لي يۋانمين

لي يۋانمين

    لي يۋانمين، ايەل، حانزۋ، 1964-جىلى تامىزدا دۇنيەگە كەلگەن، پارتيا مۇشەسى، قۇلجا اۋدانى حۇدياريۇز اۋىلى گەمە قىستاعىنىڭ پارتيا ياچەيكا شۋجيى. لي يۋانميننىڭ مايدانى بەرىك، سۇيىسپەنشىلىك پەن وشپەندىلىكتى ايىرا بىلەدى. مىندەتكە جاڭادان وتىرعان كەزدە اۋىلدىق پارتكومنىڭ پارمەندى قولداۋىندا تارتىپتە جۇگەنسىز كەتكەن، جاۋاپكەرشىلىك اتقارماعان ەكى قىستاق كادىرىن ءبىر جاقتىلى ەتتى. قىستاقتا قايسى وتباسى كومەك قاجەت ەتسە كومەكتەسۋدى كوكەيىنە ءتۇيدى، كورشىسىنىڭ ۇيىندەگى كىشكەنە امانگۇل ناۋقاستانىپ قالعان كەزدە ول ءۇرتىس ءۇش كۇن زىر جۇگىرىپ 8500 يۋان ەمدەلۋ قاراجاتىن جيناپ بەردى؛ قىستاق تۇرعىنى چىن شانيىڭ مي قۋىرىلۋ اۋىرۋىنا شالدىعىپ ءوزىن مەڭگەرە الماي، جولداسى اۆتوكولىك شىرعالاڭىنان قازا بولعان كەزدە لي يۋانمين ونى قارتتاردى كۇتىمدەۋ ورنىنا اپاردى، قىزى حۋانحۋاندى ءوز ۇيىنە الىپ كەلىپ باقتى.

    ول ۇزاقتان بەرى ديابەت اۋىرۋىنىڭ ازابىن جەڭىپ ەر جولداستارمەن بىرگە كەزەكشىلىك وتەپ، بىرگە شارلاۋ جۇرگىزدى، باستان-اياق اتىز باسىندا زىر جۇگىرىپ، ءبىر جىلدا 5-6 جۇپ اياق كيىم توزدىردى. ونىڭ باستاۋىندا قىستاق 408 وتباسى بەيقۇت ءۇيىن سالۋ، حالىقتى اۋقاتتاندىرىپ قىستاقتى رەتتەۋ قۇرلىس نىسانىن ورىنداپ، ەكى كيلومەتىر ساقتانۋ توعانىن جوندەپ، 9 كيلومەتىر جولعا ماي توسەپ، 25 كيلومەتىر تاس جولعا شاعىل سەپتى، كوللەكتيۆ كىرىسىن 400 نەشە مىڭ يۋانعا جوعارلاتتى. ءوز وتباسىنداعى 70 نەشە باس ساۋىن سيىردى 15 كە ازايتتى. ول: «مەن قىستاق پارتيا ياچەيكاسىنىڭ شۋجيىمىن، ءوز جۇمىسىمدى ويلاستىرماستان ەڭ اۋەلى جۇرتشىلىقتىڭ جۇمىسىن ويداعىداي تىندىرۋىم كەرەك»،-دەدى.

    ول ىلگەرىندى-كەيىندى مەملەكەتتىك جەلەكتىلەردىڭ ۇلەس قوسۋ ۇلگىسى، اۆتونوميالى رايوندىق ۇلتتار ىنتىماعىن ىلگەرلەتۋدە وزات جەكە، ىلە قازاق اۆتونوميالى وبىلىستىق ءمورال ۇلگىسى بولىپ سيلاندى.

جاۋاپتى رەداكتور:伊马木