ۋاڭ چىڭباڭ

ۋاڭ چىڭباڭ

    ۋاڭ چىڭباڭ، ەر، حانزۋ، 78 جاس، پارتيا مۇشەسى، باينعولين موڭعۇل اۆتونوميالى وبىلىسى كورلا قالاسىنىڭ دەمالىسقا شىققان كادىرى.

    ول اسكەري بولىمنەن زەينەتكەر بولعان ساقا پارتيا مۇشەسى، ساقا كادىر. ول زەينەتكە شىققاننان كەيىن تارىم مۇناي بازاسىنىڭ الەۋمەتتىك اۋماعى، كونچى وزەنى كورىنىس رايونىندا 15 جىل مىندەتتى قالامشا جەتىلدىرىپ، اعاش ەگۋمەن شۇعىلداندى، راك اۋىرۋىنا شالدىعىپ وپەراتسيا جاساتقاننان كەيىن دە دەن قويعا ىسىنەن جالىقپاي، قالانى جاسىلداندىرۋ قىزمەتىنە كىرىستى، كورلانىڭ باۋ-باقشالى قالا، وركەنيەتتى قالا قۇرلىسىنا ۇزدىكسىز كورىك بەردى. ول كەزىندە 4 رەت ماۋ زىدۇڭ سياقتى اعا بۋىن پارتيا مەن مەملەكەت باسشىلارىمەن كەزدەسۋىن قابىلداعان، پارتيا 9-قۇرىلتايىنىڭ ۋاكىلى، شينجياڭ ۇيعۇر اۆتونوميالى رايونىنىڭ 5-كەزەكتى حالىق قۇرىلتاي ۋاكىلى بولعان، تالاي رەت 2-، 3-دارەجەلى ەڭبەك كورسەتكەن، مەملەكەت، اۆتونوميالى رايون دارەجەلى وزات كوللەكتيۆ جانە وزات جەكەلەر ۋاكىلدەر جينالىسىنا داڭىقپەن قاتىناسقان.

    2001-جىلى ۋاڭ چىڭباڭ كورلا قالالىق باۋ-باقشا باسقارماسىنا بارىپ ەڭبەك اقىسىز ۋاقىتتىق جۇمىسشى بولۋدى تالاپ ەتكەن. كورلا قالاسىنىڭ باۋ-باقشا جاسىلداندىرۋ قىزمەتىنە قاراتا قالالىق ۇكىمەتتىڭ باۋ باقشا قاراجاتىنىڭ سالىستىرمالى تۇردە جەتىسپەيتىندىگىن ويلاستىرعان ۋاڭ چىڭباڭ قارت «عىلمي ورنالاستىرۋ، عىلمي جولمەن ەگۋ، عىلمي جولمەن باسقارۋ» قىزمەت يدەياسىن ورتاعا قويدى. عىلىمعا سۇيەنىپ باسقارۋ ارقىلى نارىقتى تومەندەتتى. باسشىلار ونىڭ دەنساۋلىعى ناشار، جاسى ەگدەلەپ قالعاندىقتان ونى جاسىلداندىرۋ اتىرەتىن باسقارۋعا، سونىمەن بىرگە ونى ەڭ ماڭىزدى تەحنيكالىق ورىنعا ورنالاستىرىپ، وركەن جەتىلدىرۋ بازاسىن باسقارۋ جانە جەتىلدىرۋ قىزمەتىنە جاۋاپتى ەتتى. الايدا ول ءوز قىزمەتىن تىڭعىلىقتى ىستەۋمەن بىرگە جاستار سياقتى ءاربىر جاسىلداندىرۋ ينجەنەرياسى الاڭىندا جانىن سالا ەڭبەك ەتتى.

    ۋاڭ چىڭباڭ مىنە وسىنداي، قىزمەتكە كىرىسسە بولدى ءوزىن ۇمىتىپ كەتەدى. ول بىرنەشە رەت قاقاعان ايازدا سۇيەكتەن وتەتىن قۇدىققا سەكىرىپ ءتۇسىپ قۇبىردى جوندەگەن، ول شىلدەنىڭ قاپىرىق ىستىعىندا جالعىز ءوزى 60 نەشە ورىنداعى قۇلاعالى تۇرعان جەردى بوگەگەن، تالاي رەت قۇم بالشىققا تۇسكەن؛ بورانعا قاراماي مىڭ ءتۇپ اعاشتى قاتەردەن قۇتقارعان؛ كەزىندە جارىم تۇنگە دەيىن شارلاۋ جۇرگىزىپ، بوراننان ساقتانۋ ورمانىن قورعاعان. مەيلى قاپىرىق ىستىق نەمەسە قاقاعان اياز بولسىن ەكى كيلومەتىر كەلەتىن بينحى جولىنان ونىڭ قاراسىن كورەسىز، ول قىزمەت بارىسىندا بارماعىن كەسىپ الىپ، جارالانعان قولىن كوتەرىپ ايازدا 3 اي جۇرگەن؛ ول ۇنەمى جارىم تۇندە ورنىنان تۇرىپ سۋ جاعدايىن تەكسەرىپ، قوقىر-قوقسىق تازالايتىن......ايتەۋىر ۋاڭ چىڭباڭمەن تانىس جۇمىسشى، قىزمەتكەر، باسشى بولسىن ونىڭ وزىمەن ەسەپتەسپەي قۇربان بەرۋدەن تايىنبايتىن رۋحىنا ءتانتى بولاتىن، ولار شىن پەيىلىمەن ۋاڭ چىڭباڭ ناعىز كوممۋنيست دەيتىن.

