中文

جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ جەتىنشى جالپى ءماجىلىسى بەيجيڭدە وتكىزىلدى
جالپى ءماجىلىستى ورتالىق كوميتەتتىڭ ساياسي بيۋروسى باسقاردى
ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى
ءماجىلىس جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىن 18 - قازاندا بەيجيڭدە اشۋدى ۇيعاردى

جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ جەتىنشى جالپى ءماجىلىسى 2017 - جىلى 11 - قازاننان 14 - قازانعا دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى. (شينحۋا اگەنتتىگى)

    جالپى ماجىلىستە شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسى تىڭدالدى جانە تالقىلاندى. جالپى ماجىلىستە پارتيا 18 - كەزەكتى ورتالىق كوميتەتىنىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن بايانداماسى تالقىلاندى جانە ماقۇلداندى، پارتيا 18 - كەزەكتى ورتالىق ءتارتىپ تەكسەرۋ كوميتەتىنىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن قىزمەت بايانداماسى تالقىلاندى جانە ماقۇلداندى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلەتىن نۇسقا)» تالقىلاندى جانە ماقۇلداندى، وسى 3 حۇجاتتى جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنىڭ تەكسەرۋى مەن قاراۋىنا ۇسىنۋ ۇيعارىلدى. شي جينپيڭ پارتيا 18 - كەزەكتى ورتالىق كوميتەتىنىڭ پارتيانىڭ مەملەكەتتىك 19 - قۇرىلتايىنا جاسايتىن بايانداماسىنىڭ تالقى نۇسقاسى جونىندە جالپى ماجىلىسكە تۇسىنىك جاسادى، ليۋ يۇنشان «جۇڭگو كوممۋنيستىك پارتياسىنىڭ ۋستاۆىنىڭ (وزگەرىس ەنگىزىلەتىن نۇسقا)» تالقى نۇسقاسى جونىندە جالپى ماجىلىسكە تۇسىنىك جاسادى
   ءماجىلىس ج ك پ ورتالىق ءتارتىپ تەكسەرۋ كوميتەتىنىڭ سۇن جىڭساي، حۋاڭ شيڭگو، لي ليگو، سۇن حۋايشان، ۋ اييىڭ، سۋ شۋلين، ياڭ حۋاننيڭ، ۋاڭ سانيۇن، شياڭ جۇنبو، لي يۇنفىڭ، ياڭ چۇڭيۇڭ، جاڭ شي - ۋ، مو جيانچىڭداردىڭ تارتىپكە اۋىر قايشىلىق جاساۋ ماسەلەلەرى جونىندەگى قاراۋ - تەكسەرۋ بايانداماسىن قارادى جانە ماقۇلدادى، ج ك پ ورتالىق اسكەري ىستەر كوميتەتىنىڭ ۋاڭ جيانپيڭ، تيان شيۋسىلاردىڭ تارتىپكە اۋىر قايشىلىق جاساۋ ماسەلەلەرى جونىندەگى قاراۋ - تەكسەرۋ بايانداماسىن قارادى جانە ماقۇلدادى


  شينحۋا اگەنتتىگىنىڭ 14 - قازاندا بەيجيڭنەن بەرگەن حابارى. جۇڭگو كوممۋنيستىك پارتياسى 18 - كەزەكتى ورتالىق كوميتەتى جەتىنشى جالپى ءماجىلىسىنىڭ مازمۇنداماسى 
 (جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ جەتىنشى جالپى ماجىلىسىندە 2017 - جىلى 14 - قازان كۇنى ماقۇلداندى)
  جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ جەتىنشى جالپى ءماجىلىسى 2017 - جىلى 11 - قازاننان 14 - قازانعا دەيىن بەيجيڭدە وتكىزىلدى. 
  جالپى ماجىلىسكە ورتالىق كوميتەتتىڭ مۇشەلەرىنەن 191 ادام، ورتالىق كوميتەتتىڭ كانديدات مۇشەلەرىنەن 141 ادام قاتىناستى. ورتالىق ءتارتىپ تەكسەرۋ كوميتەتىنىڭ مۇشەلەرى مەن قاتىستى جاۋاپتى جولداستار ماجىلىسكە سىرتتاي قاتىناستى. 
  جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى. 
  ءماجىلىس جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىن 2017 - جىلى 18 - قازاندا بەيجيڭدە اشۋدى ۇيعاردى. 
