پارتيا مەكتەبىنىڭ پارتيالىلىق سيپاتىنا تاباندى بولۋ − كادرلاردى تاربيەلەۋدىڭ، باۋلۋدىڭ ساپاسىن جوعارىلاتۋدىڭ ءتۇبىرلى پرينسيبى

    دۇڭ ليرىن

    كادرلاردى تاربيەلەۋدى، باۋلۋدى كادرلار قوسىن قۇرىلىسىنىڭ باستى جەتەكشىلىك، نەگىزدىك، ستراتەگيالىق ينجەنەرياسى ەتۋ − پارتيامىزدىڭ تاماشا ءداستۇرى جانە دايەكتى قۋاتتاماسى. شي جينپيڭ جولداس پارتيا مەكتەبى قىزمەتى جونىندەگى مەملەكەتتىك ماجىلىستە: پارتيا مەكتەبىنىڭ پارتيالىلىق سيپاتى پارتيا مەكتەبى قىزمەتىنىڭ ءتۇبىرلى پرينسيبى دەگەنگە، ءسوزسىز، تاباندى بولىپ، كادرلاردى تاربيەلەۋ، باۋلۋ قىزمەتىنە اناعۇرلىم ءمان بەرىپ، جاڭا جاعدايداعى پارتيا مەكتەبى قىزمەتىن تىڭعىلىقتى ىستەۋ كەرەك، - دەپ اتاپ كورسەتتى. بۇل ماڭىزدى بايىمداۋ پارتيا مەكتەبىنىڭ دامۋىنا قاتىستى شەشۋشى ماسەلەلەرگە تەرەڭدەي جاۋاپ بەردى، ول − جاڭا جاعدايدا پارتيا مەكتەبى قىزمەتىن جاقسى ىستەۋدىڭ باعدارى. ءار دارەجەلى پارتيا مەكتەپتەرى پارتيا مەكتەبىنىڭ پارتيالىلىق سيپاتىنا تاباندى بولۋدى مەكتەپ قۇرىپ، ادام تاربيەلەۋدىڭ نەگىزى ەتىپ، پارتيا تۋىن بيىك ۇستاپ، كادرلاردى تاربيەلەۋ، باۋلۋ قىزمەتىنىڭ ساپاسىن ونان ارى جوعارىلاتۋ ءتيىس.

    پارتيانىڭ نازاريالىق تاربيەسى مەن پارتيالىلىق تاربيەسىن مىقتى ۇستاۋ كەرەك. پارتيا مەكتەبىنىڭ پارتيالىلىق سيپاتىنا تاباندى بولۋ − سايىپ كەلگەندە، يدەيالىق، ساياسي، قيمىل جاقتا پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ. بۇل پارتيا مەكتەبىنىڭ قىزمەت وزەگى − پارتيانىڭ نازاريالىق تاربيەسى مەن پارتيالىلىق تاربيەسىن مىقتى ۇستاۋ ەكەنىن بەلگىلەگەن. باسشى كادرلار پارتيا مەكتەبىنە بارىپ ۇيرەنۋدەگى نەگىزگى مىندەتى − پارتيانىڭ نازارياسىن ۇيرەنۋ، پارتيالىلىق تاربيەنى قابىلداۋ. ەگەر پارتيا مەكتەبى نازاريالىق تاربيە مەن پارتيالىلىق تاربيە سىندى نەگىزگى كاسىپتى، نەگىزگى ساباقتى بوساڭسىتسا، تاستاپ قويسا، ىرىقتىلىعىنان ايرىلادى، ءتىپتى، ساياسي باعىتتان اۋىتقيدى. كۋرسانتتاردى ديالەكتيكالىق ماتەرياليزمنىڭ، تاريحي ماتەرياليزمنىڭ نەگىزگى زاڭدىلىعى مەن مەتودولوگياسىن قۇلشىنا ۇيرەنۋگە جەتەلەۋ جانە جەبەۋ، اسىرەسە، ماركسيزدى جۇڭگوشالاندىرۋدىڭ جاڭا جەتىستىكتەرىن نازاريالىق تاربيەنىڭ وزەكتى مازمۇنى ەتە وتىرىپ، كۋرسانتتاردىڭ ستراتەگيالىق ويلاۋ قابىلەتىن، ديالەكتيكالىق ويلاۋ قابىلەتىن، ۋنيۆەرسال شەشىم جاساۋ قابىلەتىن، جالپى جاعدايدى مەڭگەرۋ قابىلەتىن جوعارىلاتۋ كەرەك. زامانىمىزداعى جۇڭگونىڭ ماركسيزدى ۇيرەنۋى مەن زەرتتەۋىن كۇشەيتىپ، كۋرسانتتاردى ۇيرەنگەنگە سەنۋگە، ۇيرەنگەندى قولدانۋعا، ۇيرەنگەندى ىستەۋگە جەتەلەپ، جول سەنىمىن، نازاريا سەنىمىن، ءتۇزىم سەنىمىن بەكەمدەپ، عىلمي نازاريالارمەن يدەيالارىن مىقتى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. مۇرات - سەنىم تاربيەسىن، پارتيانىڭ ءتۇبىرلى ماقساتى تاربيەسىن ىشكەرىلەي قانات جايدىرىپ، پارتيا ۋستاۆىن، پارتيا قاعيداسىن جانە پارتيا ءتارتىبىن ۇيرەنۋ تاربيەسىن پارتيالىلق تاربيەنىڭ ماڭىزدى مازمۇنى ەتۋ قاجەت.

