اۆتونوميالى رايون كوكتەم مەرەكەسى بايلانىسىمەن ارميا مەن جەرگىلىكتى ورىننىڭ اڭگىمە ءماجىلىسىن وتكىزدى

    چىن چۋانگو ماجىلىسكە قاتىناستى جانە ءسوز سويلەدى، شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين ماجىلىسكە قاتىناستى

22 - قاڭتاردا اۆتونوميالى رايون كوكتەم مەرەكەسى بايلانىسىمەن ارميا مەن جەرگىلىكتى ورىننىڭ اڭگىمە ءماجىلىسىن وتكىزدى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو ماجىلىسكە قاتىناستى جانە ءسوز سويلەدى

    22 - قاڭتار تۇستەن كەيىن، اۆتونوميالى رايون كوكتەم مەرەكەسى بايلانىسىمەن ارميا مەن جەرگىلىكتى ورىننىڭ اڭگىمە ءماجىلىسىن وتكىزدى. ارميا مەن جەرگىلىكتى ورىنداعىلار شاتتىقپەن ءبىر اراعا باس قوسىپ، كوكتەم مەرەكەسىن بىرگە قارسى الدى، ارميا مەن ۇكىمەتتىڭ، ارميا مەن حالىقتىڭ ەتەنە سۇيىسپەنشىلىگىن اقتارىلا اڭگىمەلەپ، شينجياڭنىڭ ورنىقتىلىق، دامۋ جوسپارىن بىرگە اقىلداستى.

    اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو اڭگىمە ماجىلىسكە قاتىناستى جانە ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايونىمىزداعى پارتيا، ۇكىمەت، ارميا ورىندارىنىڭ باسشىلارىنان نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين، ليۋ ۋانلۇڭ، لي ۋي، شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، سارقىت اقان ۇلى، جاروللا يسامىدىن قاتارلىلار ماجىلىسكە قاتىناستى.

    اڭگىمە ماجىلىستەن ىلگەرى، چىن چۋانگو، شوكىرات زاكىر قاتارلىلار شينجياڭدا تۇراتىن حالىق ازاتتىق ارمياسىنىڭ، قارۋلى ساقشى بولىمدەرىنىڭ، مىندەت وتەپ جاتقان قوعام حاۋىپسىزدىگى بولىمدەرىنىڭ باسشىلارىمەن ىستىق ىقىلاسپەن امانداسىپ، ءوزارا مەرەكەلىك تىلەك ءبىلدىردى.

    چىن چۋانگو سوزىندە اۆتونوميالى رايوندىق پارتكوم، حالىق قۇرىلتايى، حالىق ۇكىمەتى، ساياسي كەڭەس، بيڭتۋان جانە تۇتاس شينجياڭداعى ءار ۇلت حالقى اتىنان، شينجياڭدا تۇراتىن حالىق ازاتتىق ارمياسىنداعى، قارۋلى ساقشى بولىمدەرىندەگى، مىندەت وتەپ جاتقان قوعام حاۋىپسىزدىگى بولىمدەرىندەگى بارلىق كوماندير - جاۋىنگەرلەرگە، ارميادان دەمالىسقا، پەنسياعا شىققان كادرلارعا، قۇربانداردىڭ وتباسىنداعىلارعا، مۇگەدەك اسكەريلەرگە، قوسىننان كاسىپ اۋىستىرعان، قوسىننان شەگىنگەن اسكەريلەرگە، حالىق جاساقتارىنا، زاپاستاعى اسكەريلەرگە مەرەكەلىك سالەم جولدادى جانە شىن جۇرەكتەن ىزگى تىلەك تىلەدى، مەرەكە كەزىندە قىزمەت ورىندارىندا تاپجىلماي ىستەپ جاتقان جانە وتانىمىزدىڭ شەكارا قورعانىس 1 - شەبىن كۇزەتىپ جاتقان جولداستاردان شىنايى حال سۇرادى جانە ولارعا وسكەلەڭ قۇرمەت ءبىلدىردى.

