中文

ەرەكشەلىك قالىپتاستىرىپ، حالىقارالىق ساياحاتتاعى كوزدەۋلى جەر جاراتۋعا قۇلشىندى

حالىقتىق اۆياتسيا نىسان قۇرىلىسى جاعىندا، جۇڭگو اۆياتسياسىنىڭ حالىقتىق ۇشاق شەكتى جاۋاپكەرلىك سەرىكتەستىگى مەن التاي ايماعى كەلىسىمگە قول قويىسقاننان كەيىن، ايماق «حالىقتىق اۆياتسيا +ساياحات +x» نىسانىن جاپپاي اتقاردى. ءبىرىنشى مەرزىمدە قوسىلاتىن قارجى مەجەمەن ءبىر ميلليارد 75 ميلليون يۋانعا جەتەدى. تانىستىرۋعا قاراعاندا «حالىقتىق اۆياتسيا +ساياحات +x»نىسانى التاي اۋە جايى، قاناس اۋە جايى، كوكتوعاي اۋە جايى سىندى 3 تىكە لەنيالى اۋە جاي قۇرىلىسىن ارقاۋ ەتكەن 3 تىكە لەنيالى اۋە جاي اينالىم رايونىن قۇرىپ، 8 حالىقتىق اۋە جاي سالۋدى جوبالاپ، مىڭ شاقىرىمدىق ساياحات كاريدورى كورىنىس رايونىن توڭىرەكتەي حالىقتىق اۋە جايىنىڭ 21 ۇشۋ، قونۋ ءتۇيىنىن قۇرىپ، وسى ارقىلى التايدىڭ حالىقتىق اۆياتسيا نەگىزدىك قۇرىلعى تورابىن قالىپتاستىردى؛ وسىمەن ءبىر ۋاقىتتا، جوعارىداعى حالىقتىق اۆياتسيا نەگىزدىك قۇرىلعىسىن ارقاۋ ەتىپ، «ءبىر قالاشىق، 7 قىستاق، ءبىر مال فەرماسى سىندى كوپ بازالى» ايفەيكى حالىقتىق اۆياتسيا ساياحات ەرەكشەلىگىندەگى قىستاق، قالاشىق دامۋ جۇيەسىن جاراتادى.

بيىل ايماق «كاسىپتەندىرۋدى ماڭداي الدى ورىنعا قويۋ»، « الدىمەن حالىققا تيىمدىلىك جەتكىزۋ» پرينسيپىنەن جازباي، «ورتاسى كوركەم، قىزمەت وتەۋى ساپالى، ساياحاتى حاۋىپسىز بولۋدى» ولشەم ، ساياحات كاسىبىن نەگىزگى تۇلعا ەتىپ، 1 ـ كاسىپتى جەتەلەۋ ارقىلى، 2 ـ كاسىپتى سۇيەمەلدەۋدەي كاسىپ جۇلگەسىن توڭىرەكتەۋ،«جۇڭگونىڭ تانىسقىسى، دۇنيە جۇزىنە ايگىلى التاي»قۇرۋدى ارقاۋ، «وڭىرلىك ساياحاتتان ۇلگى كورسەتۋ رايونىن» قۇرۋدى نەگىز ەتىپ، ايماقتىڭ «مىڭ شاقىرىمدىق ساياحات كاريدورى، مىڭ شاقىرىمدىق قاتىناس لەنياسى، مىڭ شاقىرىمدىق جاسىل بەلدەۋ، مىڭ شاقىرىمدىق شەكارا قورعانىسى، مىڭ شاقىرىمدىق گۇل باعى» سىندى 5 ءىرى ساياحات ينجەنەرياسىن بار كۇشپەن اتقارىپ، ساياحات ونىمدەرىمەن قامداۋداعى قۇرىلىمدىق رەفورمانى ۇزدىكسىز تەرەڭدەتىپ، نەگىزدىك قۇرىلعى قۇرىلىسىن كۇش سالا كۇشەيتىپ، ساياحات كورىنىس رايونىنىڭ دارەجەسىن جوعارىلاتۋدى جەبەپ، قىسقى ساياحات، شەكارا اتتاپ ساياحاتتاۋ، كۇتىمدەلۋ، حالىقتىق اۆياتسيا، ءوز كولىگىمەن ساياحاتتاۋ، توڭكەرىستىك ساياحات قاتارلى ساياحات ورتاسىن جەتىلدىرىپ جانە كەڭەيتىپ، ساياحات كاسىبىنىڭ ءبىر ماۋسىمنان 4 ماۋسىمعا، كورىنىس رايونى، كورىنىس تۇيىنىنەن وڭىرىلىك ساياحاتقا بۇرىلىس جاساۋىن، تاماشالاۋدان سەرۋەندەي، دەمالا، كۇتىمدەلە ءجۇرىپ ساياحاتتاۋعا قاراي بۇرىلىس جاساپ، دارەجەسىن جوعارىلاتۋدى بەلسەنە جەبەپ، 100 قىستاقتى كىرىسىن ارتتىرۋعا، 10 مىڭ وتباسىن كاسىپتەنۋگە جەتەلەپ، التايدى «مىڭ شاقىرىمدىق ساياحات كاريدورى، جىبەك جولىىنداعى اۆياتسيا بەكەتى، قار ـ مۇزدى قاسيەتتى قالا» اتىنداعى حالىقارالىق ساياحاتتاعى كوزدەۋلى جەر ەتىپ قۇلشىنا جاراتىپ، ساياحاتتىڭ ءۇرتىس، ۇشقان قۇستاي دامۋىن جۇزەگە اسىرادى.

