中文

جاپپاي باتىل ءۇن قاتىپ، ايقىن پوزيتسيا ءبىلدىرىپ، «ەكىبەتكەيلەرمەن» سوڭىنا دەيىن باتىل كۇرەسەيىك

قۇمىل قالالىق پارتكوم ۇگىت ءبولىمىنىڭ ورىنباسار باستىعى عۇنچام سايدوللا

پارتيانىڭ تاربيەلەپ، باۋلۋى مەن قامقورلىعىندا تولىسىپ جەتىلگەن ءار ۇلت كادر، جۇرتشىلىعى وبۇلقاسىم ءماتتۇرسىن جولداس سياقتى وتان تۇتاستىعىن، ۇلتتار ىنتىماعىن، قوعام ورنىقتىلىعىن قورعاۋ جاۋاپكەرلىگىن ارقالاۋى، تۋى ايقىن تۇردە «ءۇش ءتۇرلى كۇشكە» جانە «ەكىبەتكەيلەرگە» قارسى سەمسەردى سەرت ۇستاۋى، «ادال، كىرشىكسىز بولۋ، جاۋاپكەرلىك ارقالاۋداي» تاڭداۋلى كادر بولۋ سالاۋاتىمەن شينجياڭنىڭ قوعام ورنىقتىلىعى مەن باياندى تىنىشتىعى ۇلى امالياتىنا بەلسەنە ات سالىسۋى ءتيىس.

  ۇيرەنۋدى كۇشەيتىپ، اۆانگارد بولۋعا قۇلشىنايىق! ءبىز قۇلشىنا ۇيرەنىپ، ساياسي بەتالىستى يگەرۋ، ساياسي تۇراقتىلىقتى ساقتاۋ، ساياسي قاتەردەن ساقتانۋ قۋاتىمىزدى، بولشەكتەۋشىلىككە قارسى تۇرۋ كۇرەسىندەگى كۇردەلى ماسەلەلەردى شەشۋ قابىلەتىمىزدى جوعارىلاتۋىمىز ءتيىس. يدەيا مەن تانىمدى پارتيا ورتالىق كوميتەتىنىڭ شينجياڭ جاعدايى جونىندەگى تۇجىرىمدارىمەن، شينجياڭ قىزمەتىنىڭ باس نىساناسىمەن، اۆتونوميالى رايوندىق پارتكومنىڭ ورنالاستىرۋلارىمەن، تالاپتارىمەن بىرلىككە كەلتىرۋىمىز، پارتياعا ادالدىعىمىزدى پارتياعا بولعان سەنىمدەگى ادالدىعىمىزبەن، پارتيانىڭ نازارياسى مەن لۋشيان، باعىت - ساياساتتارىنا بولعان ادالدىعىمىزبەن، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە پارتيا مەن مەملەكەتكە بولعان ادالدىعىمىزبەن ايگىلەۋىمىز كەرەك.

  ساياسيدا بەرىك بولۋدىڭ ونەگەسى بولايىق! ءبىز قىزىل سىزىق، ەڭ تومەنگى شەك تانىمىن بەرىك ورناتۋىمىز، ساياسي ءتارتىپ جانە ساياسي قاعيدادان قاشاندا اۋىتقىماۋىمىز ءتيىس. پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ كەلەلى ساياساتتارى مەن باعىتتارىن باتىل دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن دايەكتىلەندىرۋدە استە ءارى - ءسارى بولماۋىمىز، وعان نەمقۇرايدى قاراماۋىمىز، الباتى تالقىعا سالماۋىمىز كەرەك؛ بولشەكتەۋشىلىككە قارسى تۇرۋ سىندى كەلەلى پرينسيپتىك ماسەلەدە قاشاندا تۋىمىز ايقىن، تۇرعىمىز بەرىك، تانىمىمىز بىركەلكى، ءىشى - سىرتىمىز بىردەي، پوزيتسيامىز باتىل، اياق الىسىمىز بىركەلكى بولۋعا دەن قويۋىمىز ءتيىس. كورنەۋدە ءبىر ءتۇرلى، كومەسكىدە ءبىر ءتۇرلى بولاتىن «ەكىبەتكەي» بولماۋىمىز، «ەكىبەتكەيلەرمەن» باتىل كۇرەسۋىمىز، سەنىمى بەكەم اڭعارلى ادام، ءىشى - سىرتىمىز بىردەي ادال ادام، تارتىپكە بويسۇناتىن ءجون - جوسىقتى ادام بولۋىمىز ءتيىس.

