中文

كورىكتى شينجياڭ كارتيناسىن سالدى
− پارتيانىڭ 18 - قۇرىلتايىنان بەرگى شينجياڭنىڭ شۇعىلالى جەتىستىكتەرى تۋرالى شولۋ

ۋاڭ يايۇن حابارلايدى.

«تۇنىق سۋ، جاسىل تاۋ − ەڭ باعالى بايلىق». ەندى عانا وتكەن «1 - قازان» دەمالىسىندا، شينجياڭ 8 ميلليون 477 مىڭ 200 ساياحاتشىنى (ادام - رەت) قابىلدادى، ەل ءىشى ساياحاتىندا جالپى 11 ميلليارد 262 ميلليون يۋان تۇتىنىلدى، ساياحاتشىلاردى قابىلداۋ مولشەرى مەن ساياحاتتىق تۇتىنۋ جالپى سوماسى تاريحي جاڭا ورەگە جەتتى. 
  پارتيا 18 - قۇرىلتايىنان بەرى، اسىرەسە، ج ك پ شينجياڭ ۇيعۇر اۆتونوميالى رايوندىق 9 - قۇرىلتايىنان بەرى، اۆتونوميالى رايون ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىنە ايرىقشا ءمان بەرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، جاڭا دامۋ ۇستانىمدارىن بەرىك ورناتىپ، شينجياڭنىڭ وسىمدىك جامىلعىسى مەن تاۋ - سۋلارىن شىنايى، ويداعىداي قورعاپ، «تاماشا ەكولوگيالىق ورتا قۇرۋعا قۇلشىنۋ» جولىندا ۇدەرە العا تارتتى.
  «جاسىل» ورنالاستىرۋ جاسالدى، دامۋ باعىتىنا ۇستانىم ارقىلى جەتەكشىلىك ەتىلدى 
  «ءۇيىم لوشيا - ۋان كورىنىستىك اۋماعىنان 4 شاقىرىمداي جەردەگى لوشيا - ۋان مەملەكەتتىك سازدىق سىناق تۇيىنىندە، ەكولوگيالىق ورتاسى جاقسى، باراتىن ساياحاتشى دا كوپ. مالشىلار شاتتىعى ساياجايىمنىڭ اشىلعانىنا ءبىر جىل تولماي، 30 نەشە مىڭ يۋان اقشا تاۋىپ ۇلگىردىم»، - دەدى باعراش اۋدانى بۇمبۇت قالاشىعى نايانتولعاي قىستاعىنىڭ تۇرعىنى ءوچا مەن ايەلى ءدارما. 5 - قازاندا ولار ءوز ءۇيىنىڭ اۋلاسىندا قوناقتارعا اس دايىنداي ءجۇرىپ، تىلشىگە وزدەرىنىڭ «تۇنىق سۋ، جاسىل تاۋدى» كۇزەتىپ، «باعالى بايلىق» تاپقان قۋانىشتارىن ءبولىستى. 
  ەكولوگيالىق وركەنيەت قۇرۋ − حالىق بۇقاراسىنىڭ ىرىس - قۇتىنا، ۇلتتىڭ ەرتەڭىنە ساياتىن ۇزاق بولاشاقتىق ۇلكەن جوسپار.
  5 جىلدان بەرى، اۆتونوميالى رايوندىق پارتكوم، ۇكىمەت ورتالىق كوميتەتتىڭ ەكولوگيالىق وركەنيەت قۇرىلىسى جونىندەگى شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، جاسىل دامۋ، باياندى دامۋ جولىنان اۋىتقىمادى. «ەكولوگيانى قورعاۋدى قاشاندا ءبىرىنشى ورىنعا قويۋعا تاباندى بولىپ، دامۋدى ەكولوگيالىق حاۋىپسىزدىك نەگىزىندە جۇرگىزىپ، شينجياڭنىڭ وسىمدىك جامىلعىسى مەن تاۋ - سۋلارىن شىنايى، ويداعىداي قورعاپ، شينجياڭنىڭ تاۋىنىڭ ماڭگى جاسىل بولۋىنا، تۇنىق سۋىنىڭ ماڭگى سارقىلماۋىنا مۇمكىندىك جاساۋدى» ورتاعا قويدى. بۇل ايبىندى ۋادە، تىپتەن، ارەكەتتىڭ جول نۇسقاۋشىسى. 
  بۇكىل رايوننىڭ ءار دارەجەلى تاراۋلارى ەكولوگيانى قورعاۋ تومەنگى شەگىن قاتاڭ ساقتاپ، «3 جوعارى» نىسانداردىڭ شينجياڭعا كىرۋىن قاتاڭ شەكتەپ، ەنەرگيا، كەن بايلىقتارىن اشۋدى اۆتونوميالى رايوندىق ۇكىمەت «ءبىر قالاممەن» تەكسەرىپ - بەكىتۋ، قورشاعان ورتانى قورعاۋ بويىنشا «ءبىر داۋىسپەن تەرىستەۋ» ءتۇزىمىن اتقارىپ، ەكولوگيانى قورعاۋدىڭ ەڭ قاتاڭ ءتۇزىمى مەن كەڭىستىكتىك قولدانىلۋ ورىندارىن تەجەۋ ءتۇزىمىن، سۋ بايلىعىن باسقارۋدىڭ ەڭ قاتاڭ ءتۇزىمىن اتقارىپ، لاستانۋدان ساقتانۋ جانە ونى وڭاۋ، قۇمايتتانۋدان ساقتانۋ جانە قۇمايتتانۋدى تىزگىندەۋ سەرپىنىن كۇشەيتىپ، ەكولوگيالىق ورتانى ءبۇلدىرۋ جاۋاپكەرلىگىن ءومىر بويى قۋزاستىرۋ ءتۇزىمىن اتقارىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىندى. 
