中文

كەدەيلىكتەن دالمە - ءدال قۇتىلدىرۋدىڭ شينجياڭ امالياتى
− پارتيانىڭ 18 - قۇرىلتايىنان بەرگى شينجياڭنىڭ شۇعىلالى جەتىستىكتەرى تۋرالى شولۋ

شينجياڭ گازەتىنىڭ ءتىلشىسى حان چينيان حابارلايدى.

«كەدەيلەردى سۇيەمەلدەۋ جولىندا بىردە - ءبىر كەدەي وتباسىن تاستاپ كەتۋگە، بىردە - ءبىر كەدەي بۇقارانى قاعىس قالدىرۋعا بولمايدى». شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ سالماقتى ۇنمەن ايبىندى تۇردە بەرگەن ۋادەسى شينجياڭداعى ءار ۇلت حالقىن جاپپاي دوڭگەلەك داۋلەتتى قوعامعا بىرگە قادام تاستاۋ ساپارىندا ۇدەرە العا تارتۋعا شابىتتاندىردى. 
  پارتيا 18 - قۇرىلتايىنان، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ جونىندەگى ورنالاستىرۋلارىن، تالاپتارىن باتىل دايەكتىلەندىرىپ، تياناقتاندىرىپ، ساياساتتىق جاقتان قامتاماسىز ەتۋ، قارجى قوسۋ، كاسىپ سالاسى ارقىلى دەم بەرۋ، نىسانداردى ورنالاستىرۋ، حالىق تۇرمىسىنا قىزمەت كورسەتۋ، قوعام بولىپ جۇمىلا كومەكتەسۋ، شينجياڭعا كومەكتەسۋ، قولداۋ كورسەتۋ، بۇقارانىڭ قاتىسۋى سياقتىلاردىڭ بارلىعىن تىڭعىلىقتى ىستەپ، قوعامداعى ءار سالانىڭ كۇشىن كەڭ كولەمدى ۇيىستىرىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدىڭ، جاپپاي دوڭگەلەك داۋلەتتى قوعام قۇرۋدى ىسكە اسىرۋدىڭ دابىلىن قاقتى. كەدەيلىكتى جويىپ، حالىق تۇرمىسىن جاقسارتىپ، تيانشاننىڭ تۇستىگى مەن تەرىستىگىندە بىرگە اۋقاتتانۋدى بىرتىندەپ ىسكە اسىرۋدىڭ تاماشا جاعدايى جارىققا شىقتى.
  كۇش سالا تياناقتاندىرىپ، بىردە - ءبىر كەدەي بۇقارانى قاعىس قالدىرمادى  
  «وڭتۇستىك شينجياڭداعى كەدەي وڭىرلەردى كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانى ەتۋ كەرەك». بۇل باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقانداعى ىقلاستى تاپسىرماسى.
  اۆتونوميالى رايونىمىزداعى 35 كەدەي اۋداننىڭ 26سى وڭتۇستىك شينجياڭداعى 3 ايماق، ءبىر وبلىستا، بۇكىل رايونىمىزداعى 3029 كەدەي قىستاقتىڭ 2603ى وڭتۇستىك شينجياڭداعى 3 ايماق، ءبىر وبلىستا، بۇكىل رايونىمىزداعى 2 ميلليون 610 مىڭ كەدەي بۇقارانىڭ %80تەن كوبى وڭتۇستىك شينجياڭداعى 3 ايماق، ءبىر وبلىستا، بۇل شينجياڭنىڭ كەدەيلەردى سۇيەمەلدەۋ، وركەندەتۋ قىزمەتىندەگى «ءتۇيىننىڭ ءتۇيىنى».
  ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە ەرەكشە ساياسات اتقارىپ، وڭتۇستىك شينجياڭنىڭ دامۋىن قولداۋ ايقىن العا قويىلدى. ج ك پ اۆتونوميالى رايوندىق 9 - قۇرىلتايىندا وڭتۇستىك شينجياڭداعى 3 ايماق، ءبىر وبلىستىڭ ءوڭىر بويىنشا كەدەيلىكتەن ءبىر تۇتاس قۇتىلۋىن ىسكە اسىرۋ، بىردە - ءبىر كەدەي بۇقارانى قاعىس قالدىرماۋ العا قويىلدى.