    وقىتۋشىلار قوسىنى قۇرىلىسىن مىقتى ۇستاۋ كەرەك. پارتيا مەكتەبىنىڭ پارتيالىلىق سيپاتىنا تاباندى بولۋدا وقىتۋشىلاردىڭ جاۋاپكەرشىلىگى اسا جوعارى. پارتيا مەكتەبىنىڭ وقىتۋشىلارى پارتيامىز تىكەلەي باسقارىپ كەلگەن وقىتۋشىلار قوسىنى، پارتيامىزدىڭ كەم بولسا بولمايتىن نازاريا كۇشى. پارتيا مەكتەبىنىڭ وقىتۋشىلارى جونىنەن العاندا، الدىمەن وزدەرى سانالى تۇردە پارتيا مەكتەبىنىڭ پارتيالىلىق سيپاتىنا تاباندى بولۋلارى، وزدەرىنىڭ پارتيا مەكتەبى وقىتۋشىسى سالاۋاتىن قاي - قاشان دا ەستەرىندە بەرىك ساقتاۋى، پارتيا مەكتەبىن قىزۋ ءسۇيۋى، اتاق - ابىرويلارىن قاستەرلەۋى، پارتيالىلىقتارىن شىڭاۋدا ونان ارى قاتاڭ بولىپ، وزدەرىنىڭ ءىس جۇزىندىك ارەكەتى ارقىلى كۋرسانتتارعا ىقپال جاساۋى جانە ولاردى جەتەلەۋى كەرەك. پارتيا مەكتەبىنىڭ وقىتۋشىلارى − پارتيانىڭ مۇرات - سەنىمى جانە پارتيالىلىق باۋلۋىنىڭ تاربيەشىسى، تاراتۋشىسى بولعاندىقتان، ءسوز جوق، پارتياعا ادال، پارتيا مەكتەبى ىستەرىنە ادال، سوتسياليزم ىستەرىنە، كوممۋنيزم سەنىمىنە ادال بولۋى كەرەك. پارتيانىڭ ءتۇبىرلى ماقساتىن امالياتىندا ايگىلەۋگە باستان - اياق تاباندى بولىپ، ساياسي ءتارتىپ پەن ساياسي قاعيداعا قاتاڭ بويسۇنۋى؛ ساباقحانا تارتىبىنە قاتاڭ بويسۇنىپ، پارتيانىڭ نازارياسى مەن باعىت - ساياساتتارىنا، ورتالىقتىڭ ۇيعارىمدارىنا قايشى كەلەتىن قاتە كوزقاراستاردى تاراتپاۋى؛ ۇلكەن دۇرىس پەن ۇلكەن بۇرىس ماسەلەسىندە تۋى ايقىن بولۋى، پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋلارى كەرەك. وسكەلەڭ ءمورالدى ساۋلەلەندىرىپ، الەۋمەتتىك ءمورالدى ساقتاپ، جەكەلىك ءمورالدى قاتايتىپ، كاسىپتىك ءمورالعا بويسۇنىپ، تاماشا ستيلدى ساۋلەلەندىرۋلەرى، باسقالارعا ۇلگى بولىپ، تارتىپكە قاتاڭ بويسۇنىپ، وقىتۋ ىسىنە قاتاڭ بولىپ، تاماشا كاسىپتىك ءمورالىن ساقتاۋلارى، پارتيانىڭ وبرازى مەن پارتيا مەكتەبىنىڭ ابىرويىن سانالى تۇردە قورعاۋلارى كەرەك.

    مەكتەپتى جاپپاي قاتاڭ باسقارۋدى مىقتى ۇستاۋ كەرەك. مەكتەپتى جاپپاي قاتاڭ باسقارۋ − پارتيانى جاپپاي قاتاڭ باسقارۋدىڭ پارتيا مەكتەبى قىزمەتىندەگى ناقتى بەينەلەنۋى. پارتيا مەكتەبىنىڭ پارتيالىلىق سيپاتىنا تاباندى بولۋدا مەكتەپتى، ءسوز جوق، جاپپاي قاتاڭ باسقارۋدى تالاپ ەتەدى. شي جينپيڭ جولداس: ءار دارەجەلى پارتيا مەكتەپتەرى پارتيانى قاتاڭ باسقارۋدىڭ تالاپتارى مەن پارتيا مەكتەبىن قاتاڭ باسقارۋدىڭ باعىتىن ۇشتاستىرۋعا تاباندى بولۋى، مەكتەپتى قاتاڭ باسقارۋعا، وقىتۋدى قاتاڭ باسقارۋعا، ۇيرەنۋدى قاتاڭ باسقارۋعا تاباندى بولۋ كەرەك، − دەپ اتاپ كورسەتتى. «ۇشتە قاتاڭ، ۇشتە شىنايى» بولۋ تالابىن پارتيا مەكتەبىنىڭ تاربيە جۇرگىزۋىنىڭ، مەكتەپ باسقارۋىنىڭ تۇتاس بارىسىنا بايلانىستىرىپ، قاجىرلىلىقپەن كۇرەس جاساپ، ۇنەمشىلدىكپەن مەكتەپ باسقارىپ، ورتالىقتىڭ «8 ءتۇرلى بەلگىلەمەسىنىڭ» رۋحىن قاتاڭ تياناقتاندىرۋ؛ ساپالى مەكتەپ قۇرۋدى پارتيا مەكتەبى قىزمەتىنىڭ ماڭىزى ءتۇيىنى رەتىندە مىقتى ۇستاپ، مەكتەپتى جوعارى ولشەممەن باسقارۋعا تاباندى بولىپ، وقىتۋ جانە عىلمي زەرتتەۋدىڭ ساپاسىن قۇلشىنا جوعارىلاتۋ؛ كادرلاردى تاربيەلەۋ، باۋلۋ قىزمەتىن عىلميلاندىرۋدى، تۇزىمدەندىرۋدى، جۇيەلەندىرۋدى ىشكەرىلەي ىلگەرىلەتۋ، كادرلاردى تاربيەلەۋ، باۋلۋ قىزمەتىنىڭ ەرەجە - تۇزىمدەرىن ونان ارى كەمەلدەندىرىپ، كادرلاردى تاربيەلەۋ، باۋلۋ قىزمەتىن زاڭ - ەرەجەلەرگە ساي كەڭىنەن قانات جايدىرۋ كەرەك. مەكتەپتى قاتاڭ باسقارۋدىڭ كولەمى كەڭ، مۇندا وقىتۋ، عىلمي زەرتتەۋدىڭ مازمۇنى، وقۋلىق جانە پايدالانۋ ماتەريالدارىنىڭ قۇراستىرىلۋى، كۋرسانتتاردىڭ ارناۋلى تاقىرىپ تالقىلاۋ قيمىلى، كۋرسانتتاردى باعالاۋدى باسقارۋدىڭ بارلىعىنا اۋىر تالاپ قويىپ، قاتاڭ باسقارۋ كەرەك. وسىلاي بولعاندا عانا، وقىتۋدىڭ، مەكتەپتى باسقارۋدىڭ ورەسىن شىن مانىندە جوعارىلاتىپ، پارتيا مەكتەبى تاربيەسىنىڭ وزگەشە ەرەكشەلىگىن تولىق ساۋلەلەندىرىپ، كۋرسانتتاردىڭ نازاريالىق دەڭگەيى مەن ويلاۋ قابىلەتىن جوعارىلاتىپ، يدەيالىق قۋاتىن نىعايتىپ، نەگىزىن بەكەمدەپ، سول ارقىلى پارتيا ىستەرىنىڭ گۇلدەنىپ - كوركەيۋى مەن پارتيا قوسىنىنا ءىزباسار جەتىلدىرۋگە شىنايى كەپىلدىك ەتۋگە بولادى.

    (اۆتوردىڭ مەكەن - جايى: حىنان ولكەلىك جۇڭگوشا سوتسياليزم نازاريالىق جۇيەسىن زەرتتەۋ ورنى)

جاۋاپتى رەداكتور:سايراش تۇرارجان قىزى