    چىن چۋانگو بىلاي دەدى: وتكەن جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن حالىق ۇكىمەتى تۇتاس شينجياڭداعى ءار ۇلت حالقىن ىنتىماقتاستىرا باستاپ، پارتيا 18 - قۇرىلتايى مەن پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدى كوزدەن كەشىرگەن كەزدە سويلەگەن ماڭىزدى ءسوزىنىڭ رۋحىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ءورىس اشا ىلگەرىلەپ، شىنايى يگەرىپ، ناقتى ىستەپ، «13 - بەسجىلدىق» جوبانىڭ باستاماسىن جاقسى باستادى. وسى ناتيجەلەرگە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، بۇكىل ەلىمىزدەگى ءار ۇلت حالقىنىڭ بارىنشا قولداپ - قۋاتتاۋىنىڭ، تۇتاس اۆتونوميالى رايونىمىزداعى ءار ۇلت كادرلارى مەن بۇقارانىڭ ىنتىماقتاسا كۇرەس جۇرگىزۋىنىڭ ارقاسىندا قول جەتتى، بۇعان ءارى شينجياڭدا تۇراتىن حالىق ازاتتىق ارمياسىنداعى، قارۋلى ساقشى بولىمدەرىندەگى، مىندەت وتەپ جاتقان قوعام حاۋىپسىزدىگى بولىمدەرىندەگى قالىڭ كوماندير - جاۋىنگەرلەردىڭ جۇرەك قانى مەن ماڭداي تەرى سىڭگەن.

    چىن چۋانگو مىنانى اتاپ كورسەتتى: وتكەن جىلى شينجياڭدا تۇراتىن اسكەري بولىمدەر پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ ستراتەگيالىق ورنالاستىرۋىن باتىل دايەكتى تياناقتاندىرىپ، تۋدى بيىك ۇستاپ، پارتيانىڭ قولباسشىلىعىنا قۇلاق اسىپ، بورىشتارىن ادالدىقپەن ادا ەتىپ، مىندەتتى باتىلدىقپەن ارقالاپ، لاڭكەستىككە قارسى تۇرىپ، ورنىقتىلىقتى قورعاۋ، شەكارانى باسقارۋ، مەڭگەرۋ، حاۋىپسىزدىكتى قورعاۋ، جەر سىلكىنىسىنە قارسى اتتانىپ، اپاتتان قۇتقارۋ، جەرگىلىكتى ەكونوميكالىق قۇرىلىستارعا كومەك كورسەتۋ سياقتى شۇعىل، قيىن، قاتەرلى، اۋىر مىندەتتەردى اتقارۋ بارىسىندا، باستان - اياق اتوي سالىپ الدىڭعى شەپتە ءجۇرىپ، وتانىمىزدىڭ باتىس سولتۇستىك شەكارا قورعانىسىن بەكەمدەۋگە، شينجياڭنىڭ قوعام ورنىقتىلىعىن قورعاۋعا كورنەكتى ۇلەس قوستى.

