كوپتىڭ اقىلىن كادەگە جاراتىپ، كوپتىڭ كۇشىن جۇمىلدىرۋعا شەبەر بولۋ كەرەك

    زىڭ يۇيحۋا

    باسشى دەگەن كىمدەر؟ باسشىلىق قابىلەتىن قالاي ساۋلەلەندىرۋ كەرەك؟ ءاربىر تابىستى باسشىنىڭ بارلىعىندا ەلدەن ەرەك تاجىريبە بار دەي تۇرساق تا، ولاردىڭ بارلىعىندا ءبىر ورتاق ەرەكشەلىك − كوللەكتيۆتىڭ اقىل - پاراساتىن ساۋلەلەندىرۋگە شەبەر بولادى.

    حان پاتشالىعى مەزگىلىندەگى ايگىلى ساردار حان شين ءوزى مەن ليۋ باڭنىڭ جاساق باستاۋ جاعىنداعى پارىقتارعا توقتالعاندا: «اعزام جاي جاساق باستاۋدان گورى قولباسى ىستەتۋگە شەبەر، مەنىڭ اعزامعا تۇتقىن بولۋىمنىڭ سەبەبى دە مىنە وسىندا»، - دەيدى. مۇنداعى «قولباسى ىستەتۋ» مەن «جاساق باستاۋ» باسشىلىق ەتۋ مەن باسشىلىق ەتىلۋشىنىڭ پارقىن ايگىلەيدى. ليۋ باڭنىڭ تابىسقا جەتۋىنىڭ سەبەبى − كوپتىڭ اقىلىن كادەگە جاراتۋعا شەبەرلىگى، وسى ءۇشىن دە ونىڭ جانىنداعى حان شين، جاڭ لياڭ، شياۋ حى قاتارلى دارىندىلار ءوز پاراساتىن بارىنشا ايگىلەدى. بۇل جاعداي ءۇش پاتشالىق زامانىنداعى سۇن چۋاننىڭ: «كوپتىڭ كۇشىن جۇمىلدىرا بىلگەن ادامعا دۇنيەدە تەڭ كەلەر جاۋ بولمايدى، كوپتىڭ اقىلىن كادەگە جاراتا بىلگەن ادام اۋليەدەن دە جاسقانبايدى» دەگەنىن دالەلدەيدى.

    باسشى كادرلار كۇشتى جيناقتاۋعا شەبەر بولۋى كەرەك. كوپتىڭ اقىلىن كادەگە جاراتۋعا شەبەر بولعان ادام قولباسى ىستەتۋگە لايىق، ادامدى دارىنىنا قاراي ءدال ورنىنا قويا ءبىلىپ، ونىڭ ارتىقشىلىعىن ساۋلەلەندىرگەندە «2<1+1» سىندى ونىمدىلىككە قول جەتكىزۋگە بولادى. كوپتىڭ اقىلىن كادەگە جاراتىپ، كوپتىڭ اقىلىنا باسشىلىق ەتىپ، ءار ادامدى ءوز ىسىنە جاۋاپتى ەتە بىلگەندە «شولدەن ولگەن ءۇش موناح» اڭگىمەسىندەگى جاعدايدان ساقتانۋعا بولادى. الايدا، كەيبىر باسشى كادرلار ۇقىق ويىنىنا بەرىلىپ، باسشىلىعىنداعى قىزمەتكەرلەرمەن ارباسىپ، ءبىرىن - ءبىرى تۇساۋدى ەشكىمدى دە اسپانداتپاۋدىڭ امالى دەپ قاراپ، وسىلاي ەتكەندە بارلىق ادام ءوزىنىڭ قولداۋىن قاجەت ەتەدى دە، ءوزىنىڭ بەدەلىن قورعاۋعا ءتيىمدى دەپ ەسەپتەيدى. مۇنداي فەودالدىق يمپەراتورعا ءتان ۇقىق يدەياسى كوممۋنيستەردىڭ بار نيەتىمەن حالىققا قىزمەت ەتۋ تالابىمەن قاراما - قايشى، ول تەك قانا قاجەتسىز ىشكى تالاستى ۋشىقتىرىپ، كوللەكتيۆتىڭ كۇشىن السىرەتەدى، پارتيا مەن بۇقارانىڭ بايلانىسىن بۇلدىرەدى.

