جۋاڭ شىحۋا

    جۋاڭ شىحۋا، ەر، حانزۋ، پارتيا مۇشەسى، 1974-جىلى اسكەرگە قاتىناسقان، قازىر قارۋلى ساقشى ءبولىمى شينجياڭ باس اتىرەتى شيپاحاناسىنىڭ باستىعى.

    ول كاسىبىن قىزۋ سۇيەدى، ۇكىمەت ىسىنە ادال، كاسىبىنە قۇرمەت ەتەدى، مەديتسينا عىلىمى جاعىندا قاجىرلىقپەن ىزدەنىپ، ءار ۇلت جۇرتشىلىعىنا قىزعىندىلىقپەن قىزمەت وتەپ، ءوت وپەراتسياسىن جاساعان 58 مىڭ ناۋقاستىڭ بارلىعىنىڭ وپەراتسياسى ءساتتى بولعان مەديتسينا جاعىنداعى ريكورتتى جاڭالادى.

    ول ىلگەرىندى-كەيىندى ءبىر رەت ەكىنشى دارەجەلى، 9 رەت ءۇشىنشى دارەجەلى ەڭبەك جاراتتى؛ ىلگەرىندى-كەيىندى «جۇڭگو شيپاگەرلەر سيلىعى»، «جۇڭگوداعى سەنىمدى شيپاحانا باستىعى»، «ەلىمىزدەگى جۇرت قالاۋىنان شىققان شيپاحانا باستىعى» سياقتى سيلىققا يە بولدى؛ 2006-جىلى ماۋسىمدا «شينجياڭدى تەبىرەنتكەن 10 ۇزدىك كەيىپكەردىڭ» بىرەۋى بولىپ سايلاندى؛ 2007-جىلى اقپاندا دەنساۋلىق ساقتاۋ مينيستىرلىگى جاعىنان «جاراسىمدى جۇڭگوداعى 10 ۇزدىك اقاۋسىزدىقتىڭ جارشىسى» بولىپ باعالاندى؛ مامىردا «جۇڭگو قارۋلى ساقشى بولىمىندەگى 10 ۇزدىك ادال قورعاۋشى» سيلىعىنا يە بولدى.

    قوعامدا ەمدەۋ قامتاماسىزداندىرۋ كەمەلسىز بۇگىنگى كۇندە ءدارى-دارمەكتىڭ باعاسى جوعارى، سىرىڭكەلىك الاتىن، تارتۋ بەرەتىن جاعدايلار بارما، جوق؟ جۇرتشىلىقتىڭ ەمدەلۋى قيىن، ەمدەلۋ قاراجاتى جوعارى بولۋ، ناۋقاستان ايىعا الماۋ جاعدايى بارما؟ ءبىز: «اجالعا اراشاشى، جاراعا جەبەۋشى بولاتىن، اجالدان اراشالاپ قالاتىن، شيپاگەرلىك ءمورالى وسكەلەڭ ءدانىشپان شيپاگەر، كيەلى ەمشىلەر بارما، جوق؟»،-دەپ سۇراماقشىمىز. جاۋاپ: ونداي شيپاگەرلەر ارينە بار. تيانشان تاۋىنىڭ باۋرايىندا جۇرتشىلىق «جۋاڭ يىداۋ» دەپ اتاعان «كيەلى شيپاگەر» جۋاڭ شىحۋا شيپاگەر بار. جۋاڭ يىداۋ دەپ بوسقا قويا سالعان ات ەمەس، شيپاگەرلىكپەن شۇعىلدانعان 38 جىلدان بەرى ول كۇنىنە ورتا ەسەپپەن 30 ناۋقاسقا وپەراتسيا جاسادى، ەڭ كوپ بولعان كەزدە ءبىر كۇندە 49 ناۋقاسقا وپەراتسيا جاساعان؛ ول ۇستىرت، ءشول، قارلى تاۋ، قۇبا ءتۇز دەيسىزبە تيانشان تاۋىنىڭ تۇستىگى مەن تەرىستىگىن تۇگەل شارلاپ 400 نەشە مىڭ كيلومەتىر جول باسقان، نەگىزگى ساتىداعى كوماندير-جاۋىنگەرلەر مەن ءار ۇلت جۇرتشىلىعى اراسىندا 380 ادام رەتتەن ارتىق ارالاپ ەمدەۋ جۇرگىزگەن؛ ول باتىلدىقپەن جاڭالىق اشىپ، ەلىمىزدەگى تۇڭعىش رەتكى قۇرساق ايناسى ارقىلى باۋىر جىلاۋىعى قالتاسىن كەسۋ وپەراتسياسىن جاسادى.

    جەتى تۇردەن قول جەتكىزگەن ناتيجەسى ەلىمىزدەگى بوستىقتىڭ ورنىن تولتىردى، 100 نەشە مىڭ ناۋقاسقا جاساعان وپەراتسيانىڭ ەشبىرەۋى ءساتسىز بولماۋ سياقتى مەديتسينا جاعىندا كەرەمەت جاعداي جاراتتى. ول باستان-اياق ناۋقاستارمەن ەتەنە بايلانىستا بولىپ، ەمدەلۋ قيىن، ەمدەلۋ قاراجاتى جوعارى بولۋ سياقتى ماسەلەنى شەشۋ جاعىندا قۇلشىنىپ، ءدارى-دارمەكتىڭ نارقىن ەڭ كوپ بولعاندا 70 پايىزعا دەيىن تومەندەتىپ، جالپى تۇلعالىق ولشەمدى اۆتونوميالى رايونىمىزدىڭ ەمدەۋ قامسىزداندىرۋ بەلگىلەمەسىندەگى كولەمنەن 26 پايىز تومەندەتتى.

    ءارقانداي ەلىكتىرۋگە قاراتا جۋاڭ شىحۋا باستان-اياق قارسى تۇرىپ، شەكارا رايونعا تامىر تارتىپ، ءار ۇلت جۇرتشىلىعىنا قىزمەت وتەۋ سەنىمىنەن اۋىتقىمادى. بىرنەشە جىلدىڭ الدىندا ىشكى ولكەدە شيپاحانا اشقان شياڭگاڭدىق قوجايىن جۋاڭ شىحۋانى ىزدەپ بارىپ سول كەزدەگى ەڭبەك اقىسىنان 4 ەسە ەڭبەك اقىمەن ۇسىنىس ەتۋگە ۋادە بەردى، سونداي-اق جەكە شيپاحانانىڭ قوجايىنى جىلىنا ءبىر ميلليون يۋان ەڭبەك اقىمەن جۋاڭ شىحۋانى شيپاحانا باستىقتىعىنا ۇسىنىس ەتكەن كەزدە ول بارىنەن دە باس تارتتى.

جاۋاپتى رەداكتور:伊马木