فان ۋي

فان ۋي

    فان ۋي، ەر، حانزۋ، 1987-جىلى اقپاندا تۋىلعان، پارتيا مۇشەسى، تارباعاتاي ايماعى حالىق شيپاحاناسىنىڭ بەس مۇشە (قۇلاق، كوز، مۇرىن، اۋىز قۋىسى، كەڭىردەك) اۋىرۋلار ءبولىمىنىڭ شيپاگەرى. 2011-جىلى حۋنان ولكەسىنەن شينجياڭ مەديتسينا ۋەنيۆەرسيتەتىنە كەلىپ اسپيرانتتىق وقىعان، ءار 3 ايدان التى ايعا دەيىن تارباعاتاي ايماعىنداعى بالالارعا كيىم-كەشەك، ۇيرەنۋ بۇيىمدارى سياقتىلاردى جەتكىزىپ بەرەدى. 2012-جىلى توسىننان 10 جاستاعى مۇگەدەك قىز شياۋشۋەگە جولىعىپ قالادى. شياۋشۋەنىڭ باقىتسىزدىققا جولىققان جانە اۋىرۋ ازابىنا باتىلدىقپەن ءتوزۋ رۋحى ونى ەرەكشە اسەرلەندىردى، ول شياۋشۋە مەن شەشەسىن ەرتىپ شينجياڭ مەديتسينا ۋەنيۆەرسيتەتىنە قاراستى 1-شيپاحانانىڭ اۋىرۋلار بولمەسىنە ورنالاستىرىپ، 20 مىڭ يۋاندىق سيلىق اقشاسى مەن جىلۋعا جيناعان ون مىڭ يۋاندى شياۋشۋەنىڭ وپەراتسيا قاراجاتىنا جۇمسادى. سودان كەيىن شياۋشۋە قوعامداعى ءار سالاداعى مەيرىمدى جانداردىڭ كومەگىندە ەكىنشى رەت وپەراتسيا جاساتىپ اقىرى ورنىنان تۇردى. 2007-جىلدان قازىرگە دەيىن فان ۋيدىڭ جىلۋعا اتاعان سيلىق اقشاسى مەن وقۋعا كومەك اقشاسى 100 مىڭ يۋانعا جەتتى، «تامىزدىق» الەۋمەتتىك يگىلىك ۇيىمىنان پايدالانىپ 300 مىڭ يۋان قايىر ساحابات جىلۋ اقشا، 6 مىڭ دانا كيىم-كەشەك جيناپ كەدەي، قينشىلىعى بار 160 بالاعا كومەكتەستى، سولاردىڭ ىشىندە تارباعاتاي ايماعىنان 96 بالا بار. 2014-جىلى شىلدەدە فان ۋي اسپيرانتتىق وقۋىن بىتىرگەن سوڭ مەكتەپتە قالىپ وقىتۋشى بولۋ جانە حۋنان ۇلكەسىندەگى كوپتەگەن شيپاحانانىڭ ۇسىنىسىنان باس تارتىپ تارباعاتاي ايماقتىق حالىق شيپاحاناسىندا شيپاگەر بولۋدى تاڭدادى.

    ول ىلگەرىندى-كەيىندى جۇڭگو ستۋدەنتتەرىنىڭ ءوزىن الۋەتتەندىرۋ جۇلدىزى، حۋناندى تەبىرەنتكەن كەيىپكەر، ەڭ ارداقتى شينجياڭدىق دەگەن داڭىققا يە بولۋمەن بىرگە جۇڭگوداعى ىزگى ادامدار تاقتاسىنان ورىن الدى.

 

جاۋاپتى رەداكتور:伊马木