روزىمامەت باكىر

روزىمامەت باكىر

    روزىمامەت باكىر، ەر، ۇيعۇر، 1975-جىلى ماۋسىمدا دۇنيەگە كەلگەن، پارتيا مۇشەسى، شينجياڭ مۇناي الابى سەرىكتەستىگى قويۋ ماي اشۋ سەرىكتەستىگى مۇناي قازۋ 5-رايونى مۇناي قازۋ 6-ءبانىنىڭ بانجاڭى.

    قىزمەتكە قاتىناسقاننان كەيىن ول جاڭا ورتاعا ىشكەرلەي ارلاسىپ، قاجىرلىقپەن ۇيرەنىپ، حانزۋ ۇستازدارى مەن قىزمەتتەستەرىنىڭ كومەگىندە حانزۋ ءتىلى دەڭگەيىن سىناۋ ەمتيحانىنا قاتىناسىپ 8-دارەجەلى كۋالككە يە بولدى.

    ءوز قىزمەتىن تىڭعىلىقتى ىستەۋمەن بىرگە بار زەيىنىن تەحنيكا جاڭالاۋعا ارنادى، ىلگەرىندى-كەيىندى ەلەكتىر موتور ۇرىدان ساقتانۋ بۇرانداسى، مۇناي تارتقىشتى ءىلىپ قويۋ جابدىعى تاباعىن وزگەرتۋ، ۇلكەن باكتەگى قالقىما بەلگىنى وزگەرتۋ سياقتى تەحنيكاعا جاڭالىق اشۋعا قاتىناسقان. ول تۇرعان CQ گرۋپپاسى اۆتونوميالى رايون بويىنشا ساپا باسقارۋدا وزات گرۋپپا بولىپ باعالاندى. ول قۇراستىرعان «از ساندى ۇلت جۇمىسشى-قىزمەتكەرلەرىنىڭ مۇناي قازۋدا ناقتىلى مەڭگەرەتىن پينيندى وقىتۋ ماتەريالى»، «از ساندى ۇلت جۇمىسشى-قىزمەتكەرلەرىنىڭ كاسىپتىك حانزۋ ءتىلىن ۇيرەنۋ قولدانباسى»، «اعا تەحنيكتەردى سارالاۋ الدىنداعى تاربيەلەۋ ماتەريالى» شينجياڭنىڭ مۇناي سەرىكتەستىگىندەگى از ساندى ۇلت جۇمىسشى-قىزمەتكەرلەرىن تاربيەلەۋ ماتەريالى رەتىندە پايدالانىلدى. كاسىپتىك وقىتۋشى بولعاننان بەرى، تاربيەلەگەن كۋرسانتتار سانى 3700 ادام رەتتەن استى. جەتەكشىلىك ەتكەن 20 نەشە شاكىرتىنىڭ ىشىندە شينجياڭ مۇناي الابى سەرىكتەستىگىنىڭ كاسىپتىك تەحنيكا قۋاتىن سىناۋ جارىسىندا ەكەۋى ءبىرىنشى دارەجەلى، تورتەۋى ەكىنشى دارەجەلى، توعىزى ءۇشىنشى دارەجەلى سيلىققا يە بولدى. 2006-جىلى شينجياڭ مۇناي تەحنيكاسى قارىم-قاتىناس توراپ فۋنكيتىن قۇردى. قازىر وسى توراپ فۋنكيتى شينجياڭنىڭ مۇناي الابىنداعى ءار ۇلت قىزمەتكەرلەرى، ەل ىشىندەگى مۇناي جۇمىسشىلارىنىڭ ءوزارا تەحنيكا ۇيرەنۋ، تاجىريبە الماستىرۋ جانە قاتىستى ماتەريالداردان تەڭ يگىلىكتەنۋ تەكشەسىنە اينالدى.

    ول ىلگەرىندى-كەيىندى مەملەكەتتىك «جۇڭگو ارمانى، ەڭبەك ەتۋ تاماشا» دەگەن قيمىلىندا ەڭ ارداقتى قىزمەتكەر، مەملەكەتتىك ەڭبەك وزاتى، مەملەكەتتىك ۇلتتار ىنتىماعىن كۇشەيتۋدە وزات جەكە، 5-كەزەكتى مەملەكەتتىك ءمورال ۇلگىسى كانديداتى بولىپ باعالاندى.

جاۋاپتى رەداكتور:伊马木