中文

«ءۇش ءتۇرلى كۇشپەن»، «ەكىبەتكەيلەرمەن» سوڭىنا دەيىن باتىل كۇرەسۋگە انت ەتەمىن

اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى پولات ءيۇسىپ

مەن اسكەري وتباسىندا تۋىلدىم، اسكەري لاگەردەگى اسكەري سىرناي ءۇنىن ەستىپ ەسەيدىم. اكەم ساقا پارتيا مۇشەسى، كەزىندە سولتۇستىك شينجياڭ اسكەري رايونى ساياسي ءبولىمىنىڭ ورىنباسار مەڭگەرۋشىسى بولعان، شەشەم شينجياڭ بەيبىت جولمەن ازات بولعاننان كەيىنگى ءبىرىنشى ۇرپاق ۇيعۇر ايەل ساقشى ەدى. اعا - باۋىر، اپەكە - قارىنداستارىمنىڭ ۇشەۋى داڭقپەن ارمياعا قاتىناستى، قىزىل گەن بالا كۇنىمىزدەن ءبىزدىڭ جۇرەك تۇكپىرىمىزگە تەرەڭ ۇيالاپ، قانىمىزعا سىڭگەن. پارتيانىڭ قامقورلىعىندا جانە ۇيىمنىڭ باۋلۋىندا، مەن بىرتىندەپ قازىنا شەبىندەگى پارتيالى باسشى كادر بولىپ جەتىلىپ، شينجياڭنىڭ كوركەيۋى مەن دامۋى بارىسىنا كۋا بولدىم جانە ات سالىستىم، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭداعى ءار ۇلت حالقىنا تيىمدىلىك جاسايتىن ءبىر قىدىرۋ سۇيەمەلدەۋ ساياساتىن العا قويدى، شينجياڭنىڭ بەت - بەينەسىندە وراسان زور وزگەرىستەر بولىپ، جۇرتتى جالت قاراتارلىقتاي تابىستارعا قول جەتكىزدى. وتكەندى ەسكە الىپ، بۇگىنگە نازار سالساق، جۇڭگو كوممۋنيستىك پارتياسى مەن ۇلى وتانىمىز بولماسا، شينجياڭنىڭ بۇگىنگىدەي دامىمايتىندىعىن، ءار ۇلت حالقىنىڭ باقىتتى تۇرمىسى بولمايتىندىعىن، مەنىڭ دە ءوسىپ - جەتىلۋىم مۇمكىن بولمايتىندىعىن كەسىپ ايتا الامىن. پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋ − مەنىڭ ومىرلىك سەنىمىم جانە ۋادەم.

  شينجياڭ − ەجەلدەن وتانىمىزدىڭ ايرىلماس ءبىر بولەگى، كوپ ۇلت، كوپ مادەنيەت، كوپ ءدىن ءوزارا توعىسقان جەر، ءار ۇلت حالقىنىڭ ورتاق مەكەنى، وتانىمىزدىڭ تۇتاستىعىن قورعاۋ ءار ۇلت حالقىنىڭ ءتۇبىرلى مۇددەسىنە سايادى. ۇيعۇر باۋىرلاستار ءوزىنىڭ تاعدىرىن وتاننىڭ تاعدىرىمەن تىعىز بايلانىستىرعاندا عانا، شىعار جول تابادى، جاپپاي داميدى، ءوزىنىڭ تاعدىرىن جۇڭحۋا ۇلتىنىڭ تاعدىرىمەن تىعىز بايلانىستىرعاندا عانا، بولاشاعى بار بولادى، ءۇمىت وتى قاۋلايدى. قاندى اماليات بىزگە «ءۇش ءتۇرلى كۇشتىڭ» قوعامدىق ءتارتىپتى اۋىر دارەجەدە ءبۇلدىرىپ، حالىق جۇرتشىلىعىنىڭ ءومىرى مەن مال - مۇلكىنىڭ حاۋىپسىزدىگىنە اۋىر قاتەر توندىرگەنىن، ادامزاتقا، قوعامعا، وركەنيەتكە قارسى قانقۇيلى زورەكەرلىكپەن اينالىسقانىن، ولاردىڭ حالىقتىڭ ورتاق جاۋى ەكەنىن ۇعىندىردى. «ءۇش ءتۇرلى كۇشپەن» اراداعى كۇرەس ۇلت ماسەلەسى دە، ءدىن ماسەلەسى دە ەمەس، قايتا وتاننىڭ تۇتاستىعىن، ۇلتتار ىنتىماعىن قورعاۋداعى ءبىر رەتكى ولىسپەي - بىتىسپەيتىن ساياسي كۇرەس، استە ىمىرالاسۋعا كەلمەيدى. ەرەكشە ساياسي سىن الدىندا، تۋدى بيىك ۇستاپ، ايقىن پوزيتسيا ءبىلدىرىپ، اتويلاپ الدا ءجۇرۋ كەرەك پە، الدە ءارى - ءسارى بولىپ، ءۇنسىز ءىستىڭ سوڭىن باعۋ كەرەك پە دەگەن ماسەلە − ءاربىر پارتيا مۇشەسى مەن كادردىڭ، ءسوزسىز، ايقىندايتىن ساياسي پوزيتسياسى مەن ساياسي تۇرعىسى، «5 ورتاق تانىم»، «4 تانىم» تالابىنىڭ تياناقتاندىرىلۋىن تەكسەرەتىن ماڭىزدى ولشەم.

