شينجياڭ الداعى 4 جىلدا «بەستە قامتاماسىزداندىرىلاتىن» قارتتار مەن جەتىم بالالاردىڭ قالايتىندارىن تۇگەلدەي شوعىرلى كۇتىمدەۋ - باعۋدى جۇزەگە اسىرادى

    شينحۋا اگەنتتىگىنىڭ 9 - اقپاندا ۇرىمجىدەن بەرگەن حابارى. شينجياڭ ۇيعۇر اۆتونوميالى رايوندىق حالىق ۇكىمەتى جۋىقتا «بەستە قامتاماسىزداندىرىلاتىن قارتتاردى شوعىرلى كۇتىمدەۋ جانە جەتىم بالالاردى شوعىرلى باعۋ ءتۇزىمىن جاپپاي ورناتۋ جونىندەگى پىكىردى» جاريالاپ، الداعى 4 جىلدا بۇكىل رايون كولەمىندە كوپ شارانى قاتار قولدانىپ، «بەستە قامتاماسىزداندىرىلاتىن» قارتتاردىڭ، جەتىم بالالاردىڭ قالايتىندارىن شوعىرلى كۇتىمدەۋ (باعۋ) مولشەرىن %100كە جەتكىزۋگە مۇمكىندىك جاساۋدى ورتاعا قويدى.

    «بەستە قامتاماسىزداندىرىلاتىن» قارتتار دەپ، باستىسى، اۋىل - قىستاقتارداعى ەڭبەك قابىلەتى، تابىس كوزى، سونداي - اق زاڭدا بەلگىلەنگەن باعۋشىسى، كۇتىمدەۋشىسى، سۇيەمەلدەۋشىسى جوق نەمەسە وسى ايتىلعان زاڭدىق مىندەتتەر جۇكتەلگەن ادامنىڭ اتقارۋ قابىلەتى جوق، جاسى 60تان اسقان قارتتاردى مەڭزەيدى. جەتىم بالالارعا، باستىسى، اتا - اناسىنان ايرىلعان نەمەسە اتا - اناسى تابىلماعان، 18 جاسقا تولماعان بالالار قامتىلادى.

    اۆتونوميالى رايوندىق حالىق ىستەرى مەڭگەرمەسى قۇتقارۋ - كومەكتەسۋ جۇمىستارىن باسقارۋ ءبولىمىنىڭ ورىنباسار باستىعى حان ۋىنياننىڭ تانىستىرۋىنشا، بيىل شينجياڭنىڭ قارتتاردى كۇتىمدەيتىن ۇكىمەت اشقان ءار تۇردەگى قۇرىلىمدارىندا جيىنى 19 مىڭ 500 بوس توسەك بار ەكەن، بۇلار تۇگەلدەي «بەستە قامتاماسىزداندىرىلاتىن» قارتتار مەن جەتىم بالالاردى شوعىرلى كۇتىمدەۋگە (باعۋ) پايدالانىلىپ، ولارعا نەگىزگى تۇرمىستىق، كۇتىمدەۋ قىزمەتتەرى، ناۋقاسىن ەمدەتۋ، ءبىلىم بەرۋ سياقتى كەپىلدىكتەر ۇسىنىلىپ، سۇرانىسقا ساي كۇتىمدەۋشى قىزمەتكەرلەر، قوعامدىق قىزمەت كاسىپتىك قىزمەتكەرلەرى، پسيحيكالىق كەڭەسشىلەر، ارنايى مامانداندىرىلعان ساۋىقتىرۋشىلار جانە جۇمىسشىلار ورنالاستىرىلماق. وسى نەگىزدە الداعى 3 جىلدا شينجياڭ جەر - جەردىڭ سۇرانىسى بويىنشا كۇتىمدەۋ قۇرىلىمدارى مەن توسەك - ورىندارىن كوبەيتىپ، سايكەستى قۇرىلعىلارمەن جابدىقتاپ، 2020 - جىلى «بەستە قامتاماسىزداندىرىلاتىن» قارتتار مەن جەتىم بالالاردى تۇگەلدەي شوعىرلى كۇتىمدەۋدى (باعۋ) جۇزەگە اسىرادى.

    قارجىمەن قامتاماسىز ەتۋ جاعىندا، شوعىرلى كۇتىمدەۋ (باعۋ) قۇرىلىمدارىنا قاجەتتى قارجىلار ورتالىقتىڭ شوعىرلى لاتاريا الەۋمەتتىك يگىلىك قورلارى، ءار دارەجەلى قازىنا مەجە ەسەپ قارجىلارى، يگىلىك لاتاريا قورى جانە شينجياڭعا باعىتتامالى كومەكتەسۋ قارجىلارى سياقتىلاردان توپتالادى. شوعىرلى كۇتىمدەۋگە (باعۋ) الىنعان سوڭ، «بەستە قامتاماسىزداندىرىلاتىن» قارتتار مەن جەتىم بالالاردىڭ نەگىزگى تۇرمىسىن قامتاماسىز ەتۋگە قاجەتتى قاراجات ءار ادامعا ايىنا جەكە - جەكە 520 يۋاندىق جانە 900 يۋاندىق ولشەمنەن كەم بولمايدى.

    كەزەكتە شينجياڭدا «بەستە قامتاماسىزداندىرىلاتىن» قارتتاردى شوعىرلى كۇتىمدەۋگە ارنالعان 29 مىڭ 600 توسەك - ورىن بار، قارتتاردى شوعىرلى كۇتىمدەۋ مولشەرى %25؛ جەتىم بالالاردى شوعىرلى باعۋعا ارنالعان 8000 توسەك - ورىن بار، جەتىم بالالاردى شوعىرلى باعۋ مولشەرى %20.

جاۋاپتى رەداكتور:سايراش تۇرارجان قىزى