中文

ءار ۇلت جۇرتشىلىعى تىزبەكتى سۋرەتتى كىتاپشالاردى جابال وقىدى
بالالار «قىزىل سومكەنى»تاستاماي اسىپ جۇرەتىن بولدى
2017 - جىلعى «كورىكتى شينجياڭ قۇرىپ، وتان ارمانىن بىرگە جۇزەگە اسىرايىق»تىزبەكتى سۋرەتتى كىتاپشالارى + جەلىلەس ۇگىت بۇيىمدارى تاراتىلا باستادى

گازەتىمىزدىڭ جيناق حابارى. پارتيا 19 - قۇرىلتايىن قارسى الۋ ءۇشىن، اۆتونوميالى رايوندىق پارتكومنىڭ ۇگىت ءبولىمى ۇيىمداستىرىپ اتقارعان 2017 - جىلعى «كورىكتى شينجياڭ قۇرىپ، وتان ارمانىن بىرگە جۇزەگە اسىرايىق» تىزبەكتى سۋرەتتى كىتاپشالارى+جەلىلەس ۇگىت بۇيىمدارىن قىستاقتارعا، وتباسىلارعا جەتكىزۋ قيمىلى بويىنشا مادەنيەت ارقىلى حالىققا تيىمدىلىك جاساۋ نىسانىنىڭ 2 جەلىلەس ۇگىت بۇيىمدارى 15 - قازاندا بۇكىل شينجياڭدا تاراتىلا باستادى. العاشقى توپتاعى ۇگىت بۇيىمدارى قاشقار ايماعىنىڭ، حوتان ايماعىنىڭ، اقسۋ ايماعىنىڭ، قىزىلسۋ قىرعىز اۆتونوميالى وبلىسىنىڭ، تۇرپان قالاسىنىڭ، ءۇرىمجى قالاسىنىڭ ءبىر ءبولىم اۋىل - قالاشىقتارىندا، قىستاقتارىندا (الەۋمەتتىك اۋماق) جانە بالاباقشالارىندا تاراتىلدى.
  15 - قازان تۇستەن بۇرىن، تۇرپان قالاسى توقسۇن اۋدانى جىلاندى قالاشىعىنىڭ ىنتىماق قىستاعىنداعى «قوس ءتىلدى» بالاباقشا دىر - دۋمانعا بولەندى، مۇندا بالالارعا «قىزىل سومكە» ۇگىت بۇيىمدارى تاراتىلىپ جاتىر ەكەن. قىزىل سومكەگە سۋرەتتى كىتاپشالار، حيكايالار، ءان - ءبي ديسكاسى سالىنىپتى. يمىرانجان اپيرە ەسىمدى بالاقاي سۋرەتتى كىتاپشانى قولىنا الىپ تۇرىپ: مەن سۋرەتتى كىتاپشانى جاقسى كورەمىن، تاڭ ءداۋىرىنىڭ ولەڭدەرىن وقۋدى ۇناتامىن، وسى ادەمى كىتاپشالار مەن ءان - ءبي ديسكاسىن، ءسوز جوق، تەگىس كورىپ شىعامىن، - دەدى. قىستاق تۇرعىندارى دا قىزىل قوراپقا سالىنعان تىزبەكتى سۋرەتتى كىتاپشالار مەن ديسكانى تاپسىرىپ الدى، كوپشىلىك كىتاپشالاردى قولدارىنان تاستاماي قۇنىعا وقىدى. قىستاق تۇرعىنى مايسىحان حيليل: قازىر ساياسات وتە جاقسى، قىستاعىمىزعا جەتكىزىلگەن مىنا ۇگىت بۇيىمدارى مادەني تۇرمىسىمىزدى بارىنشا بايىتۋمەن بىرگە، مەملەكەت ءتىلىن ۇيرەنۋ قىزعىندىلىعىمىزدى ونان سايىن جوعارىلاتا ءتۇستى. پارتيا 19 - قۇرىلتايى اشىلۋ الدىندا تۇر، ءبىز پارتيا 19 - قۇرىلتايىنىڭ جەڭىسپەن اشىلۋىن تىلەيمىز، - دەدى.
  15 - قازان تۇستەن بۇرىن ۇگىت بۇيىمدارىن تاراتۋ قيمىلى اتۇش قالاسى سۇنتاع اۋىلدىق «قوس ءتىلدى» بالاباقشاسىندا وتكىزىلدى. بالاباقشاسىنىڭ مۇعالىمى چىن شۋان: وسى كىتاپشالار مەن دىبىس - بەينە ديسكالارى ارقىلى بالالار اناعۇرلىم كوپ ءبىلىم ۇيرەنە الادى، بۇل بالالاردىڭ اقاۋسىز ەسەيىپ - ەرجەتۋى جونىنەن اسا ءماندى ءىس سانالادى، - دەدى.