  پارتيا تالاي جىل باۋلىعان ۇيعۇر پارتيالى كادر رەتىندە، بولشەكتەۋشىلىككە قارسى كۇرەس سىندى كەلەلى پرينسيپتىك ماسەلەدە، مەن قاشاندا وي - سانامدى سەرگەك ۇستاپ، تۋىم ايقىن، تۇرعىم بەرىك تۇردە تانىمىمدى بىرلىككە كەلتىرىپ، ءىشى - سىرتىم بىردەي بولىپ، پوزيتسيامدى بەكەمدەپ، اياق الىسىمدى بىرلىككە كەلتىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، «ءۇش ءتۇرلى كۇشپەن» باتىل كۇرەسىپ، ۇلتتار ىنتىماعىن بۇلدىرەتىن ءسوز، ءىس - ارەكەت اتاۋلىنىڭ بارىمەن باتىل كۇرەسىپ، اناعۇرلىم اسقاقتاعان جاۋىنگەرلىك جىگەرمەن، اناعۇرلىم تىڭعىلىقتى ستيلمەن ناقتى قىزمەتكە ات سالىسىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن قورعاۋ ءۇشىن بەلسەندى ۇلەس قوسامىن.

  ساياسي ءتارتىپ پەن ساياسي قاعيداعا قاتاڭ بويسۇنۋدىڭ ونەگەسى بولامىن. «4 تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە قاشاندا وسكەلەڭ ءبىر اۋىزدىلىقتى ساقتاپ، ساياسي قىراعىلىعىم مەن ساياسي پارىقتاۋ قۋاتىمدى كۇشەيتىپ، ساياسي سەنىمگە تاباندى بولىپ، ساياسي تۇرعىمدى بەكەمدەپ، ساياسي باعداردى دۇرىس مەڭگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىن» بۇلجىتپاي، قاز - قالپىندا دايەكتىلەندىرەمىن، اتقارامىن.

  ورنىقتىلىقتى قورعاۋدىڭ ونەگەسى بولامىن. لاڭكەستىككە قارسى تۇرىپ، ورنىقتىلىقتى قورعاۋدى قاشاندا ءبارىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرلىك ەتىپ، اسا قىراعى بولىپ، ساقتىق دابىلىن تىنباي قاعامىن؛ ورنىقتىلىقتى قورعاۋ قىزمەتىندە قاعىس قالاتىن ءوڭىر، قاعىس قالاتىن مەكەمە، قاعىس قالاتىن ادام بولمايدى يدەياسىن بەرىك ورناتىپ، اۆتونوميالى رايوندىق پارتكومنىڭ ورنىقتىلىقتى قورعاۋداعى ءتۇرلى شارالارىن جاپپاي دايەكتىلەندىرىپ، تياناقتاندىرىپ، ءوز جاۋاپكەرلىگىمدى ءبىلىپ، ءوز جاۋاپكەرلىگىمدى ارقالاپ، ءوز جاۋاپكەرلىگىمدى ادا ەتەمىن؛ قازىنا، قوعامدىق قامتاماسىز ەتۋ قىزمەتىن قوعام ورنىقتىلىعى مەن باياندى تىنىشتىق باس نىساناسىنىڭ ءبىر بۋىنى رەتىندە جوسپارلاپ، ىلگەرىلەتىپ، اناعۇرلىم ناقتى ىستەرمەن شۇعىلدانۋ ستيلىمەن، تاسقىنداعان ىنتامەن پارتيا ورتالىق كوميتەتىنىڭ ورنالاستىرۋلارىن، اۆتونوميالى رايوندىق پارتكومنىڭ قىزمەت تالاپتارىن ناقتى ارەكەتىم ارقىلى تياناقتاندىرامىن.

