中文

اۆتونوميالى رايونىمىزدىڭ پارتيا قۇرىلتايى ۋاكىلدەرى سالتاناتتى ماجىلىسكە دەن قويا دايىندالدى

 تىلشىلەرىمىز يۋان لەي، ياۋ تۇڭ 16 - قازاندا بەيجيڭنەن حابارلايدى. جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى اشىلۋ الدىندا تۇر، پارتيا قۇرىلتايىنىڭ اۆتونوميالى رايونىمىزداعى ءار ۇلت ۋاكىلدەرى قونالقى جەرلەرىندە ءسوز ماتەريالدارىن مۇقيات دايىنداپ، قاتىستى حۇجاتتاردىڭ رۋحىن بەلسەنە ۇيرەنىپ، كوكىرەك كەرنەگەن ساياسي ىنتامەن پارتيا 19 - قۇرىلتايىن ويداعىداي اشۋعا دەن قويا دايىندالدى. 
  16 - قازان تاڭ اتىسىمەن، ءتىلشى گۇلزىننات تۇقان ۋاكىلدىڭ بولمەسىنە بارعاندا، ول قاتىستى ماتەريالدارعا ءۇڭىلىپ، ءسوز ماتەريالىن مۇقيات رەتتەپ جاتىر ەكەن. ونىڭ ايتۋىنشا، ول 15 - قازان تۇستە قونالقى جەرگە كەلگەننەن بەرى ماتەريال دايىنداۋمەن بولىپ، قاربالاس جۇمىس ىستەپ، تۇنگى ساعات 2دە ۇيىقتاپتى. «ۋاكىل كۋالىگىن تاعىپ، سالماقتى جاۋاپكەرلىك ارقالاپ كەلدىم، سوندىقتان قۇرىلتاي الدىنداعى قىمباتتى ۋاقىتتان تولىق پايدالانىپ، مۇقيات دايىندالۋىم كەرەك. وقۋ - اعارتۋ قىزمەتىمەن شۇعىلدانعانىما 13 جىل بولدى، اۋىلىمداعى وقۋ - اعارتۋ ىستەرىندە وراسان زور وزگەرىس تۋىلعانىن كوردىم، ول بالالاردىڭ ءومىرىن وزگەرتىپ قانا قالماستان، وقىتۋشىلاردىڭ وقۋ - اعارتۋ قىزمەتىنە دەگەن سەنىمىن دە نىعايتتى. مەن ءوز كاسىبىمدى قۇلاي سۇيەمىن، پارتيا 19 - قۇرىلتايىندا وقۋ - اعارتۋعا قاتىستى ءتىپتى دە كوپ جاقسى حابار بولۋىن ءۇمىت ەتەمىن»، - دەدى ول كۇلىپ. 
  ءتۇس الەتىندە، ءتىلشى قونالقى جەردەگى اسحانادان روشانگۇل ابدىكەرىم ۋاكىلدى جولىقتىردى. ول اسىعىس - ۇسىگىس تاماقتانا سالا، بولمەسىنە تارتتى. «تۇستەن كەيىن جيىن بار، تۇسكى ۋاقىتتى ۇتىمدى پايدالانۋىم كەرەك. يىعىمىزدا كەلەلى تاپسىرما بار، ۋاقىت بىزگە التىننان قىمبات، ءار سەكۋندتى زايا جىبەرۋگە بولمايدى»، - دەدى ول. ءتىلشى ونىڭ داپتەرىنەن تولتىرا جازىلعان ەستەلىكتەردى كوردى، ءتىپتى كەي جەرلەرىنىڭ استىن سىزىپ، تۇسىنىكتەر جازىپ قويىپتى. «بۇل رەتكى تاريحي سالتاناتتى قۇرىلتايدىڭ كۋاگەرى، قاتىسۋشىسى رەتىندە، مەن تولىق دايىندىق جاساۋىم كەرەك»، - دەدى روشانگۇل ابدىكەرىم. 
  تەرەزەلەردەن شام جامىراي باستادى. ۋاكىلدەر دەمالماي، قۇرىلتايدىڭ ءتۇرلى دايىندىق قىزمەتتەرىمەن قاربالاس بولىپ جاتتى: بىرەۋلەر حۇجات ۇيرەنسە، بىرەۋلەر قاتىستى ماتەريالدار ىزدەستىردى، بىرەۋلەر ءسوز ماتەريالىن جازدى... ۋاكىلدەر بىلاي دەدى: پارتيا 18 - قۇرىلتايىنان بەرى، اسىرەسە، ج ك پ شينجياڭ ۇيعۇر اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم بۇكىل رايونداعى ءار ۇلت كادر - جۇرتشىلىعىن ىنتىماقتاستىرىپ جانە باستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، قوعام ورنىقتىلىعىنىڭ ۇزدىكسىز جاقسارۋىن، ەكونوميكانىڭ ورنىقتى، اقاۋسىز دامۋىن، حالىق تۇرمىسىنىڭ توقتاۋسىز جاقسارۋىن، ۇلتتار ىنتىماعىنىڭ بەكەمدەلۋى مەن دامۋىن جۇزەگە اسىردى، ءتۇرلى ىستەردە تىڭ ىلگەرىلەۋشىلىكتەرگە قول جەتكىزدى. ءبىز جۇڭگو كوممۋنيستىك پارتياسىنىڭ دانىشپان باسشىلىعىندا، ۇلى وتانىمىزدىڭ، ءسوز جوق، ءتىپتى دە گۇلدەنىپ، قۇدىرەتتەنەتىنىنە، شينجياڭنىڭ بولاشاعى، ءسوز جوق، ءتىپتى دە نۇرلى بولاتىنىنا كامىل سەنەمىز.


 

جاۋاپتى رەداكتور: قابىلقان ايتقابىل ۇلى
جايمالاۋ