中文

«پارتيا مەنىڭ جۇرەگىمدە»

پارتيا 19 ـ قۇرىلتاي ۋاكىلى ليدا پەرۋاي قىزى جايلى

گۇلميرا داۋلەتبەك قىزى حابارلايدى. «مەنىڭ وسىنشاما اتاققا يە بولۋىمنىڭ ءوزى پارتيانىڭ ارقاسى، پارتيا مەنى باۋلىپ ـ جەتەلەمەسە، بۇگىنگى باقىتتى تۇرمىسقا جەتۋىمنىڭ ءوزى قيىن ەدى. پارتيانىڭ ءۇمىتىن اقتاۋ ءۇشىن، كۇش سالا ۇيرەنىپ، قاجىماي ـ تالماي جاقسى ىستەپ، باسقالارعا باستاماشى بولىپ، ءبىر كوممۋنيستىڭ ىستەۋگە ءتيىستى جۇمىسىن ىستەيمىن»، ـ دەدى كوزىنە ىستىق جاس العان ليدا پەرۋاي قىزى.

1998 ـ جىلى بۋىرشىن اۋداندىق ساۋدا كوٶپەراتيۆىنەن قىزمەتتەن بوساعان ليدا قايدا بارارىن بىلمەي داعدارىپ قالادى. ەندى نە ىستەۋ كەرەك دەگەن وي ونى جاتسا ـ تۇرسا مازالاي بەرەدى. وتباسىندا قاراپ جاتۋدى جانى سۇيمەيتىن ليدا، باسقالاردان قارىز الىپ، اۋدان ورتالىعىنان شاعىن ساۋدا دۇكەنىن اشادى. ەندى عانا بازارعا بەتتەپ، ءوز الدىنا كاسىپ جاراتقان كەزىندە ليدانىڭ باسىنا اۋىر كۇن تۋىپ، جٶلداسى ناۋقاستان قايتىس بولادى. جٶلداسىنىڭ قازاسى قابىرعاسىن قايىستىرىپ جىبەرەدى.

ەڭكەيگەن قايىن ەنە مەن بۋىنى قاتپاعان ەكى ءسابي بالاسى، ەس جيىپ، اقىل توقتاتپاعان ەكى باۋىرى، بەس بىردەي جەتىم جاۋتاڭداپ ليدانىڭ قولىنا قاراپ قالادى. ءبىر وتباسىنىڭ بارلىق جۇمىسى ليدانىڭ مويىنىنا ارتىلادى. ءبىر ءۇيلى جاننىڭ كۇن كورىسىن ويلاپ ليدا قايعىنى قايراتقا اينالدىرىپ، تىرشىلىك جٶلىن باستاپ، جار قۇلاعى جاستىققا تيمەي، ەرىنبەي ەڭبەكتەنىپ، ساۋداسىن جۇرگىزەدى.

«ەڭبەگى باردىڭ ونبەگى بار» ـ دەگەن بەكەرگە ايتىلماعان عوي، ونىڭ ەرىنبەي ەڭبەكتەنۋىنىڭ، جاپاعا شىداۋىنىڭ ناتيجەسى وعان مول نەسىبە سيلايدى. بازاردان باعىن سىناعان ليدانىڭ ساۋداسى كۇننەن ـ كۇنگە كۇسەت بولىپ، تۇراقتى الارمانى دا مولايىپ، سەنىمدى تيجاراتشىعا اينالادى.

2012 ـ جىلى ليدا پەرۋاي قىزى اتىنداعى قولونەر بۇيىمدارىن وندىرەتىن سەرىكتەستىك شاڭىراق كوتەرەدى. العاشىنداعى 6 قىزمەتكەردەن 90 قىزمەتكەرگە كوبەيەدى، جۇمىسكەرلەردىڭ %60 ىن مۇگەدەكتەر ۇستايدى. ونىڭ باستاماشىلىعىندا 100 دەن استام ايەلدىڭ ءار ايلىق كىرىسى 3000 يۋان بولادى.

