اۆتونوميالى رايون 2017 - جىلعى كوكتەم مەرەكەسى بايلانىسىمەن توپتىق شاعانشىلاۋ جينالىسىن وتكىزدى

    اۆتونوميالى رايون 2017 - جىلعى كوكتەم مەرەكەسى بايلانىسىمەن توپتىق شاعانشىلاۋ جينالىسىن وتكىزدى

    جينالىستى چىن چۋانگو باسقاردى، شوكىرات زاكىر ءسوز سويلەدى

    نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين جينالىسقا قاتىناستى

    25 - قاڭتاردا اۆتونوميالى رايون 2017 - جىلعى كوكتەم مەرەكەسى بايلانىسىمەن توپتىق شاعانشىلاۋ جينالىسىن وتكىزدى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجي−ى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى پارتيا، ۇكىمەت، ارميا ورىندارىنىڭ، بيڭتۋاننىڭ باسشىلارى ءار ۇلت، ءار سالا ۋاكىلدەرىمەن ءبىر اراعا باس قوسىپ، كونە جىلدى ۇزاتىپ، جاڭا جىلدى قارسى الدى.

    اۆتونوميالى رايون 25 - قاڭتار تۇستەن بۇرىن 2017 - جىلعى كوكتەم مەرەكەسى بايلانىسىمەن توپتىق شاعانشىلاۋ جينالىسىن وتكىزدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ، بيڭتۋاننىڭ باسشىلارى چىن چۋانگو، شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين قاتارلىلار ءار ۇلت، ءار سالا ۋاكىلدەرىمەن ءبىر جەردە باس قوسىپ، كونە جىلدى ۇزاتىپ سالىپ، جاڭا جىلدى قارسى الدى.

    توپتىق شاعانشىلاۋ جينالىسىنان ىلگەرى چىن چۋانگو، شوكىرات زاكىر قاتارلىلار ءار ۇلت، ءار سالا ۋاكىلدەرىمەن ىقىلاستى قول الىسىپ، ءوزارا سالەمدەسىپ، كوكتەم مەرەكەسىن بىرگە قۇتتىقتادى.

    اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو توپتىق شاعانشىلاۋ جينالىسىن باسقاردى. ول اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى اتىنان، بۇكىل رايونىمىزداعى ءار ۇلت حالقىنا، جۇمىسشىلارعا، شارۋالارعا، زيالىلار مەن كادرلارعا، شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى بولىمدەرىنىڭ كوماندير - جاۋىنگەرلەرىنە، قوعام حاۋىپسىزدىگى كادر - ساقشىلارىنا، دەموكراتيالىق پارتيا - توپتار مەن ساۋدا - ونەركاسىپشىلەر بىرلەستىگىنە، پارتيادا، توپتا جوق قايراتكەرلەرگە، بۇقارالىق ۇيىمدارعا، دەمالىسقا، پەنسياعا شىققان ساقا كادرلارعا، ساقا جولداستارعا، شينجياڭنىڭ ورنىقتىلىعىنا، دامۋىنا كوڭىل بولگەن جانە قولداۋ كورسەتكەن ءار سالا قايراتكەرلەرىنە جاڭا جىل بايلانىسىمەن ىزگى تىلەك ايتىپ، ولاردان ىقىلاسپەن حال سۇرادى.

    چىن چۋانگو بىلاي دەدى: جاڭا جىل، جاڭا ءۇمىت، جاڭا جىل، جاڭا ساپار. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، «بەستى ءبىر تۇلعالاندىرۋ» جالپى ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى جەبەپ، ورنىقتىلىق بارىسىندا ىلگەرىلەۋ قىزمەت نەگىزگى اۋەنىندە تاباندى بولىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ستيلدە بۇرىلىس جاساپ، تياناقتاندىرۋدى مىقتى يگەرىپ، بىلەك سىبانا قايراتتانا ىستەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋ ءۇشىن تىنباي كۇرەسىپ، شينجياڭنىڭ اناعۇرلىم شۇعىلالى بولاشاعىن بىرگە تۇلعالاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا قۇلشىنىپ، پارتيا 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الۋىمىز كەرەك.

    اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر توپتىق شاعانشىلاۋ جينالىسىندا ءسوز سويلەپ بىلاي دەدى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل اۆتونوميالى رايونداعى ءار ۇلت كادر - جۇرتشىلىعى ءورىس اشا جاڭالىق اشىپ، قايسارلىقپەن العا ۇمتىلىپ، ءتۇرلى قىزمەتتە قۋانارلىق، كىسىنى جەلپىندىرەرلىك تىڭ تابىستارعا قول جەتكىزدى. بۇل تابىستارعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا كوڭىل ءبولۋىنىڭ، نازار اۋدارۋىنىڭ جانە ايرىقشا قامقورلىق جاساۋىنىڭ ارقاسىندا، شينجياڭعا باعىتتامالى كومەكتەسىپ جاتقان ولكە، قالالار مەن مەملەكەتتىڭ مينيسترلىك، كوميتەتتەرىنىڭ شينجياڭ قىزمەتىنە كۇش - قۋاتىن سارقا جۇمساۋىنىڭ ارقاسىندا، بۇكىل اۆتونوميالى رايونداعى ءار ۇلت كادر - جۇرتشىلىعىنىڭ ناقتى، جاپالى ىستەۋى مەن قالتقىسىز ۇلەس قوسۋىنىڭ ارقاسىندا قول جەتتى.

