جياڭ ۋانفۋ

جياڭ ۋانفۋ

    جياڭ ۋانفۋ، ەر، 64 جاس، پارتيا مۇشەسى، شينجياڭ ءوندىرىس قۇرلىس بيڭتۋانى اۋىل شارۋاشىلىق 3-شىسى قاعلىق اۋدانى ەكىنشى مال فەرماسى دەنساۋلىق ساقتاۋ ورنىنىڭ باستىعى. قاعلىق اۋدانى ەكىنشى مال فەرماسى ـــ مەملەكەت دارەجەلى كەدەي، قينشىلىعى بار تۋان، كۇنلۇن تاۋىنداعى تەڭىز دەڭگەيىنەن 2200 مەتىردەن 4850 مەتىر بيىكتەگى ۇستىرتكە ورنالاسقان. 1966-جىلى جياڭ ۋانفۋ شاڭحايدان شەكارا رايوندارعا كومەكتەسۋ ءۇشىن ەكىنشى مال فەرماسىنا كەلدى. ول تىڭ جەر اشىپ، مال باعىپ، كەن اشىپ، ىلگەرىندى-كەيىندى قاعلىق اۋدانى ەكىنشى مال فەرماسى ليان اتىرەتىنىڭ دەنساۋلىق ساقتاۋ قىزمەتكەرى، فەرمانىڭ دەنساۋلىق ساقتاۋ ورنىنىڭ شيپاگەرى، دەنساۋلىق ساقتاۋ ورنىنىڭ باستىعى سياقتى مىندەتتەر وتەگەن. ەرتەدە-اق جياڭ ۋانفۋ تالاي رەت مال فەرمادان كەتۋ ورايى بولسادا ەڭ سوڭىندا سول جەردە قالۋدىڭ تاڭدادى، سودان بەرى 43 جىل وتە شىقتى.

    1980-جىلى شەكارا وڭىرگە كومەككە كەلگەن جاستار ساياسات بويىنشا وزدەرى كەلگەن قالاعا ارت-ارتىنان قايتتى. سول كەزدە جياڭ ۋانفۋ شاڭحايعا قايتىپ، وتباسىنداعىلارمەن باس قوسۋدى ويلاستىرعان، الايدا ۇزاق جىل تۇرعان مەكەندى، ونداعى ءار ۇلت جۇرتشىلىعىنىڭ شيپاگەرلەر مەن ءدارى –دارمەككە سونشالىق ءزارۋ ەكەندىگىن كورىپ، سۇيىسپەنشىلىگى ءتىپتى دە تەرەڭدەدى، سونىمەن ەڭ سوڭىندا وسى ارادا قالۋعا بەكىدى.

    43 جىلدا جياڭ ۋانفۋ مال فەرمانىڭ ساي سالاسىن كەزىپ، جايلاۋداعى مالشىلاردىڭ وتباسىن ارالاپ ونداعى 170 تەن استام مال باعۋ ورنىنداعى ءار ۇلت جۇرتشىلىعى اراسىندا ناۋقاستانىپ قالعان اۋىلداستاردى ەمدەپ، ءدارى-دارمەك جەتكىزدى، مالشى جۇمىسشىلار مەن جەرگىلىكتى مالشىلاردىڭ ەمدەلۋ جاعىنداعى قيىن ماسەلەسىن شەشتى، ءارى جەرگىلىكتى ورىنداعى ءار ۇلت جۇرتشىلىعىمەن تەرەڭ سۇيىسپەنشىلىك ورناتتى.

