ءالىمجان حالىق

ءالىمجان حالىق

    ءالىمجان حالىق، ەر، ۇيعۇر، 44 جاس،بايىنعولين موڭعۇل اۆتونوميالى وبىلىسى حىجىڭ اۋدانىنىڭ تۇرعىنى.

    2001-جىلى ءالىمجان حالىق گۇيجوۋ ولكەسى بيجيە قالاسىنا كەلىپ كاۋاپ ساتىپ كۇن كورگەن. ول باسقالارعا كومەكتەسۋدى قۋانىش سانايدى، دوستارىنىڭ تانىستىرۋىندا ول 500 يۋاندى بيجيە ايماقتىق ايەلدەر بىرلەستىگىنىڭ كەدەي، قينشىلىعى بار قىز وقۋشىلارعا كومەكتەسۋ «كوكتەمگى قاۋاشاق جوسپارىندا» سۇيەمەلدەۋ نىسانى بولعان بۇرىنعى بيجيە پەداگوگيكا مەكتەبى قازىرگى بيجيە ينيستيتۋتىنىڭ جاڭادان قابىلدانعان وقۋشىسى جاۋ ميننىڭ قولىنا تاپسىردى. 2003-جىلى قىستا ءالىمجان بۇيرەك اۋىرۋىنا شالدىققان جوۋ يوڭمەن كەزدەستى، ول گازەتحاناعا دەرەۋ تەلەفون جالعاپ مەيرىمدىلىك باعىشتاۋ قيمىلىن ورىستەتۋگە ۇندەدى ءارى ءبىرىنشى بولىپ جىلۋ اتايتىندىعىن ايتتى. ونىڭ مەيرىمدىلىك باعىشتاۋ ۇندەۋىنىڭ ارقاسىندا مەكتەپ تاريحتان بەرگى ەڭ كولەمدى مەيىر باعىشتاۋ جىلۋ اتاۋ قيمىلىن ورىستەتىپ، جوۋ يۇڭعا 10 نەشە مىڭ يۋان ەمدەۋ قاراجاتىن جينادى. سودان كەيىن گۇيياڭ قالاسىنداعى بۇيرەك اۋىرۋلارىن ارناۋلى ەمدەيتىن ءبىر شيپاحانا جوۋ يۇڭنىڭ ناۋقاسىن تەگىن ەمدەدى. 2007-جىلى تامىزدا ول 100 دانا جاڭا سومكە ساتىپ الىپ بيجيە قالاسى چاڭچۇنباۋ قالاشىعى گانيانتاڭ قىستاعى باستاۋىش مەكتەبىندەگى كەدەي، قينشىلىعى بار وقۋشىلارعا جەتكىزىپ بەردى، سونداي-اق دافاڭ اۋدانى ليحۋا اۋىلى ليحۋا باستاۋىش مەكتەبىندەگى وقۋشىلارعا ءبىر قىدىرۋ وقىتۋ قۇرالدارىن ساتىپ الىپ بەردى ءارى وسى باستاۋىش مەكتەپكە 5 مىڭ يۋان وقۋعا كومەك اقشا اتادى.

    2006-جىلى ول بيجيە ينيستيتۋتىندا الىم وقۋعا كومەك قورىن قۇرىپ، كەدەي، قينشىلىعى بار وقۋشىلارعا ارناۋلى كومەكتەستى. قازىر الىمنىڭ وقۋعا كومەك قورى تاراتىلعانعا بەس جىل بولدى، كەدەي، قينشىلىعى بار 100 نەشە وقۋشى كومەككە يە بولدى. الايدا وسى كاۋاپ ساتۋمەن قۇرىلعان وزگەشە وقۋعا كومەك قورىنىڭ قوعامداعى ورنى بولەك. 2007-جىلى ول گۇيجوۋ ۋەنيۆەرسيتەتىنەن جىلىنا ون مىڭ يۋان بەرەتىن الىم وقۋعا كومەك قورىن قۇردى.

