شيا جۇڭحۇي

شيا جۇڭحۇي

    شيا جۇڭحۇي، ايەل، حانزۋ، 64 جاس، پارتيا مۇشەسى، اقسۋ ايماعى باي اۋدانى كاڭچي اۋىلى ءسابدۇن قىستاعىنىڭ اۋىل-قىستاق شيپاگەرى.

    شيا جۇڭحۇي 11 جاسىندا اتا-اناسى ءبىرىنىڭ ارتىنان ءبىرى قايتىس بولدى، 13 جاسىندا اۋىلداسىنا ەرىپ سىچۋانداعى تۋعان جەرىنەن اتتانىپ باي اۋدانى كاڭچي اۋىلى ءسابدۇن قىستاعىنا كەلدى، اشىق جارقىن، قاراپايىم ۇيعۇر وتباسى ونى الىپ قالدى، ول ۇيعۇر جۇرتشىلىعىنا ۇيلەرىندە تاماقتانىپ، سولاردىڭ بەرگەن كيىم-كەشەگىن كيىپ ەرجەتتى. قىستاق تۇرعىندارىنىڭ تانىستىرۋىمەن 1971-جىلى شيا جۇڭحۇي ءسابدۇن قىستاعىندا جالاڭ اياق شيپاگەر بولدى. شيا جۇڭحۇي قىزمەتكە اسقان جاۋاپكەرشىلىكپەن قاراپ، ناۋقاستارعا ءوز تۋىسىنداي قارايلاستى، ولاردى اۋىرۋ ازابىنان ايىقتىرۋدى قاسيەتتى بورىشىم دەپ سانادى. مەيلى كۇندىز-ءتۇن بولسىن، اۋىلداستارى وعان مۇقتاج بولعان ساتتە ول ءارقانداي ۋاقتتا اۋىلداستارىنىڭ جانىنان تابىلدى. ول ۇلتتار ارا تەكتەۋگە قاراماستان ۇيعۇر باۋىرلاسىن ءوزى جاساندى جولمەن تىنىس الدىردى؛ ءار جىلى 2500 يۋان شىعارىپ كەدەي، قينشىلىعى بار وتباسىلاردىڭ ەمدەلۋىنە كومەكتەستى، تۇرمىسىندا قينشىلىعى بار جۇرتشىلىققا اقشالاي، زاتتاي اتاعان جىلۋى مەن ءدارى-دارمەك اقىسىن ءوزى كوتەرگەن اقشاسى جينى 100 مىڭ يۋانعا جەتتى؛ ول پارتيانىڭ ۇلت، دىنگە قاتىستى ساياساتىن بەلسەندىلىكپەن ۇگىتتەپ، ۇرپاقتارى مەن ماڭايىنداعى جۇرتشىلىقتى تاربيەلەۋگە كۇش سالىپ، ۇلتتار ىنتىماعىن قورعاۋدىڭ تاماشا جاعدايىن جاراتتى. شيا جۇڭحۇي باستان-اياق ءوزىن باۋلىعان مەيرىمدى جانداردى ۇمىتپادى، ۇنەمى قىستاق تۇرعىندارى مەن ۇرپاقتارىنا: «ءسابدۇن قىستاعى مەنى باۋلىدى، مەن ءسابدۇن قىستاعىنىڭ قىزىمىن، ءومىر بويى وسى جەردە قىزمەت وتەۋگە دايىنمىن»،-دەدى.

    37 جىلدان بەرى شيا جۇڭحۇي ءوز ۋادەسىن ورىنداۋعا ادال بولدى، جولداسى قايتىس بولعان كەزدەدە اۋىل-قىستاق دەنساۋلىق ساقتاۋ قىزمەتىنىڭ ەڭ الدىڭعى شەبىندە ءجۇردى، قالاعا بارىپ سوڭعى ءومىرىن الاڭسىز وتكىزۋدى قالامادى.

    ول ىلگەرىندى-كەيىندى «اۆتونوميالى رايوندىق ۇزدىك اۋىل-قىستاق شيپاگەرى»، «اقسۋ ايماقتىق تاڭداۋلى پارتيا مۇشەسى»، «اقسۋ ايماقتىق ۇلتتار ىنتىماعىن كۇشەيتدە وزات جەكە»، « اقسۋ ايماقتىق 8-ناۋرىز قىزىلتۋشىسى» بولىپ باعالاندى.

جاۋاپتى رەداكتور:伊马木