    1974-جىلى جياڭ ۋانفۋ جەرگىلىكتى ورىنداعى اۋىل-قالاشىقتىڭ كۇناحىن ۇلكەن اتىرەتىندە تارالعىش تۇماۋعا شالدىققان نەشە ونداعان ناۋقاسقا ءدارى جازىپ بولعان كەزدە، بىرەۋ جۇگىرىپ كەلىپ كەن رايونىندا ءبىر ايەل جۇمىسشىنىڭ اۋىر ناۋقاسقا شالدىققاندىعىن ايتتى. سول كەزدە تاۋدان كوشكىن ءتۇسىپ، تاسقىن كەلىپ، وزەندەگى سۋ تاسىپ جاتقان كەز ەدى، جياڭ ۋانفۋ قىستاق تۇرعىندارىنىڭ جول كورسەتۋىندە ەشكى جۇرە الاتىن تاۋداعى سوقپاق جولعا ءتۇستى. ءبىر كيلومەتىرگە جەتپەي جياڭ ۋانفۋ قۇلاما جارتاستاردان ورمەلەپ العا ىلگەرلەدى. ول ءبىر قولىمەن ءدارى ساندىعىن مىقتى ۇستاپ، ءبىر قولىمەن قادا تاستاردى مىقتى ۇستاپ دەنەسىمەن اقىرىن جىلجىدى. سايدىڭ ەتەگىنە تاستار دومالاپ، تاسقىن سۋ بۋىرقانىپ اعىپ جاتىر. ىلگەرلەۋ وتە قيىن بولسادا قۇتقارۋدى كۇتىپ جاتقان ناۋقاستى ويلاعان كەزدە جىگەرى تاسقىنداپ، ءتىسىن تىستەپ، قاتەرلى تاۋ جولىن كەسىپ ءوتىپ، كوزدەگەن جەرىنە تەز جەتتى. دەر كەزىندە قۇتقارۋ جۇرگىزگەندىكتەن ايەل جۇمىسشى قاتەردەن امان قالدى.

    43 جىلدا ومىرىنە تونگەن حاۋىپكە قاراماي قانشا رەت ناۋقاس قۇتقارعانىن جياڭ ۋانفۋدىڭ ءوزى دە ساناپ ايتا المايدى. نەشە ون جىلدا ىشەك بىتەلۋ، ءىشىن جارىپ بوساندىرۋ، قۋىققا تاس بايلانۋ، قوسالقى بولشەكتەردى كەسۋ سياقتى 2 مىڭ نەشە ناۋقاسقا ءتۇرلى وپەراتسيا جاساپ بارلىعى دا ءساتتى بولدى. ول شەكارا وڭىرگە تەرەڭ تامىر تارتۋ، جۇرتشىلىق ءۇشىن قىزمەت وتەۋ يدەياسىن بەرىك ورناتىپ، بيڭتۋاندىقتاردىڭ رۋحىن اماليات بارىسىندا جاندى بەينەلەدى. تاۋدىڭ تەرەڭ شاتقالىندا جياڭ ۋانفۋ جالعىزدىق تارتقانىمەن ونىڭ: «تاۋ اراسىنداعى جۇمىسشىلارعا وڭاي ەمەس، ۇنەمى ولاردىڭ ءومىرىن قۇتقارۋ مىندەتىن ارقالاعانداي سەزىنەمىن، سوندىقتان بۇل ارادان كەتكىم كەلمەيدى» دەگەن ءسوزى ءاربىر ادامنىڭ جان دۇنيەسىنە مەيرىن توككەندەي سەزىلەدى. جان-جاقتىلى سۇيىسپەنشىلىكتە بولىپ، ادالدىقپەن قىزمەت وتەۋ ارەكەتى جياڭ ۋانفۋدى جەرگىلىكتى ورىنداعى ءار ۇلت جۇرتشىلىعىنىڭ جۇرەگىندەگى قۇتقارۋشى جۇلدىزعا اينالدىردى. ءار ۇلت جۇرتشىلىعى ونى «ءدانىشپان شيپاگەر»، «قالاۋلى شيپاگەر» دەپ القادى.

    جياڭ ۋانفۋ مەملەكەتتىك تاڭداۋلى اۋىل-قىستاق شيپاگەرى، مەملەكەتتىك اۋىل-قىستاق تاڭداۋلى دارىندى، جان سانى جانە جوسپارلى تۋۋ داڭىق وردەنى، شينجياڭ ءوندىرىس قۇرلىس بيڭتۋانى شينجياڭدى اشۋ كوركەيتۋ سيلىعىنىڭ يەگەرى سياقتى داڭىققا يە بولدى.

جاۋاپتى رەداكتور:伊马木