  تىنباي باتىل ءۇن قاتىپ، ادالدىعىمىزدى شىڭايىق! ءبىز يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىندە مىندەت جانە بورىشتى سانالى تۇردە ارقالاپ، قاتە يدەيالاردىڭ جەلىكتىرۋىنە ۇشىراماۋىمىز، تار ءورىستى ۇلتشىلدىق يدەيانىڭ شىرعاسىنا تۇسپەۋىمىز قاجەت. «استىرتىن سوزدەردىڭ» استارىنا جاسىرىنعان قاتە يدەيالاردىڭ شىرعاسىنا تۇسپەۋىمىز، كورنەۋدە ءبىر ءتۇرلى، كومەسكىدە ءبىر ءتۇرلى بولاتىن، كورىنىستە بويسۇنعانسىپ، كومەسكىدە قايشى كەلەتىن «ەكىبەتكەيلەردى» پارىقتاۋعا دەن قويۋىمىز، «وزىممەن ەشقانداي بايلانىسى جوق» دەپ ەسكەرمەي قوياتىن «مونتانى» ادام بولماۋىمىز، «كورسەدە كورمەسكە سالىناتىن» پاسسيۆ ستيلدى باتىل الاستاۋىمىز، قاتە كوزقاراستارعا باتىل ءۇن قاتىپ، ايقىن پوزيتسيا ءبىلدىرۋىمىز كەرەك. تۋىس - تۋعان، دوس - جاراندارىمىزدىڭ، ماڭايىمىزداعىلاردىڭ، باسقالاردىڭ باتىل ءۇن قاتۋىنا جەتەكشىلىك ەتۋىمىز؛ قىزمەت پەن تۇرمىستىڭ بارلىق جاعىندا ايقىن پوزيتسيا ءبىلدىرۋىمىز، ءارقانداي ۋاقىتتا، ءارقانداي جەردە «ەكىبەتكەيلەرمەن» سوڭىنا دەيىن كۇرەسۋىمىز، باتىل ءۇن قاتىپ، ايقىن پوزيتسيا ءبىلدىرۋ قيمىلىن شىن مانىندە باس نسانانى تياناقتاندىرۋدىڭ «ۇدەتكىشى»، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» ويداعىداي اتقارۋدىڭ «قايراعى»، يدەولوگيا سالاسىندا بولشەكتەۋشىلىككە قارسى تۇرۋ كۇرەسىن تەرەڭدەتۋدىڭ «ۇندەۋ حاتى»، پارتيا مۇشەلەرى مەن كادرلاردىڭ ادالدىعى مەن جاۋاپكەرلىگىن ساراپقا سالۋدىڭ «تارازىسى» ەتۋىمىز كەرەك.

  حالىق بۇقاراسىن پارتياعا ىلەسۋگە جەتەكتەيىك! ءبىز ءوز باسىمدىعىمىزدى جەتە ساۋلەلەندىرىپ، بۇقارامەن ىشكەرىلەي ارالاسىپ، يدەيالىق - ساياسي قىزمەتتى ورىستەتۋىمىز، ءار ۇلت بۇقاراسىنىڭ جۇڭحۋا ۇلتى ورتاق تۇلعاسى تانىمىن، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋىنا، «5 ورتاق تانىمدى» نىعايتۋىنا، شينجياڭنىڭ «3 تاريحى» جونىندەگى تۇسىنىكتى تەرەڭدەتۋىنە جەتەكشىلىك ەتۋىمىز، تاربيەلەۋىمىز، ۇلتتاردىڭ توعىسۋ، ارالاسۋ، ىشتەسۋىن جەبەۋگە، ءار ۇلت بۇقاراسىنىڭ قىراعى بولۋىنا، دۇرىس پەن بۇرىستى ايىرۋىنا جەتەكشىلىك ەتۋىمىز؛ پارتيانىڭ مەيىرىن، قامقورلىعىن ەستە بەرىك ساقتاپ، پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، پارتيانىڭ تاڭداۋلى ۇلانى بولۋىمىز؛ ءىس جۇزىندىك ارەكەتىمىز ارقىلى تاماشا ونەگە كورسەتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزىن بەكەمدەۋىمىز كەرەك.

  ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ بارلىق ادامنىڭ پارتياعا دەگەن قالتقىسىز ادالدىقپەن جاۋاپكەرلىك ارقالاۋىنا، مەكەنگە دەگەن رياسىز سۇيىسپەنشىلىگىنە، بارلىق ادامنىڭ اۋەلگى ماقساتتى ۇمىتپاي، ۇزدىكسىز العا باسۋ سەنىمىنە اسا مۇقتاج. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا، اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرەتىن، تياناقتاندىراتىن ءبىرسىپىرا پارمەندى شارالارىنىڭ ارقاسىندا، ءار ۇلت كادر، جۇرتشىلىعىنىڭ تىزە قوسا قۇلشىنۋىنىڭ ارقاسىندا، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن، ءسوزسىز، جۇزەگە اسىرا الاتىنىمىزعا كامىل سەنەمىز.

جاۋاپتى رەداكتور: قابىلقان ايتقابىل ۇلى
جايمالاۋ