  قازىرگە دەيىن تۇتاس رايونىمىز بويىنشا مەملەكەت دارەجەلى جانە اۆتونوميالى رايون دارەجەلى جاراتىلىستىق قورىقتان 29ى، مەملەكەتتىك سازدىق باقشاسىنان 28ى، مەملەكەتتىك گەولوگيالىق باقشادان 5ى، مەملەكەتتىك ورمان باقشاسىنان 23ى، دۇنيە جۇزىلىك جاراتىلىستىق مۇراعاتقا جاتاتىن جەردەن بىرەۋى، بۇكىل رايونىمىز بويىنشا مەملەكەت دارەجەلى ەكولوگيالىق وركەنيەت قۇرىلىسىندا ۇلگى كورسەتەتىن اۋداننان بىرەۋى، مەملەكەت دارەجەلى ەكولوگيالىق اۋداننان (رايون) بىرەۋى، ەكولوگيالىق اۋىل - قالاشىقتان 35ى قۇرىلدى؛ اۆتونوميالى رايون دارەجەلى ەكولوگيالىق اۋداننان 11ى، ەكولوگيالىق اۋىل - قالاشىقتان 162سى، ەكولوگيالىق قىستاقتان 1201ى قۇرىلدى.
  تەتىكتى مىقتى يگەرىپ، ۇستىنەن وڭاۋ مەن تۇبىرىنەن وڭاۋعا تەڭ ءمان بەرىپ، ءتۇزىلىس، مەحانيزمدى كەمەلدەندىردى 
 بيىل تامىزدان بەرى، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى شينجياڭعا كەلىپ، ءبىر اي باقىلاۋ - تەكسەرۋ قىزمەتىن ورىستەتتى. ولار اۆتونوميالى رايوندىق پارتكومنىڭ، ۇكىمەتتىڭ مەملەكەتتىڭ قورشاعان ورتانى قورعاۋ جونىندەگى شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ، قورشاعان ورتا سالاسىنداعى ەلەۋلى ماسەلەلەردى شەشۋ، قورشاعان ورتانى قورعاۋدىڭ سۋبيەكتتىك جاۋاپكەرلىگىن تياناقتاندىرۋ جاعدايىن؛ جەرگىلىكتى پارتكومدار مەن ۇكىمەتتەردىڭ جانە ولاردىڭ قاتىستى تاراۋلارىنىڭ قورشاعان ورتانى قورعاۋداعى دارمەنسىزدىك، بەيبەرەكەتتىك ىستەگەن جاعدايىن ءتۇيىندى تۇردە باقىلاپ تەكسەردى؛ جەرگىلىكتى ورىنداردىڭ قورشاعان ورتانى قورعاۋدىڭ جاۋاپكەرلىگىن پارتيا مەن ۇكىمەت بىردەي ۇستىنە الۋ، ءبىر قىزمەت ورنىندا ەكى جاۋاپكەرشىلىك ارقالاۋ، قاتاڭ جاۋاپقا تارتۋ سياقتى جۇمىس مەحانيزمدەرىن تياناقتاندىرۋىن ءتۇيىندى تۇردە ىلگەرىلەتتى.
  ورتالىقتىڭ قورشاعان ورتانى قورعاۋدى باقىلاۋ - تەكسەرۋ قىزمەت مەحانيزمىنىڭ ورناتىلۋى − قورشاعان ورتانى قورعاۋ سالاسىندا ساقتالعان ماسەلەلەردىڭ تەتىگىن تاپتى. باقىلاۋ - تەكسەرۋ قىزمەتىنىڭ ورىستەتىلۋى − رايونىمىزدىڭ ءار دارەجەلى پارتكومدارىنىڭ، ۇكىمەتتەرىنىڭ قورشاعان ورتانى قورعاۋداعى سۋبيەكتتىك جاۋاپكەرلىگىن كۇشەيتىپ، قورشاعان ورتانى قورعاۋدىڭ جاۋاپكەرلىگىن پارتيا مەن ۇكىمەت بىردەي ۇستىنە الۋ، ءبىر قىزمەت ورنىندا ەكى جاۋاپكەرلىك ارقالاۋ تالابىن تياناقتاندىرىپ، ءار دارەجەلى پارتيا، ۇكىمەت ورىندارىنداعى باسشى كادرلاردىڭ ەكولوگيالىق قورشاعان ورتانى قورعاۋ سىندى ارقاۋدى شيراتا ءتۇسۋىن جەبەپ، قورشاعان ورتانى قورعاۋعا ءمان بەرۋ ساناسىن ءتىپتى دە جوعارىلاتتى.

جاۋاپتى رەداكتور: قابىلقان ايتقابىل ۇلى
جايمالاۋ