كەيىن كەلە ليدا پەرۋاي قىزى قولونەر بۇيىمدارى شەكتى جارنا سەرىكتەستىگىنىڭ قوجايىنى بولىپ، «مەيىربان انالار» قوعامىن قۇرادى. بيىل 55 جاستاعى ليدا پەرۋاي قىزى 32 جىلدىق پارتيا ستاجىنا يە. 17جىل «وزات قىزمەتكەر» بولىپ سيلانعان. ليدا قاجىر ـ قايراتىنا سۇيەنىپ كاسىپ جاراتىپ، كاسىپتەن بوساعانداردى، مۇگەدەكتەردى كاسىپتەندىرىپ، كوممۋنيستەردىڭ اۆانگاردتىق رولىن شىن مانىندە ساۋلەلەندىرىپ، جۇڭحۋا پەرەزەنتتەرىنىڭ قالتقىسىز رۋحىن سومداپ، مەيىرلى انانىڭ شاراپاتتى شاپاعاتىن ءوزىنىڭ ءىس جۇزىندىك ارەكەتى ارقىلى كورنەكتىلەندىرىپ، وسكەلەڭ ادامگەرشىلىكتىڭ تىڭ داستانىن جازدى.

ىلگەرىندى ـ كەيىندى «مەملەكەتتىك ۇلتتار ىنتىماعىنىڭ ۇلگىسى»، «مەملەكەتتىك 8 ـ ناۋرىز قىزىلتۋشىسى»، «مەملەكەتتىك وزات پارتيا مۇشەسى» قاتارلى ماراپاتتارعا يە بولدى.

ول وسىنداي ماراپاتتارعا استە ماقتانىپ كورگەنى جٶق، قايتا قيىنشىلىعىن ايتا كەلگەن ادامدارعا قول ءۇشىن بەرىپ، قولىنداعى بارىن ايامادى.

2002 ـ جىلى قالاشىق باستاۋىش مەكتەپتە وقيتىن حۇيزۋ وقۋشى جۇڭ حىلۇڭنىڭ شەشەسى ۇزاق ۋاقىت ناۋقاستانعان، وتباسىندا قيىنشىلىعى ءبىرشاما اۋىر بولاتىن، ليدا بۇل وقۋشىنىڭ وتباسىنا ارنايى بارىپ، حال ـ جاعدايىن ۇعىسىپ، ءار وقۋ ماۋسىمىنداعى وقۋ قاراجاتى مەن تۇرمىستىق قاراجاتىن بەرىپ، ونىڭ جاقسى وقۋىنا شارت ـ جاعداي جاراتقان.

10جىلدان بەرى، ليدا 100 مىڭ يۋاننان استام قاراجات شىعارىپ، 6 وتباسىن كەدەيلىكتەن ارىلتىپ، وتباسى كىرىسىن ارتتىرۋىنا قول ءۇشىن بەردى. 60 تان استام بۇقاراعا 400 مىڭ يۋان ءوسىمسىز قارىز سوما بەرىپ، ولارعا جاقىننان جاردەم بەردى.

2004 ـ جىلى ليدا بۋىرشىن اۋدانىنان «مەيىربان انالار» قوعامىن باس بولىپ قۇرىپ، اۋدانداعى ءار ۇلت انالارىن اتتانىسقا كەلتىرىپ، وتباسىندا قيىنشىلىعى بار، جەتىم ـ جەسىر، مۇگەدەك، جٶعارىلاپ وقۋعا قاراجاتى جوق وقۋشىلارعا كومەك قولىن سوزىپ، ولارعا انالىق مەيىرىن توگە ءبىلدى.

ليدا ءبىر كوممۋنيسكە ءتان ادال دا قايسار، باسقالارعا كومەكتەسۋدى داڭق سانايتىن رۋحى ارقىلى ءومىردىڭ تىڭ داستانىن جازدى.

ءسوز سوڭىندا، ليدانىڭ ءبىر اۋىز ءسوزىن ايتا كەتۋدى ءجٶن كوردىم: «جاتسام ـ تۇرسام پارتيا مەنىڭ ەسىمنەن كوتەرىلىپ كورگەن ەمەس. پارتيا ءارقاشان مەنىڭ جۇرەگىمدە».

جاۋاپتى رەداكتور: قابىلقان ايتقابىل ۇلى
جايمالاۋ