجىلىس مىنانى اتاپ كورسەتتى: باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقىلاۋ كۋرسىندا سويلەگەن ماڭىزدى سوزىندە پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ، پارتيا ىشىندەگى باقىلاۋدى كۇشەيتۋ سىندى ءبىرسىپىرا كەلەلى ماسەلەلەردى ىشكەرىلەي بايىمداپ، ماركسيزمدىك پارتيا قۇرۋ نازارياسىنىڭ مازمۇنىن بايىتتى، ول − پارتيانى جاپپاي قاتاڭ جونگە سالۋدى ىلگەرىلەتۋدىڭ وقۋلىعى، قىبلاناماسى جانە باعدارنامالىق حۇجاتى، كوپتەگەن تىڭ تاريحي ەرەكشەلىككە يە ۇلى كۇرەستەردى، پارتيا قۇرىلىسىنىڭ تىڭ، ۇلى ينجەنەرياسىن، جۇڭگولىق ەرەكشەلىككە يە سوتسياليزم ۇلى ءىسىن ىلگەرىلەتۋدە كەلەلى ءارى تەرەڭ جەتەكشىلىك مانگە يە. باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەت ەتىپ، قايتا - قايتا مۇقيات ۇيرەنىپ، رۋحاني ءمانىن يگەرىپ، كەڭ كولەمدە ىشكەرىلەي ۇگىتتەپ، دايەكتى تياناقتاندىرۋدى مىقتاپ يگەرىپ، پارتيانى جاپپاي قاتاڭ جونگە سالۋدى ىلگەرىلەتۋدەن اۋىتقىماي، ۇزدىك ناتيجەلەرمەن پارتيا 19 - قۇرىلتايىنىڭ جەڭىسپەن اشىلۋىن قارسى الۋ كەرەك. ءبىرىنشى، ساياسيدى تۋى ايقىن تۇردە دارىپتەپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، يدەيادا ۇيتقىنى قۇپتاپ، ساياسيدا ۇيتقىنى قورعاپ، ۇيىمدىق جاقتان ۇيتقىعا بويسۇنىپ، ارەكەتتە ۇيتقىعا تىعىز ىلەسىپ، ۇيتقىنى باتىل قورعاۋ كەرەك. ەكىنشى، پارتيا ورتالىق كوميتەتىنىڭ بەدەلىن باتىل تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق ساپ تۇزەپ، پارتيانىڭ نازارياسىمەن جانە لۋشيان، باعىت - ساياساتتارىمەن ساپ تۇزەپ، پارتيا ورتالىق كوميتەتىنىڭ شەشىم - ورنالاستىرۋىمەن ساپ تۇزەپ، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىنا باتىل بويسۇنىپ، پارتيا ورتالىق كوميتەتىنىڭ قۋاتتاماسىنا باتىل ءۇن قوسىپ، پارتيا ورتالىق كوميتەتىنىڭ ۇيعارىمىن باتىل اتقارىپ، پارتيا ورتالىق كوميتەتىنىڭ تيىم سالعان ىستەرىن استە ىستەمەۋ كەرەك. ءۇشىنشى، پارتيانىڭ ىشكى ساياسي تۇرمىسىن كۇشەيتىپ جانە ارناعا ءتۇسىرىپ، «ولشەم» مەن «ەرەجەنى» دەن قويا دايەكتىلەندىرىپ، ۇيىمدىق تۇرمىس ءتۇزىمىن قاتاڭ تياناقتاندىرىپ، پارتيانىڭ ىشكى ساياسي تۇرمىسىنىڭ ساياسيلىق، داۋىرلىك، پرينسيپتىك، جاۋىنگەرلىك سيپاتىن بارىنشا كۇشەيتۋ كەرەك. ءتورتىنشى، وزىندىك