    شوكىرات زاكىر بىلاي دەدى: جاڭا جىلدا ءبىز قوعام ورنىقتىلىعى مەن باياندى تىنىشتىق باس نىساناسىن بەرىك ورناتىپ، ورنىقتىلىقتى بارلىعىن باسىپ تۇسەتىن ساياسي مىندەتكە بالاۋدان جازباي، لاڭكەستىككە قارسى تۇرىپ، ورنىقتىلىقتى قورعاۋ شارالارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ نەگىزگى اۋەنىن، قامداۋ جاعىنداعى قۇرىلىمدىق رەفورمانى ىلگەرىلەتۋ نەگىزگى جەلىسىن بۇلجىتپاي مىقتى يگەرىپ، جىبەك جولى ەكونوميكالىق بەلدەۋىندە وزەكتى رايون قۇرۋ تۇيىنىنەن ويداعىداي پايدالانىپ، ورنىقتىلىقتى ساقتاۋ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن بار كۇشپەن تىڭعىلىقتى ىستەپ، پارتيانىڭ ۇلت، ءدىن ساياساتىن مۇقيات دايەكتى تياناقتاندىرىپ، ۇلتتار ىنتىماعى جانە ءدىن جاراسىمدىلىعى سىندى ەڭ ۇلكەن بۇقارالىق قىزمەتتى ەگجەي - تەگجەيلى جاقسى ىستەپ، «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتىپ، حالىقتى ارقاۋ ەتكەن دامۋ يدەياسىنان جازباي، اۆتونوميالى رايوندىق پارتكومنىڭ ماڭىزدى حالىققا تيىمدىلىك جاساۋ ينجەنەرياسى، كەدەيلىكتەن قۇتىلدىرۋدان قامال الۋ سياقتى ءبىرسىپىرا قىزمەت ورنالاستىرۋلارىن تاباندىلىقپەن، ىشكەرىلەي تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن قۇلشىنا كۇرەس جۇرگىزۋىمىز كەرەك.

    ليۋ ۋانلۇڭ، لي ۋي، شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، پىڭ جيارۇي، تيان ۋىن، سارقىت اقان ۇلى، اسحات كەرىمباي ۇلى، ليۋ شينچي قاتارلى اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلارى جانە دەمالىسقا، پەنسياعا شىققان ءىشىنارا ساقا جولداستار، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ، اۋە ارمياسىنىڭ ۇرىمجىدەگى بازاسىنىڭ، شينجياڭ قوعام حاۋىپسىزدىگى شەكارا قورعانىسى باس اترەتىنىڭ، شينجياڭ قوعام حاۋىپسىزدىگى ءورت ءوشىرۋ، ورتتەن ساقتانۋ باس اترەتىنىڭ نەگىزگى باسشى جولداستارى، اۆتونوميالى رايونعا (ورتالىققا) توتە قاراستى ورىنداردىڭ نەگىزگى جاۋاپتى جولداستارى، پارتيا 18 - قۇرىلتايىنىڭ ۇرىمجىدەگى ۋاكىلدەرى جانە مەملەكەتتىك حالىق قۇرىلتايىنىڭ ۇرىمجىدەگى ءىشىنارا ۋاكىلدەرى، مەملەكەتتىك ساياسي كەڭەستىڭ ۇرىمجىدەگى ءىشىنارا مۇشەلەرى، اۆتونوميالى رايونداعى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ، ءار ۇلت، ءار سالانىڭ جانە ءدىن سالاسىنىڭ، شينجياڭ باعىتتامالى كومەكتەسكەن كادرلاردىڭ ۋاكىلدەرى، مەملەكەتتىك جانە اۆتونوميالى رايوندىق ەڭبەك ەرلەرىنىڭ، وزات كوللەكتيۆتەردىڭ ۋاكىلدەرى، ۇلتتار ىنتىماعى، العاباسارلىعىنداعى ۇلگىلى جەكەلەردىڭ، وزات كوللەكتيۆتەردىڭ ۋاكىلدەرى، ارميانى قولداپ، اسكەريلەردىڭ وتباسىنداعىلارعا قامقورلىق جاساۋدىڭ ۇلگىلەرىنىڭ، ۇكىمەتتى قولداپ، حالىقتى ءسۇيۋدىڭ ۇلگىلەرى مەن قاھارمان ۇلگىلەردىڭ ۋاكىلدەرى توپتىق شاعانشىلاۋ جينالىسىنا قاتىناستى.

    جينالىستا ءار ۇلت ادەبيەت - كوركەمونەرشىلەرى تارتىمدى ادەبيەت - كوركەمونەر نومىرلەرىن قويدى.

جاۋاپتى رەداكتور:نۇرجان مينۋار قىزى