  پارتيا 18 - قۇرىلتايىنان بەرى، اۆتونوميالى رايوندىق پارتكوم كەدەيلىكتەن قۇتىلدىرۋدان قامال الۋ قىزمەتىنە ايرىقشا ءمان بەرىپ، كەدەيلىكتەن قۇتىلدىرۋدان قامال الۋدى ماڭداي الدى ورىنداعى حالىق تۇرمىسى ينجەنەرياسى، كەلەلى ساياسي مىندەت، ەڭ ۇلكەن ءىرى ءىس ساناپ، دالمە - ءدال بولۋعا نازاردى شوعىرلاندىرىپ، قامال الۋ ءۇشىن شايقاسىپ، دابىرالى تۇردە جابال اتتانىسقا كەلدى. اۆتونوميالى رايوندىق پارتكومنىڭ شۋجيى چىن چۋانگو تۇتاس اۆتونوميالى رايون بويىنشا اۋىر كەدەي وڭىرلەردى كەدەيلىكتەن قۇتىلدىرۋدان قامال الۋ قىزمەتى جونىندەگى ءماجىلىستى، 9 - رەتكى تۇراقتى كوميتەت ءماجىلىسىن، تۇراقتى كوميتەتتىڭ (كەڭەيتىلگەن) ءماجىلىسىن باسقارىپ اشىپ، كەدەيلىكتەن قۇتىلدىرۋدان قامال الۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوننىڭ كەدەيلەردى سۇيەمەلدەۋ - وركەندەتۋ قىزمەتىنە باسشىلىق ەتۋ گرۋپپاسىنىڭ «قوس گرۋپپا باستىعى» جاۋاپكەرلىگىن ارقالاپ، تالاي رەت بەكىتۋ جازىپ، ايقىن تالاپتاردى العا قويدى. 
  مەملەكەتتىڭ، شينجياڭنىڭ كۇشىن شوعىرلاندىرعان سۇيەمەلدەۋ ارەكەتتەرى ورىستەتىلۋ الدىندا تۇر، حالىققا تيىمدىلىك جاسايتىن سۇيىسپەنشىلىككە، مەيىرگە تولى شارالار وڭتۇستىك شينجياڭدا شوعىرلى اتقارىلىپ، وڭتۇستىك شينجياڭنىڭ كەدەيلىكتەن قۇتىلۋدان قامال الۋىنا مىعىم قوزعاۋشى كۇش ازىرلەدى.
  وتكەن 3 جىلدا، اۆتونوميالى رايون جيىنى ءبىر ميلليون 390 مىڭ ادامدى كەدەيلىكتەن قۇتىلدىرىپ، 1286 كەدەي قىستاقتى كەدەيلىك تىزىمدىگىنەن شەگىندىردى. 2017 - جىلى 470 مىڭ كەدەي بۇقارانى كەدەيلىكتەن قۇتىلدىرىپ، 800 كەدەي قىستاقتى كەدەيلىك تىزىمدىگىنەن شەگىندىرىپ، 7 كەدەي اۋداننىڭ كەدەيلىك قالپاعىن الىپ تاستاپ، شينجياڭنىڭ قوعام ورنىقتىلىعى مەن باياندى تىنىشتىق نەگىزىن ۇزدىكسىز بەكەمدەدى.
  اۆتونوميالى رايون «13 - بەسجىلدىق» كەزىندەگى كەدەيلىكتەن قۇتىلدىرۋدىڭ جاڭا جوباسىن جاسادى: «<13 - بەسجىلدىق> كەزىندەگى اۆتونوميالى رايوننىڭ كەدەيلىكتەن قۇتىلدىرۋدان قامال الۋ جوباسىن»، «وڭتۇستىك شينجياڭ ءوڭىرىن دامىتۋ جانە كەدەيلەردى سۇيەمەلدەۋدەن قامال الۋدى اتقارۋ جوباسىن» جاساپ، كەدەيلىكتەن قۇتىلدىرۋدان قامال الۋدىڭ ءتۇيىندى مىندەتتەرىن، ءتۇيىندى نىساندارىن، سونداي - اق تىرەك بولاتىن كەپىلىن ايقىن تۇراقتاندىرىپ، كەدەيلىكتەن قۇتىلدىرۋدان قامال الۋ ارەكەتىنە جەتەكشىلىك ەتىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدىڭ تاماشا رايىن جەدەل قالىپتاستىردى.
  قازىر تيانشاننىڭ تەرىستىگى مەن تۇستىگىنەن كوپتەگەن اۋىل - قىستاقتىڭ كەدەيلىكتەن قۇتىلىپ، قىستاق تۇرعىندارىنىڭ جۇزىنەن باقىتتى تۇرمىستىڭ قۋانىش لەبى ەسكەنىن كورەسىز.

جاۋاپتى رەداكتور: قابىلقان ايتقابىل ۇلى
جايمالاۋ