حالىقتىڭ تۇرمىسى − دامۋدىڭ ايناسى

    شاڭ ياڭ

    [بۇقارانىڭ كوكەي تەستى سۇرانىسى − دامۋدىڭ تاماشا ورايى. حالىق تۇرمىسىن جاقسارتۋداعى ءتۇيىن − بەتالىستى بەلگىلەۋ]

    حالىق تۇرمىسىنىڭ جاقسارعان - جاقسارماعانىنا كوز جىبەرگەندە عانا، ساياساتتىڭ دۇرىس - قاتەسىن بىلۋگە بولادى. «تاريحنامادا» شاڭ تاڭنىڭ مىنانداي ءبىر ءسوزى بار، ادام سۋدان ءوزىنىڭ بەينەسىن كورە الادى، حالىق بۇقاراسىنىڭ تۇرمىس جاعدايىنان مەملەكەتتى باسقارۋ جاعدايىن بىلۋگە بولادى، بۇقارانىڭ كۇندەلىكتى تۇرمىستىق تۇتىنۋى، قۋانىش - قاسىرەتى اينا سياقتى. ءتۇزىمدى بەلگىلەۋ، ساياساتتاردى اتقارۋ ونىمدىلىگى وسى اينادان انىق بەينەلەنىپ تۇرادى.

    وسى جىلدا بۇقارالار كوپتەگەن ناقتىلى تيىمدىلىكتەرگە كەنەلدى. بۇل حالىق تۇرمىسىنا تيىمدىلىك جەتكىزۋ ساياساتىنىڭ ىلگەرىلەگەندىگىن، قوعامدىق يگىلىك قىزمەتتەرىنىڭ جاقسارعاندىعىن بەينەلەيدى. مىسالى، تىڭنان كاسىپتەنگەندەر سانى 13 ميلليوننان استى، كاسىپورىندارداعى زەينەتكە شىققانداردىڭ ەمدەلۋ قاراجاتىن ەسەپتەن كوتەرۋ اقىسى ءۇرتىس 12 جىل ارتتىرىلدى... حالىق جۇرتشىلىعىنىڭ اڭساعان ارمانى بىرتە - بىرتە جۇزەگە اسۋدا، قيىنشىلىق بىرتە - بىرتە شەشىلۋدە. وسىلاردىڭ بارلىعى − حالىقتى وزەك ەتكەن دامۋ يدەياسىنىڭ بىرتە - بىرتە العا ىلگەرىلەگەندىگىن بەينەلەدى.

    حالىق بۇقاراسى جاپپاي كوڭىل ءبولىپ وتىرعان كورنەكتى ماسەلەلەر بەلگىلى دارەجەدە جاقسارۋدا. دەسەدە حالىق جۇرتشىلىعىنىڭ تۇرمىسىندا كەيبىر ولقىلىقتار مەن جەتەرسىزدىكتەر ساقتالۋدا.

    مىسالى. زەينەتكەرلەردىڭ سانى 200 ميلليوننان اسقان، اسىرەسە، 40 ميلليوننان استام جالعىز باستى قارتتاردىڭ بۇكىلدەي ۇل - قىزدارىنا سۇيەنىپ ءومىر وتكىزەتىن قارتتاردىڭ قارتتار ۇيىنە اعىلۋى؛ سىرقاتتانعاندا ءىرى شيپاحانالارعا بارامىز دەپ، جاقىن ماڭداعى شيپاحانالاردى كوزگە ىلمەۋى؛ كاسىپتەنۋدى الىپ ايتساق، ۇلكەن قالادا كاسىپتەنۋ باسەكەسى كۇشتى، اۋىلعا قايتسا قىزمەت ورنىن تابا المايتىن جاعداي، تاعىسىن - تاعىلار...

    ءتۇيىن سۇرانىستا تۇر، ال سۇرانىس قامداۋدى ىلگەرىلەتەدى، بۇقارانىڭ تۇرمىسى ءبىر مەزگىل كوڭىلدەگىدەي بولماسا، وسىنىڭ ءوزى دە ءبىر اينا ىسپەتتى الداعى دامۋ جولىن كورسەتىپ بەرەدى.

    قامداۋدى جاقسارتۋدا − بۇقارانىڭ كوڭىل بولگەن ماسەلەلەرىن تولىق تانۋ، ولاردىڭ كوڭىل بولگەن ماسەلەلەرىن شەشۋ كەرەك. قارتتاردى كۇتىمدەۋدە كەمشىلىك بولۋى مۇمكىن، وندا زەينەتكەرلىك بازارىن اشىپ قۇرىلىمدى رەتتەپ، الەۋمەتتىك اۋماقتىڭ قارتتاردى كۇتىمدەۋ، قىزمەت وتەۋ جۇمىسى مەن قۇرىلعىلارىن جاقسارتۋ، ولاردىڭ ۇل - قىزدارىنا قولايلىلىق جاراتۋ كەرەك.

    بۇقارانىڭ كوكەي تەستى سۇرانىسى − دامۋدىڭ تاماشا ورايى. حالىق تۇرمىسىن جاقسارتۋداعى ءتۇيىن − بەتالىستى بەلگىلەۋ بولىپ تابىلادى.

    اۋدارعان: ەرگۇل كوشەرباي قىزى (پراكتيكانت)

جاۋاپتى رەداكتور:سايراش تۇرارجان قىزى