كورىنىس رايون دارەجەسىن جوعارىلاتىپ، وڭىرلىك ساياحاتتى دامىتتىايماق وڭىرلىك ساياحاتتى بەلسەنە دامىتتى. 2017 ـ جىلى التاي قالاسى مەن بۋىرشىن اۋدانى تۇڭعىش توپتاعى مەملەكەتتىك تۇتاس وڭىرلىك ساياحاتتان ۇلگى كورسەتۋ ورنىن قۇرعان ورىن. التاي قالاسىنىڭ نەگىزدىك قۇرىلعىلارىنىڭ دارەجەسىن جوعارىلاتۋ، جاقسارتۋ ينجەنەرياسى جانە بۋىرشىن اۋدانى كورىنىس قالاسىن ءبىرتۇلعالاندىرىپ قۇرۋ ينجەنەرياسىن اتقاردى.

وسىمەن ءبىر ۋاقىتتا، ايماق جۇڭگو التاي تاۋى ٴوڭىرى (التاي) شەكارا اتتاپ ساياحاتتاۋداعى سەلبەستىك رايونىن قۇرۋدى نەگىز ەتىپ، جىبەك جولى ەكونوميكالىق بەلدەۋىنىڭ جەبەلۋىنەن پايدالانىپ، التاي تاۋىن ءوز كولىگىمەن ساياحاتتاۋدى، كورشىلەس ەلدەر مەن رايونداردىڭ شەكارا اتتاپ ساياحاتتاۋىنان قامال الۋدى جەبەدى. وسىمەن ءبىر ۋاقىتتا، جۇڭگو، موڭعۇليا شەكارا اتتاپ ءوز كولىگىمەن ساياحاتتاۋ، جۇڭگو، قازاقستانعا شەكارا اتتاپ ءوز كولىگىمەن ساياحاتتاۋ، جۇڭگو، موڭعۇليا، رەسەي، قازاقستاننىڭ ەرەكشە تۇردەگى ساياحاتىن ۇدايىلاندىرۋدى جەبەپ، التاي ايماعىن مەملەكەتتىك شەكارا اتتاپ ساياحاتتاۋداعى كوزدەۋلى جەرگە اينالدىرادى.

ايتا كەتۋگە تاتيتىنى «جەر جانناتى» اتالعان قاناس كورىنىس رايونى بيىل ٴداستۇرلى قىستاقتاعى بەلگىلەمەگە قايشى سالىنعان قۇرىلىستاردى شاعۋ 100 كۇندىك ارناۋلى قيمىلىن ورىستەتىپ، كورىنىس رايونىنداعى ٴداستۇرلى قىستاقتىڭ اۋەلگى بەت ـ بەينەسىن ساقتاپ، 3 بايىرعى قىستاق 10 نەشە جىلدىڭ الدىنداعى اۋەلگى بەينەسىنە ورالدى. بۇدان تىس، كورىنىس رايونى بەتالدى سالىنعان قۇرىلىستار مەن ٴداستۇرلى قىستاقتىڭ كورىنىسىن قورعاۋعا توسالعى بولاتىن شارۋاشىلىق جۇرگىزۋ قۇرىلىعىلارىن شاعىپ رەتكە سالىپ وڭادى.

بەلگىلەمەگە قايشى سالىنعان قۇرىلىستاردى ارناۋلى وڭاۋمەن بىرگە، قاناس كورىنىس رايونى تاعى باعانى شەكتەۋ ساياساتىن العا قويىپ، بازارداعى قالايماقان جاعدايعا سوققى بەردى. تامىزدىڭ سوڭىندا، قاناس كورىنىس رايونى حابارلاندىرۋ شىعارىپ، قاناس كورىنىس رايونىنداعى اس سۋ، جاتاق، تاۋارلاردىڭ بولشەك ساتىلۋ سالاسىنىڭ ەڭ جوعارى باعا شەگى ساياساتىن العا قويىپ، ۇقساماعان دارەجەدەگى قوناقجاي، تۇسەلحانا جانە جاتاقتىڭ باعاسىن ايقىن تۇراقتاندىردى ٴارى كۇندەلىكتى قۋىرماشتارعا، بولشەك ساتىلاتىن تاۋارلارعا، قاقتالعان قويدان مينەرال سۋعا دەيىن ەڭ جوعارى باعا شەگىن العا قويدى. كورىنىس رايونىنىڭ قىزمەت وتەۋ بازارى قالىپقا ٴتۇسىپ، ساياحاتشىلار مەن تۇتىنۋشىلاردىڭ قالىپتى مۇددەسىن قورعاپ، تاماشا قوعامدىق باعا الدى.

ۇعىسۋىمىزشا، 2017 ـ جىلى، قاڭتاردان تامىزعا دەيىن ايماعىمىز قابىلداعان ساياحاتشى سانى 8 ميلليون 849 مىڭ 800 ادامعا (رەت) جەتىپ، ۇقساس مەزگىلدەگىدەن %41.7 ارتقان، ساياحات جالپى كىرىسى 6 ميلليارد 66 ميلليون يۋانعا جەتىپ، ۇقساس مەزگىلدەگىدەن %57.3 ارتىپ، شينجياڭداعى ساياحات كاسىبىنىڭ دامۋى ەڭ تەز رايونىنىڭ بىرىنە اينالىپ، ساياحات كاسىبىن نەگىز ەتكەن وسىزامانعى قىزمەت وتەۋ كاسىبى ايماعىمىز ەكونوميكاسىنىڭ دامۋىنداعى ماڭىزدى تىرەككە اينالدى.

اۋدارعان: ناعيما، گۇلجان

جاۋاپتى رەداكتور: قابىلقان ايتقابىل ۇلى
جايمالاۋ