中文

ايماعىمىزدىڭ ساياحات كاسىبى ويداعىداي دامىدى

اقپاراتتىق باعام

ايماعىمىزدىڭ ساياحات كاسىبى ويداعىداي دامىدى

پارتيا 18 ـ قۇرىلتايىنان بەرى، ساياحات نەگىزدىك قۇرىلعىلارىنىڭ ۇزدىكسىز كەمەلدەنۋى مەن قىزمەت وتەۋ دەڭگەيىنىڭ ۇزدىكسىز ارتۋىنا ىلەسە، التايدىڭ اتاعى اسپانداپ، داڭقى ارتىپ، ەل ٴىشى ـ سىرتىنان كەلگەن كوپتەگەن ساياحاتشىلاردى وزىنە باۋرادى.

التايدىڭ ەكولوگيالىق ورتاسى تاماشا، اۋاسى تازا، شەكارا ىشىندەگى سۋ مولشەرى مول، ەكولوگياسى الۋان ٴتۇرلى، مۇزدىق، وزەن كولدەرى، سازدىعى، ورمان جايلىمى، قۇمدىق جەرى تەڭ تارالعان، «وتتەگى قامباسى»، «دەمالىس ورنى»، «ادامزاتتىڭ بايىرعى قار شاڭعى مەكەنى» دەگەن داڭقتى اتاقتارى بار. ۇزاقتان ـ ۇزاققا جالعاسقان ساياحات كاريدورىنا تارالعان 185 كورىنىس ٴتۇيىنى، مەملەكەتتىك A دارەجەلى 23 كورىنىس رايونى (ٴتۇيىنى)، مەملەكەتتىك ەكى 5A دارەجەلى كورىنىس رايونى، باتىستا جەر جانناتى قاناس، شىعىستا گەولوگياداعى كەرەمەت كوكتوعاي، ورتاسىندا سالىنىپ جاتقان «ازياداعى ٴبىرىنشى، دۇنيەگە ايگىلى» حالىقارالىق قار شاڭعى الاڭى بار.

بيىل، ايماعىمىز «ساياحات كاسىبىن تۇلعا ەتۋ، ٴبىرىنشى كاسىپتى جەتەلۋ، ەكىنشى كاسىپتى سۇيەمەلدەۋ» دامۋ وي جەلىسىن العا قويىپ، ساياحات كاسىبىنىڭ ايماعىمىز ەكونوميكاسىنىڭ دامۋىنداعى تۇلعالىق ورنىن تۇراقتاندىردى. بۇل التايدىڭ جاسىل ٴتۇستى، ورتانى قورعايتىن، باياندى دامۋ جولىمەن جۇرۋىنە ويداعىداي جول سىلتەدى.

كوزالدا، ايماعىمىزدىڭ ساياحات نەگىزدىك قۇرىلىعىلارى بارعان سايىن كەمەلدەنىپ، قار ـ مۇز سپورتى، حالىقتىق سالت ـ سانانى كوزدەن كەشىرۋ، قار مۇز مەكەنىن ساياحاتتاۋ قاتارلىلاردى نەگىز مازمۇن ەتكەن قىسقى ساياحاتى جانە ٴتۇرلى ساياحات ەرەكشە ونىمدەرى ورنىقتى دامىپ، سىرتقا ۇگىتتەپ تانىستىرۋداي يكەمدى تاسىلدەر ارقىلى ساياحات بايلىق ابىزالدىلىعى ٴونىمدى كورنەكتىلەندى. «جەر جانناتى قاناس»، «گەولوگياداعى كورىنىسى كوركەم كوكتوعاي»، «ادامزاتتىڭ بايىرعى قار شاڭعى مەكەنى»، «جۇڭگوداعى ەڭ كوركەم قار مەكەنى» قاتارلى ساياحات ماركالارىنىڭ اتاعى اسپاندادى.

التايدىڭ كوركەم كورىنىسى ادام جانىن ەلىتەدى. بۇگىنگى كۇنى ساياحات كاسىبى ويداعىداي دامىپ، ايماعىمىز ەكونوميكاسىنىڭ، قوعامىنىڭ دامۋىنداعى تۇلعالىق كاسىپكە اينالىپ، التايداعى ٴار ۇلت حالقىنا باقىت جاراتۋدا. ايماقتىق پارتكوم مەن اكىمشىلىك مەكەمەسىنىڭ پارمەندى باسشىلىعىندا، التايدىڭ ساياحات كاسىبىنىڭ بولاشاعى كوركەم بولادى دەپ سەنەمىز.

اۋدارعان: ناعيما، گۇلجان

جاۋاپتى رەداكتور: قابىلقان ايتقابىل ۇلى
جايمالاۋ