  ۇلتتار ىنتىماعىن قورعاۋدىڭ ونەگەسى بولامىن. از ۇلت پارتيا مۇشەلەرى، كادرلار − ۇلت قىزمەتىن جاقسى ىستەۋدەگى ماڭىزدى كوپىر جانە دانەكەر، بۇقارانى تاربيەلەۋ، بۇقارانى ۇيىمداستىرۋ، بۇقارانى اتتانىسقا كەلتىرۋدەي ماڭىزدى مىندەتتى ۇستىنە الىپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «5 ورتاق تانىمدى» كۇشەيتىپ، جۇڭحۋا ۇلتىنىڭ ءبىر مۇشەسى بولۋداي تاۋەلدىلىك سەزىمىن، ار - نامىس سەزىمىن، داڭق سەزىمىن كۇشەيتۋى؛ ءوزىنىڭ ۇلتتار ىنتىماعىنداعى ونەگەلىك، باستاماشىلدىق رولىن تولىق ساۋلەلەندىرىپ، ۇلتتار ىنتىماعىن كوز قاراشىعىنداي قورعاپ، ءوز ءومىرىن قاستەرلەگەندەي قاستەرلەپ، ۇلتتار ىنتىماعىن بۇلدىرەتىن ارەكەت اتاۋلىنىڭ بارىمەن باتىل كۇرەسۋى كەرەك.

  ۇلتتىق وڭىرلەردەگى جاقسى كادر بولۋدىڭ ونەگەسى بولامىن. «سەنىمى بەرىك، حالىققا قىزمەت ەتەتىن، ءىستى شوگەلدىكپەن ىستەيتىن، باتىلدىقپەن جاۋاپكەرلىك ارقالايتىن، ءادىل دە پاك» جاقسى كادر بولۋدىڭ ولشەمى مەن ۇلتتىق وڭىرلەردەگى جاقسى كادر بولۋدىڭ «دۇرىس پەن بۇرىستى ايقىن پارىقتاۋ تۇرعىسى ەرەكشە انىق، ۇلتتار ىنتىماعىن قورعاۋ ارەكەتىندە ەرەكشە باتىل، ءار ۇلت جۇرتشىلىعىن قىزۋ ءسۇيۋ سۇيىسپەنشىلىگى ەرەكشە شىنايى بولۋ» سىندى ساياسي ولشەمنەن جازباي، قاشاندا جوعارى ولشەممەن قاتاڭ تالاپ قويىپ، ءوزىمدى، وتباسىمداعىلاردى جاقسى باسقارىپ، تۋىس - تۋعان، دوس - جاراندارىما جاقسى ىقپال كورسەتىپ، ۇلتتار ىنتىماعى مەن قوعام ورنىقتىلىعىن قاشاندا ءىس جۇزىندىك ارەكەتىممەن قورعايمىن.

  ءدىني ۇشقارىلىق پەن زورلىقتى كۇش لاڭكەستىگى قانشالىقتى سۇرقيالىققا باسقان سايىن، قانشالىقتى قۇتىرىنعان سايىن، ءبىز ۇلتتار ىنتىماعىن، ورنىقتىلىقتى قورعاۋ ۇلى تۋىن ونان سايىن بيىك ۇستاۋىمىز؛ جاۋ كۇشتەر شينجياڭنىڭ ورنىقتىلىعى مەن دامۋىنىڭ تاماشا جاعدايىن بۇلدىرۋگە قانشالىقتى ۇرىنعان سايىن، ءبىز ونان ارى جۇدىرىقتاي جۇمىلىپ، ءبىر نيەت، ءبىر تىلەكتە سەلبەسىپ، باتىل ءۇن قاتىپ، ايقىن پوزيتسيا ءبىلدىرۋىمىز كەرەك. اناعۇرلىم تىعىز ىنتىماقتاسىپ، بولشەكتەۋشىلىككە قارسى كۇرەستىڭ قۇرىش قامالىن سوعىپ، ەل ءىشى - سىرتىنداعى «ءۇش ءتۇرلى كۇشتىڭ» ءتۇرلى كيلىگۋ، ءبۇلدىرۋ ارەكەتتەرىن الاستاپ، ءار ۇلت حالقىن اناعۇرلىم باقىتتى دا كوركەم تۇرمىسقا كەنەلتىپ، اناعۇرلىم گۇلدەنىپ - كوركەيگەن، باي، جاراسىمدى سوتسياليستىك شينجياڭ قۇرۋعا قۇلشىنۋىمىز كەرەك.

جاۋاپتى رەداكتور: قابىلقان ايتقابىل ۇلى
جايمالاۋ