ليۋ چيانكۇن

ليۋ چيانكۇن

    ليۋ چيانكۇن، ەر، حانزۋ، 65 جاس، پارتيا مۇشەسى، ءۇرىمجى قالاسى شۇيموگوۋ رايونى ۋيحۋلياڭ ءمالى باسقارماسىنىڭ ورىنباسار مەڭگەرۋشىسى.

    1973-جىلدان قازىرگە دەيىنگى وتىز نەشە جىلدا ليۋ چيانكۇن مەملەكەتتىڭ سۋ يگىلىگى ينجەنەرياسىنا باستان-اياق تاباندى بولىپ، ازيا سىپورت جارىسى، مۇگەدەكتەر بىرلەسكەن جينالىسى، بالالار قور قوعامى، اپاتقا ۇشىراعان رايونعا كومەك سياقتى جىلۋ اتاۋ قيمىلىن ورىستەتتى. ول 36 جىل جىلۋ اتادى، 710 نەشە اقشا جىبەرۋ تالونى قازىرگە دەيىن ساقتاۋلى، جىلۋ اتاعان سومماسى 200 مىڭ يۋانعا جەتكەن، ادەتتە باسقالارعا كومەكتەسكەن ازىن-اۋلاق اقشالار مۇنىڭ سىرتىندا. ول ول تەرەڭ سۇيىسپەنشىلىكپەن قينشىلىعى بار جۇرتشىلىققا كومەكتەستى، جۇمىستان بوساعان جۇمىسشى-قىزمەتكەرلەر ءۇشىن جان-جاقپەن بايلانىس جاساپ قىزمەت ىزدەدى، تۇرمىسىندا قينشىلىعى بار ۇيعۇر جولداستارعا ۇن ساتىپ الىپ بەرىپ، از بولسادا اقشالاي كومەك كورسەتتى، كەدەي، قينشىلىعى بار وقۋشىلارعا كومەكتەستى. 2000-جىلى مەكەمە ورنى ءبولىس بويىنشا بەرگەن يگىلىك ۇيىنە 11 مىڭ يۋان تاپسىرىپ ساتىپ العاننان كەيىن ول ۇزاق ۋاقىتتان بەرى قارايلاسىپ كەلگەن ەرەكشە قينشىلىعى بار وتباسى سەيىتتىڭ اتىنا وتكىزىپ بەردى، بۇعان سەيتتىڭ وتباسىنداعىلار ەرەكشە قۋاندى. 1995-جىلدان باستاپ ليۋ چيانكۇن سىچۋان ولكەسى يا-ءان قالاسى نانجياۋ اۋىلى دىڭچيڭ قىستاعىنداعى گۋ يۇنليگە ءار ايدا 100 يۋان كومەك اقشا بەردى، قازىر گۋيۇنلي جوعارى مەكتەپتى ءبىتىردى. ون جىلدان بەرى ول گۋيۇنليگە جيىنى 18 مىڭ يۋان جىلۋ اقشا بەردى.

    ليۋ چيانكۇن حىنان ولكەسى پۋياڭ اۋدانى چىڭگۋان قالاشىعىندا ديقان وتباسىندادۇنيەگە كەلگەن. ەكى جاس كەزىندە شەشەسى قايتىس بولعان. اكەسى قالاشىقتاعى كينو قويۋشى، كينو قويۋمەن بىرگە ەگىن ەگۋمەن قاربالاس بولىپ بالاسىنا قارايلاسا المايتىن. سول كەزدەن باستاپ ليۋچيانكۇن انا ءۇي، مىنا ۇيدەن اسقان-تۇسقان تاعامداردى جەپ ءوستى، سودان باستاپ باسقالارعا سۇيىسپەنشىلىك سەزىمدە بولدى، 16 جاسىندا قوسىنعا قاتىناسىپ قىستاقتاعى ءتورت «بەستە قامتاماسىزداندىرىلاتىن وتباسى» جانە «اسكەري قاھارمانداردىڭ وتباسىنا» سۋ تاسىپ مىندەتتى تۇردە كومەكتەستى.

    1970-جىلى قازاندا ليۋ چيانكۇن اسكەري بولىمدە داڭىقپەن پارتياعا قابىلداندى، نارت قىزىل پارتيا تۋىنىڭ الدىندا قاسقايىپ تۇرىپ حالىق ءۇشىن ءومىر بويى ىزگى ىستەر ىستەيمىن!-دەپ سەرت بەردى. ليۋ چيانكۇن 40 جىل يگى ءىس ىستەدى، سەيت شۇيموگوۋ رايوندىق قوعام حاۋىپسىزدىك بولىمشە مەكەمەسىنەن دەمالىسقا شىققان حالىق ساقشىسى، جۇبايى مەن ەكى قىزىنىڭ قىزمەتى جوق، تۇرمىسىندا قينشىلىعى بار. ونىڭ بار ارمانى ءبىر ءۇيلى جان قاباتقا ۇيگە كوشىپ كىرۋ ەدى، الايدا ارمانى ورىندالماي ناۋقاستان قايتىس بولعان. سول كەزدە بولىمشە مەكەمەدە قىزمەت ىستەيتىن ليۋ چيانكۇن بۇل ءىستى كوڭىلىندە ساقتاپ كەلدى. 2000-جىلى بولىمشە مەكەمە تۇرعىن ءۇي رەتتەگەن كەزدە ليۋ چيانكۇن وزىنە بولىنگەن ءۇيدىڭ اقشاسىن تاپسىرىپ ساتىپ العاننان كەيىن ءۇيدى سەيتتىڭ وتباسىنداعىلاردىڭ اتىنا قوندىردى، سەيتتىڭ جەسىرى ءۇيدىڭ كىناشكاسىن العاننان كەيىن اسەرلەنگەنىنەن نە ايتارىن بىلمەي قالدى. كوپ جىلدان بەرى ليۋ چيانكۇن ولاردىڭ وتباسىنا تىنباي كومەكتەسىپ كەلدى.

