«ءبىر بەلدەۋ، ءبىر جول» حالىقارالىق سەلبەستىك جوعارى دەڭگەيلى تالقى مىنبەرى مامىر ايىندا اشىلادى

    جاقىندا، مەملەكەت ءتوراعاسى شي جينپيڭ داۆوستاعى حالىقارالىق ءماجىلىس ورتالىعىندا دۇنيە جۇزىلىك ەكونوميكالىق تالقى مىنبەرىندە «ءبىر بەلدەۋ، ءبىر جول» حالىقارالىق سەلبەستىك جوعارى دەڭگەيلى تالقى مىنبەرىن وتكىزەتىنىن جاريالاعاننان كەيىن، ەلىمىز ءىشى جانە حالىقارالىق قوعامىنىڭ توتەنشە نازار اۋدارۋىنا بولەندى. ۇعىسۋعا قاراعاندا، «ءبىر بەلدەۋ، ءبىر جول» حالىقارالىق سەلبەستىك جوعارى دەڭگەيلى تالقى مىنبەرى بيىل 14-مامىردان 15-مامىرعا دەيىن بەيجيڭدە اشىلادى ەكەن، مىنبەردىڭ اشىلۋىنا 100 كۇن قالدى.

    كەزەكتى تالقى مىنبەردىڭ دايىندىق قىزمەتتەرىنە جاۋاپتى مەملەكەتتىك ىستەر القاسى ياڭ جيەچى بىلاي دەدى: «ءبىر بەلدەۋ، ءبىر جول» حالىقارالىق سەلبەستىك جوعارى دەڭگەيلى تالقى مىنبەرى — «ءبىر بەلدەۋ، ءبىر جول» جولعا قويىلعان ءۇش جىلدان بەرگى ەڭ جوعارى ولشەمدەگى تالقى مىنبەر قيمىلى، بيىلعى ەلىمىزدىڭ ماڭىزدى اسابالىق سىرتقى بايلانىس قيمىلى جانە حالىقارالىق جانە وڭىرلىك ىنتىماقتاستىقتى ىلگەرىلەتۋدە ماڭىزدى مانگە يە.

جاۋاپتى رەداكتور:سايراش تۇرارجان قىزى