中文

«شي جينپيڭنىڭ سوتسياليستىك مادەنيەت قۇرىلىسى تۋرالى بايىمداۋلارىنان ۇزىندىلەر» باسپادان شىعىپ، تاراتىلدى

شينحۋا اگەنتتىگىنىڭ 15 - قازاندا بەيجيڭنەن بەرگەن حابارى. ج ك پ ورتالىق كوميتەتى حۇجات زەرتتەۋ كەڭسەسى رەداكسيالاعان «شي جينپيڭنىڭ سوتسياليستىك مادەنيەت قۇرىلىسى تۋرالى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجات باسپاسىندا باسپادان شىعىپ، بۇكىل ەلگە تاراتىلدى. 
  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك مادەنيەت قۇرىلىسىنا ايرىقشا ءمان بەرىپ، يدەولوگيالىق قىزمەتكە بولعان باسشىلىق بيلىگىن، باسقارۋ بيلىگىن، ءسوز بيلىگىن مىقتى يگەرىپ، سوتسياليستىك وزەكتى قۇن كوزقاراسىن بار كۇشپەن جەتىلدىرىپ جانە ىسكە اسىرىپ، بۇكىل ۇلتتىڭ يدەيا - ءمورال دەڭگەيىن جوعارىلاتىپ، مادەنيەت ىستەرىنىڭ جاپپاي گۇلدەنۋى مەن مادەنيەت سالاسىنىڭ جەدەل دامۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا يدەيالىق كەپىل، رۋحاني كۇش، ءمورالدىق ءنار ازىرلەدى. شي جينپيڭ جولداستىڭ سوتسياليستىك مادەنيەت قۇرىلىسى تۋرالى ماڭىزدى بايىمداۋلارىن مۇقيات ۇيرەنۋ، دايەكتىلەندىرۋ − ماركسيزمنىڭ يدەولوگيا سالاسىنداعى جەتەكشىلىك ورنىن بەكەمدەۋدە، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جۇرگىزەتىن ورتاق يدەيالىق نەگىزىن بەكەمدەۋدە، مادەنيەت سەنىمىن بەكەمدەپ، سوتسياليستىك رۋحاني وركەنيەتتى دامىتۋعا، سوتسياليستىك مادەنيەتتە ەگەي ەل قۇرۋدى تەزدەتۋدە، «قوس 100 جىلدىق» كۇرەس نىساناسىن جۇزەگە اسىرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا ايرىقشا ماڭىزدى جەتەكشى مانگە يە. 
  «بايىمداۋلاردان ۇزىندىلەر» جيىنى 8 تاقىرىپتان قۇرالعان: مادەنيەت سەنىمىن بەكەمدەپ، سوتسياليستىك مادەنيەتتە ەگەي ەل قۇرۋ؛ ماركسيزمدى جەتەكشى ەتۋگە تاباندى بولىپ، يدەولوگيالىق قىزمەتكە باسشىلىق بيلىگىن، باسقارۋ بيلىگىن، ءسوز بيلىگىن مىقتى يگەرۋ؛ نازاريالىق قۇرىلىسقا وسكەلەڭ ءمان بەرىپ، جۇڭگوشا ەرەكشەلىككە يە فيلوسوفيالىق - قوعامدىق عىلىمدى جەدەل قالىپتاستىرۋ؛ سوتسياليستىك وزەكتى قۇن كوزقاراسىن جەتىلدىرۋ جانە ىسكە اسىرۋ؛ بۇكىل ۇلتتىڭ يدەيا - ءمورالدىق دەڭگەيىن جوعارىلاتۋ؛ حالىقتى وزەك ەتكەن شىعارماشىلىق باعىتقا تاباندى بولۋ؛ مادەنيەت ىستەرىنىڭ جاپپاي گۇلدەنۋى مەن مادەنيەت سالاسىنىڭ جەدەل دامۋىن جەبەۋ؛ مەملەكەتتىڭ مادەنيەت جۇمساق كۇشىن جوعارىلاتىپ، جۇڭگو اڭگىمەلەرىن جاقسى بايانداۋ. كىتاپقا بايىمداۋلاردان 361 ءۇزىندى ەنگىزىلدى، بۇل ۇزىندىلەر شي جينپيڭ جولداستىڭ 2012 - جىلى 15 - قاراشادان 2017 - جىلى 26 - شىلدەگە دەيىنگى سويلەگەن سوزدەرى، باياندامالارى، لەكسيالارى، نۇسقاۋلارى، بەكىتۋلەرى، قۇتتىقتاۋ حاتتارى سياقتى 70تەن استام ماڭىزدى حۇجاتتاردان الىنعان. مۇنىڭ ىشىندە كوپتەگەن بايىمداۋلار تۇڭعىش جاريالانىپ وتىر. 
  «شي جينپيڭنىڭ سوتسياليستىك مادەنيەت قۇرىلىسى تۋرالى بايىمداۋلارىنان ۇزىندىلەر» مەن بۇدان بۇرىن باسپادان شىققان «شي جينپيڭنىڭ سوتسياليستىك ەكونوميكالىق قۇرىلىس تۋرالى بايىمداۋلارىنان ۇزىندىلەر»، «شي جينپيڭنىڭ سوتسياليستىك ساياسي قۇرىلىس تۋرالى بايىمداۋلارىنان ۇزىندىلەر»، «شي جينپيڭنىڭ سوتسياليستىك قوعامدىق قۇرىلىس تۋرالى بايىمداۋلارىنان ۇزىندىلەر»، «شي جينپيڭنىڭ سوتسياليستىك ەكولوگيالىق وركەنيەت قۇرىلىسى تۋرالى بايىمداۋلارىنان ۇزىندىلەر» جانە «شي جينپيڭنىڭ <ءتورتتى جاپپاي ورىنداۋ> ستراتەگيالىق ورنالاستىرۋىن سايكەستى ىلگەرىلەتۋ تۋرالى بايىمداۋلارىنان ۇزىندىلەر»، «شي جينپيڭنىڭ جاپپاي دوڭگەلەك داۋلەتتى قوعام قۇرۋ تۋرالى بايىمداۋلارىنان ۇزىندىلەر»، «شي جينپيڭنىڭ رەفورمانى جاپپاي تەرەڭدەتۋ تۋرالى بايىمداۋلارىنان ۇزىندىلەر»، «شي جينپيڭنىڭ مەملەكەتتى جاپپاي زاڭمەن جونگە سالۋ تۋرالى بايىمداۋلارىنان ۇزىندىلەر»، «شي جينپيڭنىڭ پارتيانى جاپپاي قاتاڭ جونگە سالۋ تۋرالى بايىمداۋلارىنان ۇزىندىلەر» بۇكىل پارتيانىڭ شي جينپيڭ جولداستىڭ «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ جونىندەگى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي، جۇيەلى تۇردە ۇيرەنۋىنە تولىق جەلى ازىرلەدى.

جاۋاپتى رەداكتور: قابىلقان ايتقابىل ۇلى
جايمالاۋ