حوۋ گۇيلين

حوۋ گۇيلين

 حوۋ گۇيلين، ەر، حانزۋ، پارتيا مۇشەسى، ءتىرى كەزىندە ماناس اۋدانى ليۋحۋدي قالاشىعى ياۆاكىن قىستاعى پارتيا ياچەيكاسىنىڭ شۋجيى بولعان. 2008-جىلى 26-قاراشادا حوۋ گۇيلين شۇعىل قارەكتىرلى وسپە اۋىرۋىنا شالدىعىپ ەمدەۋ ءونىم بەرمەي قازا بولدى. 33 جاستاعى ستۋدەنت قىستاق باستىعى قىستاق پارتيا ياچەيكاسىنىڭ شۋجيى بولعان جەتى جىلدا ءار قاشان قىستاق تۇرعىندارىنىڭ مۇڭ-مۇقتاجىن كوڭىلىنەن شىعارمادى، قىستاق تۇرعىندارىنىڭ تەزىرەك اۋقاتتانۋىنا كومەكتەسىپ جۇرتشىلىقتىڭ القاۋىنا بولەندى.

 1998-جىلى حوۋ گۇيلين ۆەنۋەرسيتەت بىتىرگەننەن كەيىن تۋعان جەرىنە دەگەن سۇيىسپەنشىلىگىن ارقالاپ، قالاداعى دامۋ ورايىنان باس تارتىپ، تۋعان جەرى ياۋاكىڭ قىستاعىنا قايتىپ كەلدى. ياۋاكىڭ قىستاعى قۇربانتۇڭعىت ءشولىنىڭ وڭتۇستىك شەتىنە ورنالاسقان، ليۋحۋدي قالاشىعىنداعى شالعاي، مەشەۋ قىستاق. سول كەزدە قىستاقتاعى جۇرتشىلىقتىڭ يدەياسى بىتراڭقى، توپقا بولىنۋشىلدىك اۋىر، كادىرلار مەن جۇرتشىلىق اراسىنداعى قايشىلىق ۇزدىكسىز شيلەنسكەن، شاعىم ايتۋشىلار كۇننەن كۇنگە كوبەيگەن، قىستاق تۇرعىندارىنىڭ تەڭ جارىمىنان استامى ءماجىلىس اشىپ قىستاق مەڭگەرۋشىسىن مىندەتىنەن الۋدى تالاپ ەتكەن، قىستاقتاعى ەكى كوميتەت القالارى سۇرەڭسىز جاعدايدا قالعان ەدى.