توڭكەرىس جاساۋ رۋحىن ساۋلەلەندىرىپ، وزىندىك توڭكەرىس جاساۋعا جۇرەكتى بولىپ، توڭكەرىستى سوڭىنا دەيىن جالعاستىرۋ رۋحىمەن ءوز بويىنداعى ماسەلەلەرمەن جانە قاتەلىكتەرمەن تاباندى تۇردە كۇرەس جۇرگىزىپ، ءوزىن - ءوزى ۇزدىكسىز كىرشىكسىزدەندىرىپ، كەمەلدەندىرىپ، جاڭارتىپ، جوعارىلاتىپ وتىراتىن قابىلەتتى ۇزبەي ارتتىرۋ كەرەك. بەسىنشى، باسشى كادرلار ءوزىن قاتاڭ تەجەپ، پارتيالىلىق تاربيەلەنۋدى كۇشەيتىپ، ءمورالدىق قاسيەتتى سومداپ، پارتيا ۋستاۆىنا، پارتيا قاعيداسىنا جانە پارتيا تارتىبىنە، مەملەكەت زاڭىنا قاتاڭ بويسۇنىپ، ادام تاڭداۋدىڭ، ادام ىستەتۋدىڭ دۇرىس باعىتىنان جازباي، ءار جاقتىڭ باقىلاۋىن ىرىقتىلىقپەن قابىلداپ، كوممۋنيستەردىڭ ساياسي قاسيەتىن ماڭگى ساقتاۋ كەرەك. التىنشى، پارتيانى باسقارۋ، پارتيانى جونگە سالۋ جاۋاپكەرلىگىن شىنايى تياناقتاندىرىپ، «ولشەم» مەن «ەرەجەنى» ۇيرەنۋدى، دايەكتىلەندىرۋدى، تياناقتاندىرۋدى بارىنشا يگەرۋ، باسشى كادرلار وزدەرى ونەگە كورسەتىپ، باستاماشىلدىقپەن ۇلگى ورناتۋى، ءار دارەجەلى پارتكومداردىڭ (پارتيا باسشىلىق گرۋپپا) شۋجيلەرى پارتيانى باسقارۋ، پارتيانى جونگە سالۋ جاۋاپكەرلىگىن كوكەيدە ساقتاپ، مىندەتىنە الىپ، مىقتاپ يگەرۋى، ءار دارەجەلى باسشى كادرلار «ءبىر قىزمەت ورنىندا قوس جاۋاپكەرلىك ارقالاۋدى» دەن قويا اتقارىپ، پارتيانى جاپپاي قاتاڭ جونگە سالۋدا تىڭ ناتيجەلەر جاراتىپ، جاقسى وبراز ورناتۋعا قۇلشىنۋى كەرەك.

    ءماجىلىس مىنانى باسا دارىپتەدى: باس شۋجي شي جينپيڭ مەملەكەت حاۋىپسىزدىگى قىزمەتى جونىندەگى اڭگىمە ماجىلىسىندە ماڭىزدى ءسوز سويلەپ، پارتيا مەن مەملەكەت قىزمەتىنىڭ جالپى جاعدايى تۇرعىسىنان مەملەكەتتىڭ حاۋىپسىزدىك جاعدايىنا ىشكەرىلەي تالداۋ جاساپ، كەزەكتەگى جانە مۇنان بىلايعى ءبىر مەزگىلدەگى مەملەكەت حاۋىپسىزدىگى قىزمەتىنە زەرتتەۋ جۇرگىزىپ، ورنالاستىرۋ جاساپ، جاڭا جاعدايداعى مەملەكەت حاۋىپسىزدىگى قىزمەتىنىڭ جاڭا جاعدايىن اشۋدى عىلمي قىبلانامامەن جانە نەگىزدىك ولشەممەن قامدادى. باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتە وتىرىپ، رايونىمىزدىڭ مەملەكەت حاۋىپسىزدىگى قىزمەتىن تىڭ دەڭگەيگە كوتەرۋگە قۇلشىنۋ كەرەك. ءبىرىنشى، جالپىلىق مەملەكەت حاۋىپسىزدىگى كوزقاراسىن دايەكتىلەندىرۋ كەرەك. جاڭا جاعدايداعى