  جالپى ماجىلىستە شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسى تىڭدالدى جانە تالقىلاندى. جالپى ماجىلىستە پارتيا 18 - كەزەكتى ورتالىق كوميتەتىنىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن بايانداماسى تالقىلاندى جانە ماقۇلداندى، پارتيا 18 - كەزەكتى ورتالىق ءتارتىپ تەكسەرۋ كوميتەتىنىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن قىزمەت بايانداماسى تالقىلاندى جانە ماقۇلداندى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلەتىن نۇسقا)» تالقىلاندى جانە ماقۇلداندى، وسى 3 حۇجاتتى جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنىڭ تەكسەرۋى مەن قاراۋىنا ۇسىنۋ ۇيعارىلدى. شي جينپيڭ پارتيا 18 - كەزەكتى ورتالىق كوميتەتىنىڭ پارتيانىڭ مەملەكەتتىك 19 - قۇرىلتايىنا جاسايتىن بايانداماسىنىڭ تالقى نۇسقاسى جونىندە جالپى ماجىلىسكە تۇسىنىك جاسادى، ليۋ يۇنشان «جۇڭگو كوممۋنيستىك پارتياسىنىڭ ۋستاۆىنىڭ (وزگەرىس ەنگىزىلەتىن نۇسقا)» تالقى نۇسقاسى جونىندە جالپى ماجىلىسكە تۇسىنىك جاسادى.
  جالپى ماجىلىستە ورتالىق كوميتەت ساياسي بيۋروسىنىڭ پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىنەن بەرگى قىزمەتتەرى تولىق تۇراقتاندىرىلدى. ءبىر اۋىزدان بىلاي دەپ قارالدى: ءبىر جىلدان بەرى، ورتالىق كوميتەتتىڭ ساياسي بيۋروسى جۇڭگوشا سوتسياليزم ۇلى تۋىن بيىك ۇستاپ، پارتيا 18 - قۇرىلتايىنىڭ جانە 18 - كەزەكتى ورتالىق كوميتەتتىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋگە تاباندى بولىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن دايەكتىلەندىرىپ جانە تياناقتاندىرىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قىزمەتتى ورنىقتىلىق بارىسىندا ى−لگەرىلەتۋدەي نەگىزگى اۋەننەن جازباي، ىشكى جانە حالىقارالىق 2 ءىرى جاعدايدى ءبىر تۇتاس جوسپارلاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىن بۇلجىماستان دايەكتىلەندىرىپ جانە تياناقتاندىرىپ، رەفورمادان قامال الۋدى بۇلجىماستان ىلگەرىلەتىپ، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى بۇلجىماستان ىلگەرىلەتىپ، ءتۇرلى حاۋىپ - قاتەر مەن سىن - سىناققا ءونىمدى تۇردە توتەپ بەرىپ، ماكرولىق رەتتەۋ - مەڭگەرۋدى جاڭالاپ جانە كەمەلدەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس جاقسى ىستەپ، سوتسياليستىك ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جاپپاي ىلگەرىلەتىپ، ارميانىڭ رەفورماسى مەن قۇرىلىسىن تەرەڭدەتىپ، شياڭگاڭ، اۋمىن قىزمەتىن جانە تايۋان جونىندەگى قىزمەتتى بەلسەنە جاقسى ىستەپ، جۇڭگوشا ءىرى ەل ديپلوماتياسىن جاپپاي ورىستەتىپ، پارتيانى جاپپاي قاتاڭ جونگە سالۋدىڭ ءتۇرلى قىزمەتىن تىڭعىلىقتى جاقسى ىستەدى، ەكونوميكا ورنىقتى، اقاۋسىز دامىپ، قوعام جاراسىمدى، ورنىقتى بولىپ، پارتيانىڭ مەملەكەتتىك 19 - قۇرىلتايىن اشۋعا تاماشا شارت - جاعداي ازىرلەدى. 
