中文

ءمولدىر وزەن، جاسىل تاۋ ـ_ باعا جەتپەس بايلىق، قار ـ مۇز بايلىعى - اسىل قازىنا

--- ايماعىمىزدىڭ ساياحات كاسىبى ۇشقان قۇستاي دامىدى

ءتىلشىمىز جۇڭ چۇنچۇن حابارلايدى.

وڭىرلىك ابزالدىلىقتى تياناق ەتىپ، ساياحات كاسىبىنىڭ جەتەكشىلىك ورنىن تۇراقتاندىردى

جەر ءجانناتى قاناس، گەولوگيا باقشاسى كوز تۇندىرعان كوكتوعاي، سالقىن سامال ەسكەن قىران شاتقالى، الۋان رەڭمەن ايشىقتالعان اق تۇبەك كەرىشتى كەمەرى، اق بالتىر، كوز تۇنعان اققايىڭ، تاريحتان سىر شەتكەن ساحارا بالباندارى، بالىعى تايداي تۋلاعان ۇلىڭگىر كولى، ساحارا ساناتى ۇشكول....التايدىڭ قاي ـ قاي كورىنىستەرىن ايتساڭ دا، جەر جۇزىندە سيىرەك كەزىگەدى.

سوڭعى جىلداردان بەرى، ايماق«ءمولدىر وزەن، جاسىل تاۋ ـ باعا جەتپەس بايلىق»، «قار ـ مۇز بايلىعى ـ اسىل قازىنا» تانىمىن بەرىك تىكتەپ، مول ساياحات بايلىعى مەن بوگەنايى بولەك ەكولوگيالىق ورتا ابزالدىلىعىن تياناق ەتىپ، ساياحات كاسىبىن بار كۇشپەن جەبەپ، ساياحات كاسىبىنىڭ جەتەكشى ورنىن تۇراقتاندىردى.

ۇعىسۋعا قاراعاندا، قازىر تۇتاس ايماقتا Aدارەجەلى كورىنىس رايونىنان 30 ى بار بولىپ، ونىڭ 3 ى 5A دارەجەلى بولسا، 4 ى 4A دارەجەلى. «12 ـ بەسجىلدىق»كەزىندە، ايماق 6 ميلليارد يۋانعا تاياۋ قارجى شىعارىپ، ونى ساياحات نەگىزدىك قۇرىلعى قۇرىلىستارىن كۇشەيتۋگە پايدالاندى. ساياحاتتىڭ ۋنيۆەرسال كۇتىپ الۋ قۋاتى بارىنشا جوعارىلاپ، قىزمەت وتەۋ ورتاسى كورنەكتى جاقساردى. قاناس، كوكتوعاي ەكى 5A دارەجەلى كورىنىس رايونى جوباعا قاتاڭ بويسۇنۋ العى شارتىندا قۇرىلىس ساپاسىن جوعارىلاتۋ قادامىن جەدەلدەتتى؛ بۋىرشىن اۋدانى (شۇڭقىر) حالىقارالىق ساياحات دەمالىس رايونى، ەلامان ساياحاتتىق اشۋ رايونى نىساندارى تىڭعىلىقتى جەبەلدى؛ كوكتوعاي اۋدانىنىڭ كوكتوعاي دالا لاگەرى، 3 ـ ءنومىرلى كەن قۇدىعى، ەرتىس وزەنى كورنىس بەلدەۋى، بوياۋكەرىش قاتارلى كورىنىس رايونى قۇرىلىسى جەبەلدى؛ كوكتوعاي كەڭىستىك ەرەكشە قيمىل ساياحات نىسانى ىسكە قوسىلىپ، ايماق ساياحاتىنداعى بوستىقتى تولتىردى؛ التاي قالاسى گەنارال تاۋى قار شاڭعى الاڭى، كوكتوعاي جاڭا الەم قار شاڭعى الاڭىنا قىزمەت وتەۋ قۇرىلعىلارى اناعۇرلىم كەمەلدەندى.

التايدىڭ بوگەنايى بولەك قار ـ مۇز بايلىعى ەجەلدەن ەل القاۋىنا يە بولىپ كەلەدى. سوڭعى جىلداردان بەرى، ايماق قار ـ مۇز بايلىعىن ارقاۋ ەتكەن قىسقى ساياحاتتى ساياحات كاسىبىندە تيپكە بۇرىلىس جاساپ دارەجەسىن جوعارىلاتۋداعى ماڭىزدى قامال الار ءتۇيىن ەتىپ، قىسقى ساياحاتتىڭ دامۋىن باركۇشپەن جەبەدى. التايدىڭ قىسقى ساياحاتى جوقتان بار بولىپ، ءمۇز ويمادان قار شاڭعى تەبۋگە دەيىن ساياحاتتىڭ قيمىل تۇرلەرى بارىنشا مولايىپ،ساياحاتشىلاردى باۋراپ قالماستان، ايماقتىڭ قىسقى ساياحاتتى دامىتۋىنا ناقتى وزگەرىستەر الا كەلدى. تانىستىرۋعا قاراعاندا، 2016 ـ جىلدان 2017 ـ جىلعا دەيىن ايماق قىستاءبىر ميلليون 940 مىڭ ادام (رەت)ساياحاتشى قابىلداپ، ساياحاتتان كىرگەن كىرىس ءبىر ميلليارد170 ميلليون يۋان بولىپ، ۇقساس مەزگىلدەگىدەن جەكە ـ جەكە %24.4 جانە%23.7 ارتتى.

ايماقتىق ساياحات مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى ۋاڭ چۇنحۇڭ بىلاي دەدى: «ءار جىلى قىسقى قار ـ مۇز ساياحات قيمىلى قىزمەت جوباسىن جاساپ، جۇڭگو التاي حالىقارالىق قار ـ مۇز ساياحات قيمىلىن ماۋسىم سايىن جالعاستىرىپ كەلەمىز. التاي قالاسىنىڭ قار ـ مۇز، سالت ـ سانا ساياحاتى، بۋرىلتوعاي اۋدانىنىڭ ۇلىڭگىر كولىنەن قىسقى بالىق اۋلاۋ مەرەكەسى، كوكتوعاي اۋدانىنىڭ جۇڭگو سۋىق ۇيەك قار ـ مۇز سالت ـ سانا مەرەكەسى، قاناس قار ـ مۇز سالت ـ سانا ساياحات مەرەكەسى قاتارلى جەلىلەس قيمىلداردىڭ دەڭگەيى دە بارىنشا جوعارىلادى».-دەدى.

اۋدارعان: ناعيما، گۇلجان

جاۋاپتى رەداكتور: قابىلقان ايتقابىل ۇلى
جايمالاۋ