حوۋ گۇيلين قىستاقتاعى ەكى كوميەت القالارىنىڭ جەتەرسىزدىك جاعدايىندا جوعارى دارەجەلى تاراۋلارىمەن سايكەسىپ ياۋاكىڭ قىستاعىندا تاريحتان بەرى ساقتالعان ماسەلەنى ءبىر جاقتىلى ەتتى. قىزمەتكە شوگەل بولعاندىقتان 2001-جىلى ياۋاكىڭ قىستاعى پارتيا ياچەيكاسىنىڭ شۋجيى بولدى، سونىمەن بىرگە قىستاق تۇرعىندار كوميتەتى رەسىمي قۇرىلىپ، شالعاي قۇمدىقتاعى قىستاققا تىڭ ءۇمىت باعىشتادى. ءدال وسى كەزدە حوۋ گۇيليننىڭ ستۋدەنت كەزىندەگى قىز دوسى شاعىن سەرىكتەستىك اشتى، قىز دوسى وعان قىستاقتان كەتىپ قالاعا بارىپ بىرگە شارۋاشىلىق قۇرۋعا قايتا-قايتا كەڭەس بەردى. نەشە ءجۇز قىستاق تۇرعىنىنىڭ ءۇمىتى مەن قىز دوسىنىڭ قايتا-قايتا كەڭەس بەرۋى سياقتى كۇردەلى يدەيالىق كۇرەسكە ءدۇپ كەلگەن حوۋ گۇيلين ەڭ سوڭىندا قىستاقتا قالۋعا بەكىدى. جاڭا قىستاق القاسى قۇرىلعاننان كەيىن حوۋ گۇيلين قىستاقتاعى ەكى كوميتەت القاسىنداعى مۇشەلەردى باستاپ ءاربىر وتباسىن ارالاپ، قىستاق تۇرعىندارىنىڭ جاڭا القالاردان كۇتكەن ءۇمىتىن تىڭدادى. سۇراۋ شىعارىپ تەكسەرۋ بارىسىندا 90 پايىز ديقان قىستاقتىڭ جەرىن قايتا رەتتەۋدى ۇسىنىس ەتكەندىگىن بايقادى. باسىم كوپ قىستاق تۇرعىنىنىڭ قولداۋىندا ول كادىرلار مەن جۇرتشىلىق اراسىندا ۇزاقتان بەرى ساقتالعان ماسەلەنى شەشۋ ورايى جەتكەندىگىن سەزدى. ول ەڭ الدىمەن ءوز تۋىسىنان باستاپ ءوز وتباسى اشقان 80 مۋ قاعىر جەردى تاپسىرعاننان كەيىن، ءۇش تىكە تۋىسى ارتىق يەمدەنگەن ەگىستىك جەردى تۇگەلدەي كوللەكتيۆكە قايتاردى. باسىم كوپ ساندى قىستاق تۇرعىنى ونىڭ بۇل ارەكەتىنە قاتتى تەبىرەنىپ، بىلىققان كەزدە ارتىق يەمدەنگەن جەردى ارت-ارتىنان قايتارىپ بەردى. ءبىر جىل قۇلشىنۋ بارىسىندا ياۋاكىڭ قىستاعى اقىرى جەردى رەتتەۋ قىزمەتىن اياقتاتتى، بۇرىنعى بىلىققان جەر كوتەرمەگە الۋ قاتىناسىن جونگە سالدى، قىستاق تۇرعىندارى 30 جىل وزگەرمەيتىن جەردى كوتەرمەگە الۋ تيجارات ۇقىعى كۋالىگىنە يە بولدى، قىستاق كوللەكتيۆى دە 1200 مۋ ماشينالاسقان جەرگە يە بولدى. جەتى جىلدان بەرى حوۋ گۇيليننىڭ باستاۋىندا ياۋاكىڭ قىستاعى قىزمەت جاعىندا ءبىر قىدىرۋ كورنەكتى تابىسقا قول جەتكىزدى: قۇمدى تىزگىندەپ قۇنارلى اتىزدان 2 مىڭ مۋ جەر اشتى، 3600 شارشى مەتىر كەلەتىن مادەنيەت ءۇيىن سالدى، ەگىستىك سۋاراتىن ماشينالاسقان ەكى قۇدىق قازدى، 2.5 كيلومەتىر جولعا ماي جاتقىزدى، 2200 مۋ جەردى تامشىلاتىپ سۋارۋ ينجەنەرياسىن قۇردى، جالپى قىستاقتاعى تۇرعىنداردىڭ كىرىسى مىندەتكە وتىرۋدان ىلگەرى قالاشىق بويىنشا ارتىنان ساناعاندا ءبىرىنشى ورىننان تۇتاس قالاشىق بويىنشا الدىڭعى ەكىنشى ورىنعا جەتتى. 2008-جىلى ياۋاكىڭ قىستاعىنىڭ ادام باسىندىق تازا كىرىسى 9400 يۋانعا جەتىپ، قىستاق 2004-جىلدان بەرى ءۇرتىس بەس جىل ليۋحۋدي قالاشىعى بويىنشا «بەستە جاقسى پارتيا ياچەيكاسى» بولىپ باعالاندى، قوعام اماندىعىن جاپپاي وڭاۋ جانە جوسپارلى تۋۋدى باسقارۋ قىزمەتى ليۋحۋدي قالاشىعى بويىنشا الدىڭعى قاتاردى يەلەدى، ءۇرتىس 3 جىل ليۋحۋدي قالاشىعى بويىنشا جىلدىق جالپى نىساناسىن باعالاۋدا 1-ورىندى يەلەدى، قىستاق پارتيا ياچەيكاسى ماناس اۋداندىق پارتكوم جاعىنان «پارتيا قۇرلىسىندا ۇلگىلى ورىن» بولىپ كورسەتىلدى. ياۋاكىڭ قىستاعىنداعى تۇرعىنداردىڭ تۇرمىسى جاقسارعانىمەن حوۋ گۇيلين قاتتى قالجىراۋدان ناۋقاسقا شالدىقتى. 2008-جىلى 5-ساۋىردە ونىڭ حاۋىپتى وسپە اۋىرۋىنا شالدىققاندىعى تۇراقتاندى. الايدا قىزمەت ءۇشىن دياگىنوز قاعازدى سۋىرماسىنا سالىپ قويىپ، اۋىرۋىن جاسىردى، شيپاحاناعا جاتىپ ەمدەلىپ دەمالماستان قىستاقتاعى جوعارى قىسىمدى تامشىلاتىپ سۋارۋ نىسانىنىڭ الدىڭعى شەبىندە تاباندىلىقپەن كۇرەس جۇرگىزدى.

 شەكتەن تىس قالجىراۋ حوۋ گۇيليننىڭ اۋىرۋىن ءتىپتى دە اسقىندىردى، قايتىس بولۋدان ءبىر كۇن بۇرىن اۋىرۋ ازابىنان ورنىنان تۇرا الماي قالعان حوۋ گۇيلين قىستاق پارتيا ياچەيكاسىنىڭ ورىنباسار شۋجيى جاڭ ءسۇنحايعا قىستاقتىڭ 2009-2010-جىلعى پارتيا قۇرلىسى شارۋاشىلىقتى دامىتۋ جوباسىن باياندادى، ءارى قىستاق تۇرعىندارىنا ۋادە بەرىپ ءالى ورىندالماعان قىزمەتتى امالىن تاۋىپ ورىنداۋدى تاپسىردى. حوۋ گۇيلين 2001-جىلدان باستاپ قىستاق پارتيا ياچەيكاسىنىڭ شۋجيى بولعان 7 جىلدا بارلىق زەيىنىن قىستاق ىستەرىنە ارنادى، 33 جاسقا كەلسەدە نەكەلەنبەدى، ءتىپتى اتا-اناسىن باعۋعا دا ۇلگىرمەدى. اۆتونوميالى رايوندىق پارتكوم وعان «قىستاق پارتيا ياچەيكسىنىڭ تاڭداۋلى ستۋدەنت شۋجيى» دەگەن اتاق بەرۋدى قۋزادى. ج ك پ ورتالىق كوميتەتى ساياسي بيۋروسىنىڭ مۇشەسى، ۇيىمداستىرۋ ءبولىمىنىڭ باستىعى لي يۋانچاۋ ورتالىق ۇگىت ءبولىمىنىڭ ينفورماتسيا گازەتىندە: «3-توپتاعى عىلمي دامۋ كوزقاراسىن ۇيرەنۋ، امالياتتان وتكىزۋ قيمىلىندا ونى تيپتىك ۇيرەنۋ ۇلگىسى ەتىپ ۇگىت جۇرگىزۋ» جونىندە ماڭىزدى نۇسقاۋ بەردى.

جاۋاپتى رەداكتور:伊马木