باتۋناسىن

    باتۋناسىن، ەر، مۇڭعۇل، 1993-جىلى مامىردا تۋىلعان، باينعولين وبلىسى مۇڭعۇل ورتا مەكتەبىنىڭ وقۋشىسى، اۆتونوميالى رايون جاعىنان «شينجياڭ ۇلتتار ىنتىماعىنداعى 100 العاباسار»، «ۇلتتار ىنتىماعىنداعى ۇزدىك جاسوسپىرىم» بولىپ ماراپاتتالدى.

    2009-جىلى 14-ماۋسىمدا، كورلا قالاسى يۇيساي كوشەسىندە كەتىپ بارا جاتىپ، 15 جاس مولشەرىندەگى «قوعامداعى تاربيەسىز جاستىڭ» ەكى حانزۋ وقۋشىنى بوگەپ الىپ، قۇقاي كورسەتىپ تارتىپ الماقشى بولعانىن كورىپ قالادى، مەكتەپتىڭ ۇيرەتكەن «قوعامداعى تاربيەسىز جاسقا» جولىققاندا سابىرلىقپەن توتەپ بەرۋ دەگەن تاربيەسى بويىنشا ونىمەن كەلىسەدى، ٴبىراق ونىڭ قارىن بولەگىنە پىشاق ٴتيىپ جارالانادى، قان كوپ اعىپ كەتكەندىكتەن ەسىنەن تانىپ جىعىلىپ، ەمحاناعا جەتكىزىلەدى. جاراقات ورنى تەرەڭ بولىپ، قارنىنا كوپ مولشەردە قان ۇيىپ قالعاندىقتان، سول كۇنى تۇستەن كەيىن ساعات 4 باستالعان وپەراتسيا ەكىنشى كۇنى تاڭعى ساعات 2 گە جالعاسادى. قان كوپ اققاندىقتان، دوحتىرلار وعان 3000 ميلليلەتر قان قۇيادى، وپەراتسيا ٴساتتى جاسالادى، ەڭ سوڭىندا ومىرگە تونگەن قاتەردەن امان قالادى.

    بال داۋرەندى جاستىق شاق ٴومىردىڭ قىزىعىن كورەتىن كەز، ٴبىراق، ول ەمحانا توسەگىندە جاتىپ، ومىرىنە تونگەن وسى ٴبىر رەتكى اۋىر ازابىمەن شايقاس جاسايدى. 2009-جىلى 23-مامىردا «باينعولين گازەتى» «مۇڭعۇل جاسوسپىرىمى قۇقاي كورسەتىپ تارتىپ الۋدى توسپاقشى بولىپ اۋىر جاراقاتتاندى» تاقىرىبىندا ارناۋلى حابار جاريالاپ، ونىڭ ىزگى ٴىسىن حابارلايدى. بۇل «ادىلەت جولىندا ايانباي» كوكىرەك كەرىپ ورتاعا شىققان مۇڭعۇل جاسوپسىرىمنىڭ ىزگى ٴىسى بايىنعولين وقىرماندارىن تەبىرەندىردى. سودان كەيىن، ونىڭ «ادىلەت جولىندا ايانباعان» ىزگى ىستەرىنە قوعام بويىنشا جاپپاي نازار اۋدارىلدى، ٴارى ۇلتتار ىنتىماعىن كۇشەيتىپ، قوعامنىڭ العاباسار يدەياسىن جەبەۋدە ماڭىزدى رول اتقاردى. بۇل ۋاقىتتاردا، قوعامنىڭ ٴار سالاسى وعان جىلۋ اتاپ، ەمحاناعا بارىپ كوڭىل سۇراپ، ونى ونەگە تۇتتى. 25-مامىر ساعات 19 مولشەرىندە، باينعولين مۇڭعۇل جوعارى دارەجەلى ورتا مەكتەبىنەن، باستاۋىش مەكتەپتەن ورتا مەكتەپكە دەيىن 68 كلاستاعى 3100 وقۋشى مەن 292 مۇعالىم-قىزمەتشى، مەكتەپ الاڭىندا رەتتى قاتارعا تۇرىپ، وقۋشىلاردىڭ قولدارىنا العان «باينعولين مۇڭعۇل ورتا مەكتەبى <ۇلتتار ىنتىماعىنىڭ ۇلگىسى، ادىلەت جولىندا ايانباعان باتىر جاسوسپىرىم> دەگەن» كەرمە تۋى جۇرتتىڭ نازارىن ايىرىقشا باۋرادى، وسى رەت جالپى 37228.67 يۋان اقشا جىلۋ اتالدى.

