中文

«مەنىڭ تابىسىم _ پارتيانىڭ باۋلۋى»

گۇلميرا داۋلەتبەك قىزى حابارلايدى.

كۇللى الەم كوز تىككەن پارتيا 19 ـ قۇرىلتايى اشىلۋ ءسات ساعات تا تاياپ جەتتى. ەلىمىزدەگى ءار ۇلت حالقى جۇرەك جاردى قۋانىشتارىن، پارتياعا دەگەن ماقتانىشىن ءتۇرلى فورمالار ارقىلى جەتكىزىپ، پارتيا 19 ـ قۇرىلتايىنىڭ جەڭىسپەن اشىلۋىن تاعاتسىزدانا كۇتتى.

 14 ـ قازاندا، «مەملەكەتتىك ەركىن كۇرەستىڭ» چەمپيونى سولتىكەن كوكىش ۇلى تاڭەرتەڭ ەرتە قولىنا مەملەكەت تۋىن ۇستاپ، پارتيا 19 ـ قۇرىلتايىنىڭ اشىلۋىن قىزۋ قۇتتىقتاپ، التاي قالاسىنان قىزىلتاس قالاشىعى مەن قىستاعىن ارالاپ 19 كيلومەتردى 4 ساعات 10 مينۋتتا باسىپ، قىستاقتاعى بۇقارانىڭ وتباستارىنا بارىپ، «التاي گازەتىندە» جاقىندا باسىلعان مازمۇنداردى، پارتيانىڭ ءتۇرلى ساياساتتارىن ۇگىتتەدى.

قىزىلتاس قالاشىعى بىتەۋىرگە قىستاعىنىڭ تۇرعىنى، 75 جاستاعى قارت پارتيا مۇشەسى موتەي سادىق ۇلى پارتياعا كىرگەلى 46 جىل بولىپتى، 3 جىلدان بەرى اۋرۋعا شالدىعىپ، ءار جىلى ۇرىمجىگە بارىپ، داۋالانادى ەكەن. داۋالانعاندا %85 ىن ەسەپتەن كوتەرىپ، ءوز جانىنان كوپ قاراجات شىعارماپتى. بۇل دا بولسا پارتيا مەن ۇكىمەتتىڭ حالىققا جاساعان ءتيىمدى ساياساتىنىڭ ارقاسى دەي كەلىپ: «پارتيا 19 ـ قۇرىلتايى اشىلۋ قارساڭىندا، سولتىكەن بالۋان قىستاعىمىزعا دەيىن جاياۋ كەلىپ، بىزگە ەڭ جاڭا حابارلاردى، ءتيىمدى ساياساتتاردى ۇگىتتەپ، باس شۋجي شي جينپيڭنىڭ ‹كەدەيلىكتەن قۇتىلدىرۋدان قامال الۋ قىزمەتى جٶنىندەگى ماڭىزدى نۇسقاۋىن› وقىپ بەردى. مەن بيىل مالشىلارعا بەرىلەتىن قابات ۇيدەن يگىلىكتەنىپ، جىلى دا ەڭسەلى قابات ۇيگە كوشىپ كىردىم. وسىنداي تاماشا تۇرمىسقا قول جەتكىزەرمىن دەپ ويلاپتا كورمەگەن ەدىم. ءبارى دە پارتيانىڭ ارقاسى، شي جينپيڭدەي دانا كوسەمىمىز ءبىزدى العا جەتەلەي بەرەدى دەپ سەنەمىز»، ـ دەپ ماقتانىش سەزىمىن ءبىلدىردى.

 قىزىلتاس قالاشىعىندا ۇزاق جىل وقىتۋشىلىقپەن شۇعىلدانىپ، ۇرپاق تاربيەلەپ پەنسياعا شىققان قاجاقىمەت قاسىم ۇلىنىڭ وتباسىنا بارعاندا، كورشىلەرى ءبىر اراعا باس قوسىپ، «كوممۋنيستىك پارتيا بولماسا، جاڭا جۇڭگودا بولماق ەمەس» قاتارلى اندەردى شىرقاپ، پارتيا 19 ـ قۇرىلتايىنىڭ جەڭىسپەن اشىلۋىنا تىلەكتەستىك ٴبىلدىرىپ وتىرىپتى. قاجاقىمەت قاسىم ۇلى: «ايماعىمىزدان شىققان بالۋان قولىنا مەملەكەت تۋىن كوتەرىپ، وتباسىمىزعا ۇگىت جاساي كەلۋىنىڭ ءوزى ءبىز ءۇشىن ۇلكەن ماقتانىش. باس شۋجي شي جينپيڭنىڭ ماڭىزدى نۇسقاۋلارىن، پارتيانىڭ ءتيىمدى ساياساتتارىن جەتكىزدى. ماڭىزدى تۇيىندەردى ەستەلىگىمە كوشىرىپ الدىم. پارتيا 18 ـ قۇرىلتايىنان بەرى، شينجياڭدا، ايماعىمىزدا، اۋىلىمىزدا كوپ جاڭالىقتار جارىققا شىقتى. قالاشىقتىڭ قاتىناس تاسىمالى، تاس جٶل قۇرىلىسى جاقسارىپ، بۇقاراعا كوپتەگەن قولايلىلىقتار اكەلدى. پارتيا 19 ـ قۇرىلتايىنىڭ اشىلۋىنا ساناۋلى مينۋتتار قالدى، قۇرىلتايدى باستان ـ اياق قالت جىبەرمەي كورىپ، ونداعى جاڭالىقتاردى باسقالارعا ۇگىتتەيمىن. قۇرىلتاي ءار ۇلت حالقىنا باقىت، بايلىق باعىشتايتىنىنا سەنىمىم كامىل»، ـ دەپ ءوزىنىڭ جۇرەك ءسوزىن اقتاردى. سولتىكەن كوكىش ۇلى: «مەن جۇڭگو كوممۋنيستىك پارتيانىڭ باسشىلىعىندا تاربيەلەندىم. وسى كۇنگە جەتۋىم پارتيانىڭ ارقاسى. پارتيانىڭ باسشىلىعىندا تۇرمىسىمىز جاقسارىپ، باقىتتى زاماننىڭ قۇشاعىندا الاڭسىز تۇرمىس كەشىرىپ كەلەمىن. پارتياعا دەگەن شەكسىز سۇيىسپەنشىلىگىمدى، العىسىمدى ءبىلدىرۋ ءۇشىن، پارتيا 19 ـ قۇرىلتاي اشىلۋ قارساڭىندا، 19 كيلومەتر جٶل باسىپ، نەگىزگى ساتىداعى بۇقاراعا باقىتتى كۇندەرىمىزدى پارتيا سيلاعانىن ۇگىتتەدىم. پارتيا 19 ـ قۇرىلتايىندا بىزگە بۇدان دا تاماشا ءتيىمدى ساياساتتاردى ورتاعا قوياتىنىنا سەنەمىن».-دەدى.

جاۋاپتى رەداكتور: قابىلقان ايتقابىل ۇلى
جايمالاۋ