مەملەكەت حاۋىپسىزدىگى قىزمەتىنىڭ ەرەكشە ماڭىزدىلىعىن جىعا تانىپ، ستراتەگيالىق تاباندىلىقتى، ءوز - وزىمىزگە ستراتەگيالىق سەنىمدىلىكتى، ستراتەگيالىق بايسالدىلىقتى ساقتاپ، مەملەكەت حاۋىپسىزدىگىندە بارلىعىندا حالىقتىڭ قامىن ويلاۋعا، بارلىعىندا حالىققا ارقا سۇيەۋگە تاباندى بولىپ، ساياسي حاۋىپسىزدىك، ەكونوميكالىق حاۋىپسىزدىك، مەملەكەت تەرريتورياسى حاۋىپسىزدىگى، قوعامدىق حاۋىپسىزدىك، ينتەرنەت حاۋىپسىزدىگى سياقتى ءتۇرلى جاقتاعى حاۋىپسىزدىك قىزمەتتەرىن كورنەكتى تۇردە ويداعىداي يگەرىپ، مەملەكەت حاۋىپسىزدىگىن قورعاۋدىڭ ىرىقتىلىعىن مىقتاپ مەڭگەرىپ، حالىق بۇقاراسىنىڭ تىنىش تىرشىلىك ەتۋىن پارمەندى كەپىلمەن قامداۋ كەرەك. ەكىنشى، شينجياڭنىڭ جاراسىمدى، ورنىقتىلىعىن قورعاۋ كەرەك. باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىمەن يدەيانى بىرلىككە كەلتىرۋدەن جازباي، شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋدا ءدوپ كەلگەن قاتاڭ جاعدايدى ايقىن تانىپ، ساقتىق دابىلىن ۇزبەي قاعىپ، قاي - قاشان دا قىراعى بولىپ، قوعام ورنىقتىلىعى مەن باياندى تىنىشتىق باس نىساناسىنا نازاردى بار زەيىنمەن شوعىرلاندىرىپ، ءبىر جاعىنان، زورلىقتى كۇش، لاڭكەستىك قيمىلدارىنا قاتاڭ سوققى بەرۋدى يگەرۋگە، ءبىر جاعىنان، حالىق تۇرمىسىن جاقسارتۋدى، جۇرت تىلەگىن ۇيىستىرۋدى يگەرۋگە تاباندى بولىپ، اۆتونوميالى رايوندىق پارتكوم مەن ۇكىمەت بەلگىلەگەن «التىنى مىقتاپ يگەرۋ» مەن «بەستى باسقارۋ»، «ءتورتتى جاپپاي قامتۋ» سياقتى لاڭكەستىككە قارسى تۇرىپ، ورنىقتىلىقتى قورعاۋدىڭ ءبىر قىدىرۋ شارالارىن مۇقيات تياناقتاندىرىپ، شينجياڭ قوعامى جالپى جاعدايىنىڭ جاراسىمدى، ورنىقتىلىعىن قۇلشىنا ىسكە اسىرىپ، مەملەكەت حاۋىپسىزدىگىنە بەلسەنە ۇلەستەر قوسۋ كەرەك. ءۇشىنشى، پارتيانىڭ مەملەكەت حاۋىپسىزدىگى قىزمەتىنە باسشىلىعىنان جازباۋ كەرەك. پارتكوم ءبىر تۇتاس باسشىلىق ەتەتىن مەملەكەت حاۋىپسىزدىگى قىزمەتىنىڭ جاۋاپكەرشىلىك ءتۇزىمىن ورناتىپ، كەمەلدەندىرىپ جانە تياناقتاندىرىپ، مەملەكەت حاۋىپسىزدىگىن قورعاۋ جاۋاپكەرشىلىگىن كۇشەيتىپ، قىزمەت ءتۇزىمى مەن سايكەستىرۋ مەحانيزمىن جاقسارتىپ، وتاندى قورعاۋ جاۋاپكەرشىلىگىن ءبىلۋ، وتاندى قورعاۋ جاۋاپكەرشىلىگىن ارقالاۋ جانە وتاندى قورعاۋ جاۋاپكەرشىلىگىن ادا ەتۋ كەرەك.