  جالپى ماجىلىستە پارتيا 18 - قۇرىلتايىنان بەرگى 5 جىلداعى قىزمەتتەر قورىتىندىلاندى. ءبىر اۋىزدان بىلاي دەپ قارالدى: وسى 5 جىل − پارتيا مەن مەملەكەتتىڭ دامۋ ۇدەرىسىندەگى وتە وزگەشە 5 جىل بولدى، رەفورما جاساۋ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسىندا تاريحي جەتىستىكتەرگە قول جەتتى. 5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى قيىندىقتى جەڭە قياعا ورلەپ، ءورىس اشا العا ۇمتىلىپ، كونەنىڭ ورنىنا جاڭانى ورناتىپ، مەملەكەتتى كوركەيتۋگە بەل بۋىپ، وراسان زور ساياسي باتىلدىقپەن جانە كۇشتى جاۋاپكەرشىلىكپەن كوپتەگەن جاڭا تاريحي ەرەكشەلىككە يە ۇلى كۇرەس جۇرگىزىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى ورتاعا قويىپ، ءبىر قىدىرۋ ماڭىزدى باعىت - ساياساتتاردى جولعا قويىپ، ءبىر قىدىرۋ كەلەلى شارالار شىعارىپ، ءبىر قاتار ەلەۋلى قىزمەتتەردى ىلگەرىلەتىپ، ۇزاقتان بەرى شەشۋدى ويعا العان، ءبىراق شەشىلمەي كەلگەن كوپتەگەن قيىن ماسەلەلەردى شەشىپ، بۇرىن ىستەۋدى ويعا العان، ءبىراق ىستەلمەي كەلگەن كوپتەگەن ءىرى ىستەردى تىندىرىپ، پارتيا مەن مەملەكەت ىستەرىندە تاريحي وزگەرىستەردىڭ جارىققا شىعۋىن ىلگەرىلەتتى. ەكونوميكالىق قۇرىلىستا ماڭىزدى جەتىستىككە قول جەتىپ، رەفورمانى جاپپاي تەرەڭدەتۋدە ماڭىزدى ىلگەرىلەۋشىلىكتەر بولىپ، دەموكراتيا جانە زاڭمەن جونگە سالۋ قۇرىلىسىندا ماڭىزدى قادام تاستالىپ، يدەيا - مادەنيەت قۇرىلىسىندا ماڭىزدى ىلگەرىلەۋشىلىكتەرگە قول جەتتى، حالىقتىڭ تۇرمىسى ۇزدىكسىز جاقساردى، ەكولوگيالىق وركەنيەت قۇرىلىسىنىڭ ناتيجەسى كورنەكتى بولدى، ارميانى قۇدىرەتتەندىرۋدە، كوركەيتۋدە جاڭا جاعداي اشىلدى، شياڭگاڭ، اۋمىن، تايۋان قىزمەتىندە تىڭ ىلگەرىلەۋشىلىكتەرگە قول جەتتى، جان - جاقتى ديپلوماتيالىق ورنالاستىرۋ تەرەڭدەي ءورىس الدى، پارتيانى جاپپاي قاتاڭ جونگە سالۋدىڭ ناتيجەسى كورنەكتى بولدى. پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى جانە باسشىلىق قۋاتى مەن ۇندەۋ قۋاتى ايتارلىقتاي نىعايىپ، مەملەكەتتىڭ ەكونوميكالىق قۋاتى، عىلىم - تەحنيكالىق قۋاتى، قورعانىس قۋاتى، جالپىلىق قۋاتى، حالىقارالىق ىقپالى جانە حالىقتىڭ تابىس سەزىمى ايتارلىقتاي كۇشەيدى. 5 جىلدان بەرگى جەتىستىكتەر جان - جاقتىلى جانە جاڭالىققا تولى، 5 جىلدان بەرگى وزگەرىستەر تەرەڭ جانە تۇبەگەيلى بولدى. وسى تاريحي جەتىستىكتەر مەن تاريحي وزگەرىستەر ەلىمىزدىڭ دامۋىنىڭ جاڭا تاريحي باستامادا تۇرعاندىعىن بىلدىرەدى، پارتيا مەن مەملەكەت ىستەرىنىڭ دامۋىندا كەلەلى دە تەرەڭ مانگە يە.