    1995-جىلى 28-تامىزدا «جۇڭگو جاستار گازەتىندە: ءبىر قىز بار اتى يۇنلي» دەگەن تاقىرىپتا سۋرەتتى ماقالا جاريالاندى. ماقالادا سىچۋاننىڭ يا-ءان قالاسى نانجياۋ اۋىلى دىڭچيڭ قىستاعىنداعى 9 جاستاعى قىز بالا گۋ يۇنليدىڭ كەشىرمەلەرى باياندالعان. گۋ يۇنليدىڭ اناسى ۇيدەن شىعىپ كەتكەننەن كەيىن ول وقۋىن وقي ءجۇرىپ ەكى كوزى سوقىر اكەسىنە قارايلاستى. ليۋ چيانكۇن بۇدان حابار تاپقاننان كەيىن ليۋ جيانجۇن دەگەن اتپەن ءار ايدا نەشە ءجۇز يۋاندىق ەڭبەك اقىسىنان 100 يۋان شىعارىپ گۋ يۇنليعا جىبەرىپ بەردى. ون نەشە جىلدى ءبىر كۇندەي وتكىزگەن گۋ يۇنلي قازىر ەسەيىپ-ەرجەتتى. ول ءبىر پارشا حات جازىپ: ليۋ اعاي قايداسىز؟ مەن وقۋىمدى ءبىتىردىم، جۇمىسقا ورنالاسىپ اكەمدى باعاتىن بولدىم........ مەنىڭ ارمانىڭ سىزبەن كەزدەسىپ سىزگە راحىمەت ايتۋ! ليۋ اعاي راحىمەت!

    ءوز قىزىنداي كورەتىن گۋ يۇنليدىڭ ەرجەتكەنىن كورگەن ليۋ چيانكۇن ەرەكشە قۋاندى.

    2005-جىلى گۋ يۇنلي ناۋقاستانىپ شيپاحاناعا جاتىپ قالعانىن ەستىپ دەرەۋ نەشە مىڭ يۋان اقشا جىبەردى، ەكىنشى جىلى شاعاندا تاعى دا مىڭ يۋان اقشا جىبەردى. ون نەشە جىلدا ول گۋ يۇنليعا 18 مىڭ يۋان جىبەردى.

    30 نەشە جىل قىزمەت ىستەگەن ليۋ چيانكۇننىڭ قازىرگى ەڭبەك اقىسى ەكى مىڭ يۋان.

    بۇل ءۇرىمجى قالاسىمەن سالىستىرعاندا تومەن ەمەس. الايدا ول ۇنەمى وزىمەن ەسەپتەسپەي باسقالاردىڭ قامىن ويلايدى، تۇرمىسىندا قينشىلىق بولعاندىقتان ساقا جاۋىنگەرلەر وعان كيىم-كەشەك، ازىق –تۇلىك اكەلىپ بەرەدى، كەيدە شۇعىل جاعداي بولعاندا قىزمەتتەستەرىنەن قارىز اقشا الادى. 2008-جىلى ول سيلىق اقشاسىمەن تۇرعىن ءۇي قوسىمشا قاراجاتى، تولىقتىرىلىپ تاراتىلعان ەڭبەك اقى بولىپ جيىنى 110 مىڭ يۋان الدى. بۇل اقشانىڭ بارلىعىن جىلۋعا اتادى.

    جۇرتشىلىق ونى قانشالىق كوپ اقشا تاپسا سونشاسىن تۇگەل جىلۋعا اتايدى ـــ دەستى. ليۋ چيانكۇن 2003-جىلدان 2005-جىلعا دەيىن اۆتونوميالى رايون دارەجەلى اماندىقتى جاپپاي وڭاۋ قىزمەتىندە وزات جەكە، 2005-جىلى ءۇرىمجى قالاسىنىڭ ۇلتتار ىنتىماعىن كۇشەيتۋدە وزات جەكە بولدى. ليۋ چيانكۇن قوعام حاۋىپسىزدىك مينيستىرلىگى جاعىنان ەكىنشى دارەجەلى قاھارمان ۇلگىسى، شينجيڭ ۇيعۇر اۆتونوميالى رايوننىڭ ۇلتتار ىنتىماعىن كۇشەيتۋدە وزات قىزمەتكەر، ساياسي زاڭ سالاسىندا وزات جەكە، ون ۇزدىك زاڭ-ءتۇزىم كەيىپكەرى سياقتى داڭىقتى ەسىمگە يە بولدى.

جاۋاپتى رەداكتور:伊马木