ابىلەلىن ابىلەز

ابىلەلىن ابىلەز

ابىلەلىن ابىلەز، ەر، ۇيعۇر، 1951-جىلى قاراشادا دۇنيەگە كەلگەن، پارتيا مۇشەسى، قۇمىل ايماقتىق ورتا دارەجەلى حالىق سوت مەكەمەسىنىڭ دەمالىسقا شىققان كادىرى. جياۋ يۇيلۋ رۋحنىڭ جەبەۋىندە ابىلەلىن ءبىر كاسىپپەن شۇعىلدانىپ، سول كاسىپتى ءسۇيدى، قاراپايىم زيالى جاستان تاڭداۋلى حالىق سۋدياسىنا اينالدى. نەشە ون جىلدىق قىزمەت پەن تۇرمىس بارىسىندا ول ءار ۇلت قىزمەتتەستەرى مەن جۇرتشىلىقتى قۇرمەتتەدى، ولارعا قامقورشى بولدى، ولاردىڭ قايعىدان ارىلىپ، قينشىلىقتى جەڭۋىنە كومەكتەستى. 1998-جىلى گانسۋ ولكەسىنەن كەلگەن جاڭ حۇڭكۇي مەن تاعى باسقا 4 حالىق جۇمىسكەرى سىچۋاندىق قوجايىنعا ەرىپ ءبىر شاش جاساۋ سالونىن بەزەندىردى، ولار ون كۇن جۇمىس ىستەگەننەن كەيىن الگى قوجايىن ولاردىڭ 4500 يۋان ەڭبەك اقىسىن كەشەۋىلدەتكەن، سونىمەن ولار سوت مەكەمەسىنە شاعىم ايتقان. سول كەزدە سوت مەكەمەسىنىڭ باستىعى ابىلەلىن ولارعا كومەكتەسىپ قان-تەرىمەن تاپقان اقشاسىن الىپ بەردى. جاڭ حۇڭكۇيدىڭ ەكى بالاسى باستاۋىش مەكتەپتە وقيتىندىعىن، جىلىنا ۋاقىتشا وقۋ قاراجاتى ءۇشىن 2000 يۋان تاپسىراتىندىعىن، تۇرمىسىندا قيىنشىلىعى بار ەكەندىگىن ۇعىسقاننان كەيىن، امالىن قاراستىرىپ ەكى بالانى قۇمىل ناپوسىنا كىرگىزىپ ولاردىڭ قينشىلىعىن شەشتى. ابىلەلىن تاجىريبەسى مول، قىزمەت قابىلەتى كۇشتى، قىزمەتتەستەرىمەن جاراسىمدى، ولارعا قامقورلىق جاسايدى، مەيلى قايسى ۇلت بولسىن بارلىعىن بىردەي كورەدى. قينشىلىققا جولىقسا بولدى امالىن تاۋىپ ولارعا كومەكتەسەدى. ءار جولعى شاعان مەرەكەسى، قۇربان ايت سياقتى ماڭىزدى مەرەكە كەزىندە قوعام حاۋىپسىزدىك تاراۋىنداعى ءار ۇلت كادىرلارى مەن ساقشىلاردان حال سۇرايدى.

 ىلگەرىندى-كەيىندى مەملەكەتتىك ۇلتتار ىنتىماعىن كۇشەيتۋدە ونەگەلى جەكە، اۆتونوميالى رايون بويىنشا وزات قىزمەتكەر، 2014-جىلعى شينجياڭدى تەبىرەنتكەن كەيىپكەر بولىپ باعالاندى.

جاۋاپتى رەداكتور:伊马木