    2010-جىلى 15-مامىردا ول سىچۋانداعى جەر سىلكىنۋ اپاتىنا ۇشىراعان رايونعا 11 مىڭ يۋان جىلۋ اتادى. سوناۋ نەشە ون جىلدىڭ الدىندا ۋاڭ چىڭباڭ ۇنەمى اپاتقا ۇشىراعان رايون جانە كەدەي، قينشىلىعى بار وتباسى، ءۇمىت ينجەنەرياسى سياقتى قينشىلىعى بار جۇرتشىلىققا جىلۋ اتايتىن. 1976-جىلى 28-شىلدەدە تاڭشاندا اۋىر جەر سىلكىنۋ اپاتى تۋىلعان كەزدە ول اسكەري بولىمدە قىزمەت ىستەيتىن، تەك التى يۋان قوسىمشا قاراجات الاتىن، سولاي بولسادا ول 3 مىڭ يۋان جىلۋ اتادى، بۇل ونىڭ بار جيعان-تەرگەنى ەدى. سوعان ۇقساس 70-جىلداردا سىچۋاننىڭ ميانياڭ ايماعى اپاتقا ۇشىراعان كەزدە ول اپاتقا ۇشىراعان رايونعا 1500 يۋان جىلۋ اتاعان. ۋاڭ چىڭباڭ دەمالىسقا شىققاننان كەيىن كورلا قالاسىندا توقتام جۇمىسكەرى بولدى، ول مەكەمە بەرەتىن 300 يۋان ەڭبەك اقىنى تۇگەلدەي جاسىلداندىرۋ جۇمىسىنا پايدالاناتىن، ۇنەمى ماڭايىنداعى قالاعا جۇمىس ىستەگەلى كەلگەن حالىق جۇمىسكەرلەرىنە اقشالاي كومەكتەسىپ، ەرەكشە قينشىلىعى بار وقۋشىلارعا جىلۋ اتايتىن. نەشە جىلدان بەرگى اتاعان جىلۋ اقشاسى مەن باسقالارعا كومەككە بەرگەن اقشاسىن ەسەپتەسەك ءجۇز نەشە مىڭ يۋان شىعادى.

    2005-جىلى ماۋسىمدا لانجوۋ اسكەري رايونى ءۇرىمجى باس شيپاحاناسى ۋاڭ چىڭباڭ قارتتىڭ وكپە راك اۋىرۋىنا شالدىعىپ سوڭعى مەزگىلىنە وتكەندىگىن ءارى قانعا تارالعاندىعىن تۇراقتاندىردى. شيپاحانا پارتكومى ىشكەرلەي تالقى وتكىزۋ بارىسىندا ناۋقاستى بەيجيڭدەگى 301 –شيپاحاناعا جوتكەۋدى ۇيعاردى، ايىقپاس ناۋقاستى ەمدەۋمەن اتى تارالعان ازاتتىق ارميا باس شيپاحاناسىندا ۇزدىكسىز ەمدەلەتىن بولدى. ءوز ناۋقاسىنىڭ جاعدايىنا قانىق ۋاڭ چىڭباڭ قارت 301-شيپاحاناعا بارىپ ەمدەلۋگە مۇلدە قوسىلمادى. جارتى ايدان كەيىن ول ەككەن سان مىڭداعان گۇلدەر ونىڭ قايتىپ كەلۋىن كۇتكەن سياقتى، بالكىم تالاي رەت ءولىم مەن ءومىر سىنىنان وتكەن جىگەرى ارقىلى اۋىرۋ ازابىن جەڭگەن بولۋى،بالكىم ونىڭ اشىق جارقىن ومىرگە دەگەن كوزقاراسى ابدەن قالجىراعان دەنەسىنە تىرشىلىك قۋاتىن باعىشتاعان بولۋى مۇمكىن. قالاي بولماسىن ۋاڭ چىڭباڭ 70 جىلدان بەرگى ەڭ ءبىر قيىن وتكەلدەن حيكىمەتتى جاعدايدا سۇرىنبەي ءوتتى. ونىڭ اۋىرۋىن قايتا تەكسەرگەن كەزدە شيپاگەر بۇرىن بايقالعان قاتەرلى وسپە ۇلكەيمەستەن قايتا كىشىرەيگەنىن كورىپ قايران قالدى، تاجىريبەسى مول جاۋاپتى شيپاگەر تاڭىرقاپ: بۇل ءبىر حيكىمەتتى جاعداي بولدى، مۇنى ەشكىم ويلاپ جەتە المايدى—دەدى. قازىر ۋاڭ چىڭباڭ اۋىرۋمەن كۇرەس جۇرگىزۋمەن بىرگە ءار كۇنى قالالىق باۋ-باقشا باسقارماسىنىڭ وركەن جەتىلدىرۋ ورنىندا ەڭبەك ەتتى، مەيلى ناشار بوران سوعىپ، جاۋىن-شاشىن بولسادا ول كونچى وزەنى بويىنداعى جاسىلداندىرۋ ءوڭىرىن شارلاپ شىعادى.

    ول تالاي رەت 2-دارەجەلى، 3-دارەجەلى ەڭبەك كورسەتكەن، مەملەكەت، اۆتونوميالى رايون دارەجەلى وزات كوللەكتيۆ جانە وزات جەكەلەر ۋاكىلدەر ماجىلىسىندە قاتىناسقان، 2010-جىلى باينعولين موڭعۇل اۆتونوميالى وبىلىسىنىڭ تۇڭعىش كەزەكتى «باسقالارعا كومەكتەسۋدى قۋانىش ساناۋدىڭ ۇلگىسى» دەگەن داڭىققا يە بولعان.

جاۋاپتى رەداكتور:伊马木