    2010-جىلى 14-ساۋىردە يۇيشۋدا جەر سىلكىنۋ اپاتى تۋىلىپ ءتورتىنشى كۇنى ءالىمجان سومكەسىن اسىنىپ يۇيشۋعا توتە اتتاندى، ول الدىڭعى شەپتە سىلكىنىسكە قارسى تۇرىپ، اپاتتان قۇتقارۋ قىزمەتىنە قاتىناستى. ون نەشە مىڭ يۋاندىق اپاتتان قۇتقارۋ بۇيىمىن ساتىپ الىپ اپاتقا ۇشىراعان رايونعا جەتكىزدى ءارى حالىقتىڭ پەرزەنت اسكەرلەرىمەن بىرگە اپاتقا ۇشىراعان جۇرتشىلىققا شاتىر تىگىپ، كەرەك-جاراق جەتكىزدى. سول جەردە ون نەشە كۇن قىزمەت وتەگەن كەزدە جەرگىلىكتى ورىنداعى باۋىرلاستار مەن اسكەري بولىمدەگى كوماندير-جاۋىنگەرلەر وعان ءتانتى بولىپ وسى ءبىر شينجياڭدىق باۋىرلاسقا باس بارماعىن شىعارىپ ماقتاستى.

    2010-جىلى 28-جەلتوقساندا ءالىمجاننىڭ ادامدى تەبىرەنتەتىن ىزگى ىستەرىنەن حابار تاپقان اۆتونوميالى رايوندىق پارتكومنىڭ شۋجيى جاڭ چۇنشيان ءوزى نۇسقاۋ بەرىپ: «از ساندى ۇلت باۋىرلاسىمىز ءالىمجان ىزگى نيەتتى ادامنىڭ بەرگەن ءجۇز يۋان كومەگىمەن 300 ىستىك كاۋاپ ساتىپ، سەگىز جىلدا تاپقان ءجۇز نەشە مىڭ يۋان اقشاسىن تۇگەلدەي قوعامداعى يگى ىستەرگە ارنادى، بۇعان مەن قاتتى تەبىرەندىم! ول شينجياڭداعى ءار ۇلت حالقىنىڭ ءبىر مۇشەسى، شينجياڭ حالقىنىڭ جاقسى ازاماتى! مەن الىم باۋىرلاسىمىزعا ءبىر بەلەت تاستايمىن»،-دەدى. 2012-جىلى جەلتوقساندا الىم داۋىس سانى ءبىرىنشى ورىندى يەلەپ شينحۋا اگەنتىگىنىڭ «جۇڭگو توراپ ىستەرى— 2010-جىلعى جۇڭگونى تەبىرەنتكەندەر» اتتى قيمىلىنىڭ جىلدىق توراپ كەيىپكەرى بولدى.

    اۆتونوميالى رايون ءالىمجان حالىق جولداستىڭ ىزگى ىستەرىنەن ۇيرەنۋ اڭگىمە ءماجىلىسىن وتكىزدى، اڭگىمە ماجىلىسىندە ول ءوزىنىڭ وقۋعا كومەك جىلۋ اتاۋ جاعدايىن تانىستىردى، ونىڭ ادامدى تەبىرەنتەتىن ىزگى ىستەرىنىڭ جەبەۋىندە تيانشان تاۋىنىڭ تۇستىگى مەن تەرىستىگىندە الىم رۋحىنان ۇيرەنۋ قيمىلى قىزۋ ورلەۋگە جەتتى، الىم شينجياڭداعى ءار ۇلت حالقى الىمدى جارامدى ازامات، ناعىز ساحاباتشى دەپ اتادى.

    ول 2007-جىلى گۇيجوۋ ولكەسى بويىنشا قالاداعى 10 ءىرى كەيىپكەر، گۇيجوۋ ولكەسىندەگى ەكىنشى كەزەكتى «باسقالارعا كومەكتەسۋدى قۋانىش ساناۋ» قيمىلى ءمورال ۇلگىسى بولدى. 2010-جىلى جەلتوقساندا شينحۋا اگەنتگىنىڭ «جۇڭگو توراپ ىستەرى ــــ 2010-جىلعى جۇڭگونى تەبىرەنتكەندەر» قيمىلىنىڭ جىلدىق توراپ كەيىپكەرى بولىپ سالاندى، اۆتونوميالى رايوندىق وداق كوميتەتى جاعىنان «شينجياڭ جاستارى 4-مامىر سيلىعىنا»، اۆتونوميالى رايوندىق باس جۇمىسشىلار ۇيىمى جاعىنان «سىرتقا شىعىپ جۇمىس ىستەگەن حالىق جۇمىسكەرلەرىنىڭ ۇلگىسى» دەگەن داڭىققا يە بولدى.

جاۋاپتى رەداكتور:伊马木