  جالپى ماجىلىستە پارتيانىڭ 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەتتەرى قورىتىندىلاندى. ءبىر اۋىزدان بىلاي دەپ قارالدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى ءتارتىپ تەكسەرۋ كوميتەتتەرى پارتيا ۋستاۆى جۇكتەگەن قىزمەت جاۋاپكەرشىلىكتەرىن ادالدىقپەن وتەپ، پارتيانى جاپپاي قاتاڭ جونگە سالۋدى باتىل ىلگەرىلەتىپ، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى ىشكەرىلەي ورىستەتىپ، ورتالىقتىڭ « 8 ءتۇرلى بەلگىلەمەسىنىڭ» رۋحىن مىزعىماستان تياناقتاندىرىپ، ساياسي ءتارتىپ پەن ساياسي قاعيدانى قاتايتىپ، ءار دارەجەلى پارتيا ۇيىمدارىنىڭ پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن تياناقتاندىرۋىن ىلگەرىلەتىپ، شارلاۋدىڭ الماس سەمسەرلىك رولىن ساۋلەلەندىرىپ، ءتارتىپتى كوزدە ۇستاپ، باقىلاۋ، ءتارتىپ اتقارۋدىڭ «4 ءتۇرلى فورماتسياسىن» قولدانىپ، ءتارتىپ تەكسەرۋ مەن مەملەكەتتىك باقىلاۋ - تەكسەرۋ ءتۇزىلىسىنىڭ رەفورماسىن تەرەڭدەتىپ، پارتيانى الاڭسىز ەتەتىن، حالىقتىڭ سەنىمىنە يە ءتارتىپ تەكسەرۋ، باقىلاۋ - تەكسەرۋ كادرلارى قوسىنىن قۇرىپ، باقىلاۋدى، ءتارتىپ اتقارۋدى، جاۋاپقا تارتۋدى ۇزدىكسىز كۇشەيتىپ، جەمقورلىقتىڭ ەتەك جايۋىن باتىل تەجەپ، پارتيانىڭ ىشكى ساياسي ەكولوگياسىن تازارتتى، جەمقورلىققا قارسى كۇرەستىڭ باسىم كۇيى قالىپتاسىپ ۇلگىردى جانە بەكەمدەلدى، دامىدى. 
  جالپى ءماجىلىس پارتيا ۋستاۆىنىڭ ەرەجەلەرى بويىنشا، ورتالىق كوميتەتتىڭ كانديدات مۇشەلەرى سۇي بو، شۋ شياۋچين، ما شۇنچيڭ، ۋاڭ جيانجۇن، لي چياڭ، چىن ۋ، چىن ميڭميڭ، جاۋ ليشيۇڭ، جاۋ شۋسۇڭ، دۋان چۇنحۋا، لوساڭ جياڭسۇندى ورتالىق كوميتەتتىڭ مۇشەلىگىنە تولىقتاۋدى ۇيعاردى. 
  ءماجىلىس ج ك پ ورتالىق ءتارتىپ تەكسەرۋ كوميتەتىنىڭ سۇن جىڭساي، حۋاڭ شيڭگو، لي ليگو، سۇن حۋايشان، ۋ اييىڭ، سۋ شۋلين، ياڭ حۋاننيڭ، ۋاڭ سانيۇن، شياڭ جۇنبو، لي يۇنفىڭ، ياڭ چۇڭيۇڭ، جاڭ شي - ۋ، مو جيانچىڭداردىڭ تارتىپكە اۋىر قايشىلىق جاساۋ ماسەلەلەرى جونىندەگى قاراۋ - تەكسەرۋ بايانداماسىن قارادى جانە ماقۇلدادى، ج ك پ ورتالىق اسكەري ىستەر كوميتەتىنىڭ ۋاڭ جيانپيڭ، تيان شيۋسىلاردىڭ تارتىپكە اۋىر قايشىلىق جاساۋ ماسەلەلەرى جونىندەگى قاراۋ - تەكسەرۋ بايانداماسىن قارادى جانە ماقۇلدادى، ورتالىق كوميتەت ساياسي بيۋروسىنىڭ بۇدان بۇرىن سۇن جىڭساي، حۋاڭ شيڭگو، سۇن حۋايشان، ۋ اييىڭ، سۋ شۋلين، ۋاڭ سانيۇن، شياڭ جۇنبو، ۋاڭ جيانپيڭ، تيان شيۋسى، لي يۇنفىڭ، ياڭ چۇڭيۇڭ، مو جيانچىڭدارعا پارتيادان شىعارۋ جازاسىن، لي ليگو، ياڭ حۋاننيڭدارعا پارتيادا 2 جىل قالدىرىپ بايقاپ كورۋ جازاسىن، جاڭ شي - ۋعا پارتيا ىشىندەگى مىندەتىنەن قالدىرۋ جازاسىن بەرگەنىن تۇراقتاندىردى. 
