«ءبىر بەلدەۋ، ءبىر جول» فورۋمى كەزىندە دمالىس بەرىلە مە؟ ۇكىمەت: ءالى ۇقتىرۋ تاپسىرىپ المادىق

    «ءبىر بەلدەۋ، ءبىر جول» حالىقارالىق سەلبەستىك فورۋمى مامىردا بەيجيڭدە وتكىزىلەدى. وسى رەتكى حالىقارالىق سەلبەستىك فورۋمى كەزىندە 2014 – جىلعى APEC فورۋمى اشىلعان كەزدەگىدەي دەمالىس بەرىلە مە؟ وسى تۋرالى حالىق تورابىنىڭ ءتىلشىسى بەيجيڭ قالالىق ۇكىمەتتىڭ 12345 جەدەل جەلىسىنە تەلەفون سوعىپ، قاتىستى قىزمەتكەرلەردەن سۇراستىردى، ولار قازىرگە دەيىن دەمالىس بەرۋ تۋرالى ۇقتىرۋ تاپسىرىپ الماعانىن ايتتى.

    جۋىردا عالامتوردا: «ءبىر بەلدەۋ، ءبىر جول» حالىقارالىق فورۋمى بيىل 14 – مامىردان 15 – مامىرعا دەيىن بەيجيڭدە وتكىزىلەدى. 20عا تارتا مەملەكەتتىڭ باسشسى فورۋمعا قاتىناسادى. فورۋمنىڭ اشىلاتىنى راس، دەمالىس تۋرالى بىلمەيمىن، دەمالىس بەرىلۋى مۇمكىن، فورۋمنىڭ دەڭگەيى APECپەن قارايلاس بولادى، - دەگەن ءسوز تارادى.

    وسى تۋرالى حالىق تورابىنىڭ ءتىلشىسى 12345 جەدەل جەلىسىنە تەلەفون جالعاپ، بەيجيڭ قالالىق ۇكىمەتتىڭ حالىققا قولايلى تەلەفون قابىلداۋ ورتالىعىمەن حابارلاستى، اتالعان ورتالىقتىڭ قىزمەتكەرى: ادەتتە دەمالىس ۇقتىرۋىن بەيجيڭ قالالىق ۇكىمەت شىعارادى ءارى «استانا تەرەزەسى» تورابىندا جاريالايدى، قازىر ءبىزدىڭ ورتالىق بۇل تۋرالى ۇقتىرۋ تاپسىرىپ العان جوق، - دەدى.

    ورتالىق قىزمەتكەرلەرى توردوستارعا عالامتورداعى وسەك – اياڭعا سەنبەۋدى، بەيجيڭ قالالىق ۇكىمەتتىڭ «استانا تەرەزەسى» تورابىندا جاريالانعان مالىمەتتەردى نەگىز ەتۋدى ەسكەرتتى.

جاۋاپتى رەداكتور:سايراش تۇرارجان قىزى