ءتاڭىرتاۋ تورابى مەن شينجياڭداعى جوعارى مەكتەپ ورىندارى ستراتەگيالىق سەلبەستىك كەلىسىم جاساپ، بىرلىكتە جاڭا مەديا دارىندىلارىن تاربيەلەپ شىعادى

  جەرگىلىكتى ۋاقىت 2016-جىلى 9-قىركۇيەك تۇستەن كەيىن،ءتاڭىرتاۋ تورابى مەن شينجياڭ كوركەمونەر ينستيتۋتى، شينجياڭ قازىنا ـ ەكونوميكا ۋنيۆەرسيتەتىنىڭ ستراتەگيالىق سەلبەستىك كەلىسىمى ياعني «‹ءبىر بەلدەۋ، ءبىر جول› جاس مادەنيەت كوركەمونەر دارىندىلارىنىڭ جاڭالىق جاراتۋ بازاسىنىڭ» ۋيۆەسكاسىن ءىلۋ سالتى شينجياڭ كوركەمونەر ينستيتۋتىندا وتكىزىلدى.

    ءتاڭىرتاۋ تورابى مەن وسى ەكى مەكتەپ ءتۇرلى جاقتاعى ارتىقشىلىقتاردى ساۋلەلەندىرىپ، دارىندىلاردى تاربيەلەۋ، كاسىپتىك قۇرىلىس، مەكتەپتى تانىستىرۋ، نىسان سەلبەستىك جاقتارىنداعى اۋىس-كۇيىستى ءتىپتى دە تەرەڭدەتەتىن بولادى.

    ءتاڭىرتاۋ تورابى مەن شينجياڭ كوركەمونەر ينستيتۋتىنىڭ ستراتەگيالىق سەلبەستىك كەلىسىمىندە، ەكى جاق بىرلىكتە «‹ءبىر بەلدەۋ، ءبىر جول› جاس مادەنيەت كوركەمونەر دارىندىلارىنىڭ جاڭالىق جاراتۋ بازاسىنىڭ» ۋيۆەسكاسىن ءىلىپ، جىلجىمالى مەديا، ساندى مالىمەتتەر، اقپاراتتىڭ كورىمدىلىك قاتارلى جاقتاردا ورتاق سەلبەستىك ورناتىپ، قوعام ءۇشىن جاڭا مەديا دارىندىلارىن تاربيەلەپ، شينجياڭ ينتەرنەت تەلەۆيزياسىن بىرلىكتە قۇرىپ، شينجياڭداعى بىردەن-ءبىر، باتىس وڭىردەگى ەڭ ىلعارى، كورشىلەس ەلدەردە كوپ ءتىلدى ينتەرنەت كەسكىن ارناسىنىڭ جالپىلاستىرىپ، بىرلىكتە شينجياڭداعى جوعارى مەكتەپ وقۋشىلارىنىڭ «مادەنيەتتى دارىپتەپ، جاڭا ستيل ورناتۋ» يگىلىك جارناما تۋىندىلارىن جيناۋ قيمىلىن وتكىزىپ، كەدەي رايونداردى سۇيەمەلدەۋ، قولداۋ سىندى قىزمەتتەردى بىرلىكتە ەتەك الدىرىپ، «تارتىمدى شينجياڭ، كوركەم اۋىل-قىستاققا اياق باسۋ» زور يگىلىك قيمىلىن ەتەك الدىرادى.

    ال، ءتاڭىرتاۋ تورابى مەن قازىنا ـ ەكونوميكا ۋنيۆەرسيتەتىنىڭ سەلبەستىك جاقتارىنان ءسوز اشار بولساق، ەكى جاق ۇيرەنۋ تاربيەلەۋ بازاسىن قۇرىپ، ەرەكشەلىككە يە ساباقتاردى باستاپ، بىرلىكتە مەديا قاجەت ەتەتىن دارىندىلاردى تاربيەلەپ، «قوس تىلدە اۋدارۋ» (ۇيعۇر ءتىلى، قازاق ءتىلى، اعىلشىن ءتىلى، ورىس ءتىلى قاتارلى) تاربيەلەۋ كۋرىسىن اشىپ، بىرلىكتە قازىنا-ەكونوميكا كانالى، باعدارلاماسىن قۇرىپ، ورتا ازياعا باعىتتالعان، جىبەك جولى ەكونوميكالىق مەملەكەتتەر مەن وڭىرلىك قازىنا - ەكونوميكا تالقى مىنبەسى، مەديالارىنىڭ تالقى مىنبەسى، ستۋدەنتتەردىڭ جاسامپازدىق جاراتۋ جارىسى مەن كاسىپ جاراتۋ جارىسىن، ستۋدەنتتەردىڭ يگىلىك جارناما تۋىندىلارىن جيناۋ جارىسىن بىرلىكتە وتكىزىپ، شينجياڭ قازىنا-ەكونوميكا ۋنيۆەرستەتىندەگى وقۋشى-وقىتۋشىلاردىڭ ءتاڭىرتاۋ تورابى ءوزى جاراتقان كولەمدى قيمىلدارىنا قاتىناسۋعا ۇيىمداستىرىپ، مەكتەپ ىشىندە، كوڭىل اشۋ مادەنيەت سىندى قيمىل باعدارلامالارىن بىرلىكتە وتكىزەدى.

    ۇعىسۋعا قاراعاندا، ءتاڭىرتاۋ تورابى 2001-جىلى جەلتوقساننان باستاپ قۇرىلعاننان بەرى، شينجياڭداعى بىردەن-ءبىر نەگىزگى اقپار تورابى بولىپ، قازىر حانزۋ ءتىلى، ۇيعۇر ءتىلى، ورىس ءتىلى، اعىلشىن ءتىلى، قازاق ءتىلى، تۇرىك ءتىلى سىندى التى تىلدەگى سەگىز باسىلىمدى بەت بولىپ، شينجياڭداعى الدىڭعى ورىندا تۇراتىن توراپ بەتى بولىپ سانالادى. شينجياڭ كوركەمونەر ينستيتۋتى 1958-جىلى قۇرىلعان، ول باتىس سولتۇستىك وڭىردەگى بىردەن-ءبىر ۋنيۆەرسال سيپاتىندىق جوعارى كوركەمونەر ورداسى بولىپ، وڭىرلىك سيپاتى كۇشتى، ەرەكشەلىگى ايقىن، كوركەمونەر ساباق ءتۇرى تولىق. ال، شينجياڭ قازىنا ـ ەكونوميكا ۋنيۆەرسيتەتى 1950-جىلى قۇرىلعان بولىپ، شينجياڭداعى بىردەن-ءبىر قازىنا - ەكونوميكا تۇرىندەگى جوعارى دارەجەلى ءبىلىم ورداسى، ءارى اۆتونوميالى رايوننىڭ ءتۇيىندى قۇرعان بەس مەكتەپتىڭ ءبىرى.

جاۋاپتى رەداكتور:نۇرجان مينۋار قىزى