  2 جەلىلەس ۇگىت بۇيىمدارىنىڭ بىرەۋى نەگىزگى ساتىداعى جۇرتشىلىققا تاراتىلاتىن تىزبەكتى سۋرەتتى كىتاپشالار جانە دىبىس - بەينە ديسكالارى، 9 ءبولىمدى رەڭدى، تىزبەكتى سۋرەتتى كىتاپشا، 11 ديسكادان قۇرالعان، جالپى 250 مىڭ دانا. تىزبەكتى سۋرەتتى كىتاپشالاردان «ويانۋ حاتى»، «پارتيانىڭ 18 - قۇرىلتايىنان بەرگى تىڭ وزگەرىستەر»، «شارۋالار سۋرەتى پارتيانىڭ ساياساتىن القايدى»، «لەي فىڭ باتىر»، «قىستاقتا تۇرعان باۋىرلاستار»، «كۇنلۇنگە ماحاببات»، «شەكارا كۇزەتشىسى ۋي دىيوۋ» سياقتىلار بار. ال ديسكالاردان «وبۇلقاسىم ءماتتۇرسىن جازعان ويانۋ حاتى»، «پارتيانىڭ شۇلەن شۇعىلاسى تيانشاندى شۋاققا بولەدى − اۆتونوميالى رايوننىڭ پارتيا 19 - قۇرىلتايىن قارسى الۋ تاقىرىپتىق ادەبيەت - كوركەمونەر ساۋىق كەشى»، «وتانعا مالىمەت − اۆتونوميالى رايوننىڭ «قوس ءتىل» تابىستارىن ايگىلەۋ ساۋىق كەشى»، «تاكلاماكانداعى ناعرا ءۇنى»، «كەرەگەسى كەڭ شاڭىراق»، «انارگۇلى شەشەكتەدى» سياقتىلار بار. باستىسى، پارتيا 18 - قۇرىلتايىنان بەرگى، وتە - موتە، ج ك پ اۆتونوميالى رايوندىق 9 - قۇرىلتايىنان بەرگى بۇكىل اۆتونوميالى رايونداعى ءار ۇلت كادر - جۇرتشىلىعىنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تۇبەگەيلى تياناقتاندىرۋدىڭ تىڭ شارالارىن، جاڭا ونىمدىلىكتەرىن العا ىلگەرىلەتكەندىگى ايگىلەنگەن؛ ەندى ءبىرى، مەكتەپكە دەيىنگى بالالاردىڭ «قىزىل سومكە» جەلىلەس سۋرەتتى كىتاپشالار، دىبىس - بەينە ديسكالارى، 10 ءبولىمدى رەڭدى، سۋرەتتى كىتاپشالار، 10 ديسكادان قۇرالعان، جالپى 100 مىڭ دانا. سۋرەتتى كىتاپشالاردان «ۇلى قورعان»، «انار ءدانى تۋرالى جاڭا بالالار جىرى»، «كۇڭ رۇڭنىڭ المۇرتتى اعاسىنا بەرۋى»، «كىشكەنە سازان بالىقتىڭ ايداعار قاقپادان قارعۋى»، «بالا مىسىقتىڭ بالىق اۋلاۋى»، «قارامايلى مەكەنىم» سياقتىلار، ديسكالاردان «جۇي پيڭ اپەكە شەرتكەن حيكايالار»، «تاڭ ءداۋىرىنىڭ ولەڭدەرىن ماعان ىلەسىپ داۋىستاپ وقى» سياقتىلار بار. وندا پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ ايگىلەنىپ، جۇڭحۋا ۇلتىنىڭ تاڭداۋلى، ءداستۇرلى مادەنيەتى بەينەلەنىپ، بالالاردىڭ ەرەكشەلىگىنە باپ كەلگەن، ءداستۇرلى اڭگىمەلەر، بالالار حيكاياسى، بالالار ءانى، ءان - ءبي سياقتىلار قامتىلعان.
  (قىزىلسۋ تىلشىلەر پۋنكتىندە تۇراتىن ءتىلشىمىز زۇلپيا، ەرىكتى ءتىلشى لي جيڭحاي)

جاۋاپتى رەداكتور: قابىلقان ايتقابىل ۇلى
جايمالاۋ