    چىن چۋانگو مىنانى باسا دارىپتەدى: ءار دارەجەلى پارتكومدار، حالىق ۇكىمەتتەرى، ءار دارەجەلى تاراۋلار مەملەكەت قورعانىسى مەن قوسىن قۇرىلىسىنا بۇرىنعىداي كوڭىل ءبولىپ، قولداۋ كورسەتىپ، ارميا مەن جەرگىلىكتى ورىنداردىڭ جۇدىرىقتاي جۇمىلۋ يدەياسىن مىقتاپ ورناتىپ، ارميا مەن حالىقتىڭ توعىسىپ دامۋىن بەلسەنە جەبەپ، قوسىننىڭ دامۋىنىڭ پارمەندى تىرەگى بولىپ، ارميا مەن ۇكىمەت ىنتىماقتى، ارميا مەن حالىق ەتەنە ءبىر وتباسىنىڭ ادامدارىنداي بولۋ تاماشا جاعدايدى ۇزدىكسىز بەكەمدەۋ كەرەك. شينجياڭدا تۇراتىن حالىق ازاتتىق ارمياسىنداعى، قارۋلى ساقشى بولىمدەرىندەگى، مىندەت وتەپ جاتقان قوعام حاۋىپسىزدىگى بولىمدەرىندەگى كوماندير - جاۋىنگەرلەردىڭ پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ بۇيرىعىنا، قولباسشىلىعىنا باتىل قۇلاق اسىپ، ارميانى قۇدىرەتتەندىرۋ نىساناسىن جەتەكشى ەتىپ، ارميانى قۇدىرەتتەندىرۋدىڭ پارتيانىڭ قولباسشىلىعىنا قۇلاق اسۋداي تىرەگىن باتىل بەكەمدەپ، ارميانى قۇدىرەتتەندىرۋدىڭ شايقاسا الۋ، جەڭىستى شايقاس جۇرگىزۋدەي تەتىگىن يگەرىپ، ارميانى قۇدىرەتتەندىرۋدىڭ ارميانى زاڭ بويىنشا جونگە سالۋ، ارميانى قاتاڭ جونگە سالۋداي نەگىزىن بەكەمدەپ، توڭكەرىستەندىرۋ، وسىزامانداندىرۋ، مونتيزمدەندىرۋ قۇرىلىسىن جاپپاي نىعايتىپ، وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋ قاسيەتتى بورىشىن سانالىلىقپەن ارقالاپ، مەملەكەتتىڭ يەلىك ۇقىق حاۋىپسىزدىگىن، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا كۇش ۇيىستىرىپ، ۇلەس قوسۋىن ءۇمىت ەتەمىن.

    شينجياڭ اسكەري رايونىنىڭ ساياسي كوميسسارى لي ۋي، ورتالىق اسكەري ىستەر كوميتەتى جابدىقتاۋ، دامۋ ءبولىمى 21 - بازاسىنىڭ ساياسي كوميسسارى كۇڭ ليڭساي، اۋە ارمياسى ءۇرىمجى بازاسىنىڭ ورىنباسار سىليڭيۋانى لي ۋىنگاڭ، قارۋلى ساقشى شينجياڭ باس اترەتىنىڭ ساياسي كوميسسارى ۋاڭ ايگو شينجياڭدا تۇراتىن اسكەري بولىمدەر اتىنان ءسوز سويلەدى. كوپشىلىك سوزدەرىندە شينجياڭدا تۇراتىن اسكەري بولىمدەردىڭ داڭقتى ءداستۇرىن كوكىرەك تولى قىزعىندىلىقپەن ەسكە الىپ، شينجياڭداعى اسكەري بولىمدەردىڭ ارميانى قۇدىرەتتەندىرۋ نىساناسىن، جەرگىلىكتى ورىنداردىڭ ورنىقتىلىعىنا، دامۋىنا قىزمەت وتەۋ، تىڭ ناتيجە جاراتۋ ايبىندى جوباسىن اسقاق ارىنمەن اڭگىمەلەدى، سونداي - اق اۆتونوميالى رايوندىق پارتكومنىڭ، حالىق ۇكىمەتىنىڭ جانە تۇتاس شينجياڭداعى ءار ۇلت حالقىنىڭ كوكتەم مەرەكەسىن قۇتتىقتادى. كوپشىلىك جاڭا جىلدا شينجياڭدا تۇراتىن اسكەري بولىمدەردىڭ پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ شەشىمدەرى مەن ورنالاستىرۋلارى بويىنشا، جاڭا باستامانى تياناق ەتىپ، تىڭ رول ساۋلەلەندىرۋگە كۇش سالىپ، تۋدى بيىك ۇستاپ، رۋحتى سومداۋدى، اسكەر جاتتىقتىرىپ، سوعىسقا ساقاداي سايلانۋدى، جۇرت كوڭىلىن ۇيىستىرۋدى بۇلجىتپاي مىقتى يگەرىپ، شينجياڭنىڭ قوعام ورنىقتىلىعى مەن باياندى تىنىشتىعىنا تىڭ ۇلەس قوسۋعا قۇلشىناتىندىقتارىن ءبىلدىردى.

جاۋاپتى رەداكتور:سايراش تۇرارجان قىزى