  جالپى ماجىلىستە مىنالار باسا دارىپتەلدى: پارتيامىز 89 ميلليوننان استام مۇشەسى بار ءىرى پارتيا، ءبىر ميلليارد 300 ميلليوننان استام حالىققا باسشىلىق ەتىپ رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن جۇرگىزىپ وتىرعان بيلىك باسىنداعى پارتيا. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى بولماسا، قاتاڭ ساياسي ءتارتىپ پەن ساياسي قاعيدا بولماسا، ستيلى پاك، سالتى دۇرىس، تاماشا ساياسي ەكولوگيا بولماسا، پارتيا جاسامپازدىق قۋاتىنان، ۇيىستىرۋ قۋاتىنان، جاۋىنگەرلىك قۋاتىنان ايرىلادى، بيلىك جۇرگىزۋ نەگىزى مەن بيلىك جۇرگىزۋ قابىلەتىنەن ايرىلادى، حالىق بۇقاراسىنان بارىنشا قول ۇزەدى، ونىڭ حالىققا باسشىلىق ەتىپ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسىمەن شۇعىلدانۋ سىندى تاريحي ماڭىزدى مىندەتتى ارقالاۋى مۇمكىن ەمەس. بۇكىل پارتيا، ءسوز جوق، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، پارتيا ورتالىق كوميتەتىنىڭ بەدەلىن باتىل قورعاپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا باتىل بويسۇنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋ كەرەك. پارتيانىڭ باسشىلىعىنا، ءسوز جوق، تاباندى بولۋ، دەموكراتيالىق ورتالىقتاندىرۋ تۇزىمىنە تاباندى بولۋ جانە ونى كەمەلدەندىرۋ، پارتيانىڭ ءتۇرلى قىزمەتتەرگە باسشىلىق ەتۋ ءتۇزىلىس - مەحانيزمىنە تاباندى بولۋ، پارتيانىڭ بارلىق قىزمەتكە باسشىلىق ەتۋىنە كەپىلدىك ەتۋ، پارتيانىڭ جالپى جاعدايدى مەڭگەرۋىنە، ءار جاقتى سايكەستىرۋىنە كەپىلدىك ەتۋ كەرەك. ءسوز جوق، پارتيانىڭ نازارياسى مەن لۋشيان، باعىت - ساياساتتارىنا بۇلجىماي تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا اتقارۋ، ءارقانداي جەردىڭ جانە تاراۋدىڭ قىزمەتى، ءسوز جوق، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدى العى شارت ەتۋ كەرەك. پارتيانىڭ ءار دارەجەلى باسشى كادرلارى، اسىرەسە، جوعارى دارەجەلى كادرلارى پارتياعا، ءسوز جوق، ادال بولىپ، جۇرەگىندە پارتيا بولۋعا، جۇرەگىندە حالىق بولۋعا، جۇرەگىندە جاۋاپكەرلىك بولۋعا، جۇرەگىندە تيىم بولۋعا كەپىلدىك ەتۋ، ساياسي جاقتاعى تۇراقتىلىقتى، ءتارتىپ جاقتاعى تۇراقتىلىقتى، ءمورال جاقتاعى تۇراقتىلىقتى، جەمقورلىققا قارسى تۇرۋ جاقتاعى تۇراقتىلىقتى كۇشەيتىپ، پارتيا ورتالىق كوميتەتىنىڭ بەدەلى مەن پارتيانىڭ ىنتىماعىن، ءبىر تۇتاستىعىن سانالى تۇردە قورعاپ، بۇكىل پارتيا ءۇشىن ونەگە كورسەتۋ كەرەك. 
  جالپى ءماجىلىس كەزەكتەگى جاعداي مەن مىندەتتەرگە جان - جاقتى تالداۋ جاساپ، جاڭا جاعدايدا كوپتەگەن جاڭا، تاريحي ەرەكشەلىكتەرگە يە ۇلى كۇرەستەر جۇرگىزۋ، پارتيا قۇرىلىسىندا تىڭ دا ۇلى ينجەنەريالار جۇرگىزۋ، جۇڭگوشا سوتسياليزم ۇلى ىستەرىن ىلگەرىلەتۋ، ۇلتتىڭ گۇلدەنۋى سىندى ۇلى ارماندى جۇزەگە اسىرۋ جونىندەگى كەلەلى ماسەلەلەردى ىشكەرىلەي تالقىلاپ، پارتيانىڭ مەملەكەتتىك 19 - قۇرىلتايىنىڭ اشىلۋىنا تولىق دايىندىق جاسادى.

جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ جەتىنشى جالپى ءماجىلىسى 2017 - جىلى 11 - قازاننان 14 - قازانعا دەيىن بەيجيڭدە وتكىزىلدى. جالپى ءماجىلىستى ورتالىق كوميتەتتىڭ ساياسي بيۋروسى باسقاردى. (شينحۋا اگەنتتىگى)

جاۋاپتى رەداكتور: قابىلقان ايتقابىل ۇلى
جايمالاۋ