    ماجىلىستە مىنالار اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلەردى سۇيەمەلدەۋ قىزمەتىن بۇرىن بولىپ كورمەگەن ستراتەگيالىق بيىكتىككە قويىپ، كوپ رەت ماڭىزدى ورنالاستىرۋ جاسادى. جۋىردا ج ك پ ورتالىق كوميتەت ساياسي بيۋروسىنىڭ تاعى دا ەلىمىزدىڭ كەدەيلىكتەن قۇتىلدىرۋدان قامال الۋ جاعدايى جانە كەدەيلەردى دالمە - ءدال سۇيەمەلدەۋدى اناعۇرلىم تىڭعىلىقتى اتقارۋ جونىندە 39 - رەتكى توپتىق ۇيرەنۋ وتكىزۋى، باس شۋجي شي جينپيڭنىڭ بۇقارانىڭ مۇڭ - مۇقتاجىنا كوڭىل بولەتىن، حالىق ءۇشىن ىستەيتىن ىنتا - ىقىلاسىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل ەل حالقىن باستاپ كەدەيلىكتى جەڭۋدەگى پارمەندى بەكىمى مەن سەنىمىن تولىق ايگىلەدى. يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن شىن مانىندە بىرلىككە كەلتىرىپ، كەدەيلىكتەن قۇتىلدىرۋدان قامال الۋدىڭ توتەنشە ماڭىزدىلىعىن تەرەڭ تانۋىمىز، شارالاردى ەگجەي - تەگجەيلەندىرىپ، ولقىلىقتاردى تولىقتىرىپ، كەدەيلىكتەن قۇتىلدىرۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋگە شىنايى كەپىلدىك ەتۋىمىز كەرەك. ءبىرىنشى، نىسانانى ايقىنداۋ كەرەك. 2020 - جىلعا بارعاندا، رايونىمىزداعى كەدەيلەردىڭ ىشەر اس، كيەر كيىمنەن تارىقپاۋىن ورنىقتى جۇزەگە اسىرىپ، مىندەتتى وقۋ - اعارتۋ، نەگىزدىك ەمدەۋ جانە باسپانا حاۋىپسىزدىگى قامتاماسىزدىعىنا كەپىلدىك ەتىپ، رايونىمىزداعى كەدەيلەردىڭ بۇكىل ەلدەگى 70 ميلليوننان استام كەدەيمەن بىرگە تۇگەلدەي كەدەيلىكتەن قۇتىلۋىنا شىنايى كەپىلدىك ەتۋ كەرەك. ەكىنشى، مىندەتتەردى ناقتىلاندىرۋ كەرەك. كەدەيلىكتەن قۇتىلدىرۋدان قامال الۋدى ماڭداي الدى ءىرى ءىس جانە حالىق تۇرمىسىن جاقسارتۋداعى ءبىرىنشى ينجەنەريا رەتىندە يگەرىپ، كەدەيلىكتەن قۇتىلدىرۋدان قامال الۋ نىساناسىن مىقتاپ ارقاۋ ەتىپ، قىزمەت مىندەتتەرىن ءبولىپ، ۋاقىت كەزەڭىن ايقىنداپ، جوبا بويىنشا شايقاس جاساۋدى ىسكە اسىرۋ كەرەك. نەگىزگى باسشىلاردىڭ مىندەتتەگى مەزگىلىندەگى كەدەيلەردى سۇيەمەلدەۋ نىسانالى جاۋاپكەرشىلىك ءتۇزىمىن ورناتىپ، كەدەيلىكتەن قۇتىلدىرۋ ونىمدىلىگىن كادرلاردى باعالاۋدىڭ ماڭىزدى نەگىزى ەتۋ كەرەك. ءۇشىنشى، شارالاردى تياناقتاندىرۋ كەرەك. ءوندىرىستى دامىتۋ ارقىلى ءبىر توبىن كەدەيلىكتەن قۇتىلدىرۋدان، قونىس جاڭالاپ كوشىرۋ ارقىلى، ءبىر توبىن كەدەيلىكتەن قۇتىلدىرۋدان، ەكولوگيالىق تولەم ارقىلى، ءبىر توبىن كەدەيلىكتەن قۇتىلدىرۋدان، وقۋ - اعارتۋدى دامىتۋ ارقىلى، ءبىر توبىن كەدەيلىكتەن قۇتىلدىرۋدان، قوعامدىق ەڭ تومەنگى شەكتە قامتاماسىز ەتۋ ارقىلى، ءبىر توبىن كەدەيلىكتەن قۇتىلدىرۋدان جازباي، «10 ءىرى ارنايى ارەكەتتى» اتقارىپ، ساياساتتىق قامتاماسىزدىقتىڭ تياناقتانۋىنا، قارجى ۇسىنىلىمىنىڭ تياناقتانۋىنا، كاسىپ ارقىلى جەتەكتەۋدىڭ تياناقتانۋىنا، نىساننىڭ ورنالاستىرىلۋىنىڭ تياناقتانۋىنا، حالىق تۇرمىسىنا قىزمەت كورسەتۋدىڭ تياناقتانۋىنا، قوعامدىق جاردەم - سۇيەمەلدەۋدىڭ تياناقتانۋىنا، شينجياڭعا باعىتتامالى كومەكتەسۋدىڭ تياناقتانۋىنا، بۇقارانىڭ ات سالىسۋىنىڭ تياناقتانۋىنا شىنايى كەپىلدىك ەتۋ كەرەك. ءتورتىنشى، كۇشتى دالمە - ءدال جۇمساۋ كەرەك. كەدەيلەردىڭ جاي - جاعدايىن تۇبەگەيلى انىقتاپ، ديناميكالى رەتتەۋدى ىسكە اسىرىپ، ادامعا، جەرگە قاراي شارا قولدانىپ، كەدەيلىك سەبەبىنە قاراي شارا قولدانىپ، كەدەيلىك تۇرىنە قاراي شارا قولدانىپ، سۇيەمەلدەۋ وبيەكتىسى دالمە - ءدال بولۋدى، نىساندى ورنالاستىرۋ دالمە - ءدال بولۋدى، قارجىنى پايدالانۋ دالمە - ءدال بولۋدى، شارانى وتباسىلارىنا جەتكىزۋ دالمە - ءدال بولۋدى، قىستاق جاعدايىنا قاراي ادام جىبەرۋ دالمە - ءدال بولۋدى، كەدەيلىكتەن قۇتىلدىرۋ ونىمدىلىگى دالمە - ءدال بولۋدى ىسكە اسىرۋ كەرەك. بەسىنشى، ستيلدە بۇرىلىس جاساۋ كەرەك. كەدەي بۇقارانىڭ كۇي - جايىن شىن مانىندە كوكەيگە ءتۇيىپ، نەگىزگى ساتىلارعا بارىپ، بۇقارامەن قويان - قولتىق ارالاسىپ، كەدەي بۇقارانىڭ «كەدەيلىك تامىرىنا بالتا شابۋىنا»، «كەدەيلىك قالپاعىن الۋىنا» كومەكتەسىپ، ناعىز كەدەيلەردى سۇيەمەلدەپ، كەدەيلەردى شىنايى سۇيەمەلدەپ، كەدەيلىكتەن قۇتىلدىرۋدىڭ ناقتى ونىمدىلىگىنە كەپىلدىك ەتۋ كەرەك. نەگىزگى ساتىنىڭ ۇيىمدىق قۇرىلىسىن كۇشەيتىپ، نەگىزگى ساتى كادرلارىن ويداعىداي تاڭداپ، پارمەندى سەپتەپ، نەگىزگى ساتى پارتيا ۇيىمدارىن بۇقارانى كەدەيلىكتەن قۇتىلىپ اۋقاتتانۋعا باستايتىن كۇشتى جاۋىنگەر قورعان ەتىپ قۇرىپ شىعۋ، پارتيالى كادرلاردى بۇقارانى كىرىسىن ارتتىرىپ اۋقاتتانۋعا باستايتىن باستاماشىلار ەتىپ جەتىلدىرۋ كەرەك. التىنشى، جاۋاپكەرشىلىكتى تياناقتاندىرۋ كەرەك. ءار دارەجەلى پارتكومدار مەن ۇكىمەتتەر كەدەيلەردى سۇيەمەلدەۋ قىزمەتىن ماڭىزدى ورىنعا قويىپ، ءبىرىنشى باسشىلار وزدەرى يگەرىپ، باس جاۋاپكەرشىلىكتى ارقالاۋ، سالالارعا جاۋاپتى باسشىلار ارنايى باسقارىپ، ارنايى يگەرۋ، تاراۋلار، ورىندار باسىمدىلىقتارىن ساۋلەلەندىرىپ، بار كۇشپەن قولداۋ كورسەتىپ، كەدەيلىكتەن قۇتىلدىرۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋگە كەپىلدىك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتۋى، رايونىمىزداعى ءار ۇلت حالىق بۇقاراسىنا باقىت جاراتۋى كەرەك.

    ءماجىلىس «اۆتونوميالى رايوندىق پارتكومنىڭ پارتيانىڭ ىشكى زاڭ - تۇزىمدەرى قۇرىلىسىن كۇشەيتۋ جونىندەگى اتقارۋ پىكىرى»، «اۆتونوميالى رايوندىق پارتكوم، حالىق ۇكىمەتىنىڭ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، 1 - كاسىپتىڭ ورەسىن جوعارىلاتۋدى جەبەۋ جونىندەگى اتقارۋ پىكىرى» سياقتىلاردى قاراپ ماقۇلدادى.

    اۆتونوميالى رايون باسشىلارىنان شوكىرات زاكىر، سۇن جينلۇڭ، لي پىڭشين، ەركىنجان تۇراحۇن، شۇي حايرۇڭ، لي شۋەجۇن، ەركىن تۇنياز، پىڭ جيارۇي، تيان ۋىن قاتارلىلار ماجىلىسكە قاتىناستى.

جاۋاپتى رەداكتور:سايراش تۇرارجان قىزى