    باسشى كادرلار كوپتىڭ اقىلىن قابىلداۋعا شەبەر بولۋى كەرەك. باسشىنىڭ باسىمدىلىعى − بايلىقتى ىسكە قوسىپ، ونى ءوزىنىڭ ارەكەتى مەن پاراساتىنىڭ قامتىمىنا اينالدىرۋدا. بۇعان سايكەستى ەكىنشى جاعىن ايتساق، بۇل باسىمدىلىق جالقاۋلىق ادەتىن تەز تۋدىرادى. مۇندايدا جيىنعا بارسا قۋ اۋىزىنا سەنىپ قۇرالاقان بارا سالادى؛ توپ باستاپ تەكسەرۋ - زەرتتەۋگە بارسا، ەكى اياعىمەن بارسا بولعانى؛ قيمىلعا قاتىناسۋ كەرەك بولسا، باس كورسەتسە بولعانى، باسقا بارلىق كەرەكتى باسقالار دايىندايدى، سونىمەن كەيبىر كادرلار اۋەلدەگى ۇيرەنۋ قابىلەتى مەن ىسكەرلىگىنەن ايىرىلىپ، لەكسيا قاعازى قولىندا بولماسا ءتىلسىز قالاتىن، حاتشىسى جانىندا بولماسا اقىماق بولاتىن كۇيگە تۇسەدى. كوپتىڭ اقىلىن كادەگە جاراتۋعا شەبەر ادام، باسشى مەن جاي قىزمەتكەردىڭ جۇمىس ءبولىسى تۇرلىشە ەكەنىن ءتۇسىنىپ، قول استىنداعىلارعا باسشىلىق ەتۋمەن بىرگە، قول استىنداعىلاردىڭ بويىنداعى قاسيەتتەرىن بايقاۋعا شەبەر بولىپ، باسقالاردىڭ اقىل - پاراساتىن قابىلداپ ءوز قاجەتىنە جاراتىپ، باسشىلىق قابىلەتىن جوعارىلاتۋى، يەك سۇيەۋدىڭ اسەرىنەن اۋەلگى قالپىنان كوز جازىپ قالماۋى كەرەك.

    باسشى كادر دارىندى جەتىلدىرۋگە شەبەر بولۋى كەرەك. كوپتەگەن ورگاندارداعى جاس جولداستار العىر دا زەرەك بولۋمەن بىرگە تاسقىنداعان جىگەر - قايراتقا يە بولسا دا، باي تاجىريبە مەن ورنىقتى پسيحولوگيالىق ساپا جاعى كەمشىل. GM ماشينا ءوندىرۋ سەرىكتەستىگىنىڭ ورىنباسار باس ديرەكتورى مارك حوگان: مەن ەڭ زەرەك، ەڭ جاسامپاز رۋحقا يە ادامداردى توڭىرەگىمە جيناۋعا قۇلشىنامىن. مەنىڭ ماقساتىم ەڭ تاڭداۋلى، ەڭ تالانتتى ادامدار ءۇشىن قاجەتتى قىزمەت ورتاسىن ازىرلەۋ، - دەيدى. كوپتىڭ اقىلىن كادەگە جاراتۋعا شەبەر باسشى، جاس كادرلاردى جاقسى ىستەتىپ قانا قويماي، جاس كادرلاردى جەتىلدىرۋگە شەبەر بولۋى، ولارعا قىزمەت جۇگىن ارتىپ، ۇيرەنۋىنە وراي تۋدىرۋى، شىنىعۋىنا قىزمەت ورنىن دايىنداپ، وسى ارقىلى ولاردىڭ دارىنىن ارتتىرا ءتۇسۋى كەرەك. مۇنان سىرت، باسشى كادر كەشىرىمدى بولۋى، جاس كادرلاردى جاقسى قورعاۋى كەرەك. تابىسقا جەتكەندەردى ماقتاۋ مەن شابىتتاندىرۋعا ساراڭدىق ەتپەۋى، ساتسىزدىككە ۇشىراعاندارعا كەڭ پەيىل بولىپ، رۋحىن جانۋى كەرەك. ويتكەنى ساتسىزدىككە كەشىرىمدى ءبىلۋ باسشى كادردىڭ ونەگەسى مەن پاراساتتىلىعىن اسىرا تۇسەدى.

    باسشى كادرلار جونىنەن العاندا، ءبىر ماڭىزدى قىزمەت − ادام قىزمەتى. كوپشىلىكتىڭ كۇشىن ۇيىستىرىپ، كوپشىلىكتىڭ پاراساتىن ساۋلەلەندىرگەندە، كوللەكتيۆتىڭ اقىل - پاراساتىن كادەگە جاراتىپ، ەڭ قۋاتتى بىرلەسپە كۇش تۋدىرۋعا بولادى.

جاۋاپتى رەداكتور:سايراش تۇرارجان قىزى