    كورلا قالالىق ٴتورتىنشى باستاۋىش مەكتەپ، باينعولين مۇڭعۇل باستاۋىش مەكتەبى، باينعولين وبلىستىق شينحۋا كىتاپحاناسى، بايىن تۇرعىندار رايونى، وقۋ-اعارتۋ مەكەمەسى قاتارلى ورىندار جىلۋ اتاپ مەيىر جەتكىزدى، مۇنداي ادىلەت جولىندا ايانباۋ رۋحى كوپتەگەن ادامدارى تاسىرلەندىردى. كوپ ادامنىڭ تىلەگى ارقاۋ بولىپ، وعان مەدەت بولىپ اۋىرۋدان ايىعا باستادى. ەمحانانىڭ جاقسى داۋالاۋىندا، باينعولين مۇڭعۇل ورتا مەكتەبىنىڭ ۇستاز-وقۋشىلارى، قوعامىنىڭ ٴار سالاسىنداعىلاردىڭ شىن پەيلىنىڭ ارقاسىندا ونىڭ جاعدايى كۇننەن-كۇنگە جاقسى بولا باستادى. مۇنداي «عۇمىر ساباعىندا» ول باتىرلىق پەن قايسارلىقتى تالدادى، جۇرتتىڭ كۇش-قۋاتىنىڭ دەمەۋىندە، ول ومىرگە جاڭا تانىم ورناتتى. ول: «مەن جاستار وداعى مۇشەسىمىن، جاستار وداعى مۇشەسىندە بولۋعا ٴتيىستى رولدى ساۋلەلەندىرۋىم كەرەك»،- دەپ ۇنەمى ايتاتىن، بۇل رەت، ول ٴوزىنىڭ ارەكەتى ارقىلى جاڭا ٴداۋىر 90-جىلداردا تۋىلعان ۇزدىك جاستار وداق ۇيىمى مۇشەسىنىڭ ۇلگىسىن جاراتتى. ول ەمحانادا جاتقان ۋاقىتىندا، ساباقتاستارى مەن مۇعالىمدارى وعان قاتتى كوڭىل ٴبولىپ تۇراتىن، كوپشلىك قۋات شىعارىپ ونىڭ كوڭىلىن سۇراپ باراتىن، بۇل وعان رۋحاني جاقتان كوپتەگەن مەدەت اكەلدى. «ول مۇعالىمدارعا ەرەكشە قۇرمەت جاسايتىن، ول باسقالارعا كومەكتەسكەندى قۋانىش سانايتىن ەدى، ادەتتە وقۋشىلاردا قينشىلىق بولا قالعاندا، ول قولىنان كەلگەنشە كومەكتەسەتىن»،- دەيدى ونىڭ كلاس جەتەكشىسى چاعان. مەكتەپتىڭ پارتيا كوميتەتىنىڭ شۋجيى ساي يۇڭپيڭنىڭ ايتۋندا، وقۋشىسىنىڭ ادىلەت جولىندا ايانباي، زۇلىمدىققا مويىماي، باتىل دا قايسارلىقپەن كەۋدە كەرىپ شىققان ىزگى ىستەرى، بۇكىل باينعولين مۇڭعۇل ورتا مەكتەبى وقىتۋشى-وقۋشىلارىنىڭ ماقتانىشى مەن ابرويى، بۇل مەكتەبىمىزدىڭ ۇلتتار ىنتىماعى قىزمەتىن بەرىك ۇستاعانىنىڭ ناتيجەسى. 2009-جىلى 31-جەلتوقساندا، ول مەكتەپ باسشىلارىنىڭ سەرىك بولۋىندا وبلىستىق ەڭبەك جانە قوعامدىق قامسىزداندىرۋ مەكەمەسىنە بارىپ، 50 مىڭ يۋاندىق ەمدەلۋ اقىسىن كوتەرىپ بەرگەندە، ول تەبىرەنگەنىنەن كوزىنە جاس الدى. قوعامىنىڭ العاباسارىلعىن دارىپتەپ، ادىلەت جولىندا ايانباۋ رۋحىن ٴتىپتى دە ساۋلەلەندىرىپ، وسى ارقىلى جالپى قوعام بولىپ ۇلتتار ىنتىماعىن قورعاۋعا اتسالىسىپ، بىرلىكتە كورىكتى مەكەن قۇرۋ سەنىمىن ٴتىپتى دە بەكەمدەستىردى. وسى رەتكى جارالانۋدا ول ەمحانادا ەكى رەت وپەراتسيا قابىلداپ، ٴتۇرلى ەمدەلۋ قاراجاتى 90 مىڭ يۋان بولدى. ۋاقيعا تۋىلعاننان كەيىن، قوعامىنىڭ ٴار سالاسى بۇل «ادىلەت جولىندا ايانباعان» ىزگى ىسكە باسا نازار اۋدارىپ، كومەك قولدارىن سوزىپ، مەيرباندىق جىلۋ اتاۋ سوماسى 71487.67 يۋانعا جەتتى. باينعولين مۇڭعۇل ۇلتتىق جوعارى دارەجەلى ورتا مەكتەبى ونىڭ وقۋ مەزگىلىندەگى بارلىق قاراجاتىن كوتەرەتىن بولىپ، ونىڭ الاڭسىز وقۋىنا تاماشا ورتا جاراتتى.

جاۋاپتى رەداكتور:伊马木