中文

ءادىليا ءتۇزىلىسىن رەفورمالاۋ جونىندە اڭگىمە ءماجىلىس اشىلدى

اۆتونوميالى رايوندىق حالىق قۇرىلتايى تۇراقتى كوميتەتىنىڭ تەكسەرۋ- زەرتتەۋ گرۋپپاسىنداعىلار كەشە ايماقتىق ورتا حالىق سوتى مەكەمەسى مەن بولىمشە پروكۋراتۋرانىڭ ءادىليا تۇزىلىسى رەفورماسىن ىلگەرىلەتۋ قىزمەت احۋالىن تەكسەرىپ- زەرتتەدى ءارى اڭگىمە ءماجىلىس اشىپ، سوت مەكەمەسى مەن پروكۋراتۋرانىڭ ءادىليا ءتۇزىلىسى رەفورماسىن تەرەڭدەتۋ قىزمەتىن تاپتەشتەي سۇراپ ۇعىستى.

اڭگىمە ماجىلىستە ايماقتىق ورتا حالىق سوتى مەكەمەسىنىڭ. ايماقتىق بولىمشە پروكۋراتۋرانىڭ، ايماقتىق حالىق قۇرىلتايى قىزمەت كوميتەتى زاڭ- ءتۇزىم باسقارماسىنىڭ قاتىستى جاۋاپتىلارى ءادىليا تۇزىلىسى رەفورماسىن تەرەڭدەتۋدەگى قىزمەت احۋالى جونىندە جەكە-جەكە مالىمەت جاسادى. اۆتونوميالى رايوندىق حالىق قۇرىلتايى تۇراقتى كوميتەتى تەكسەرۋ- زەرتتەۋ گرۋپپاسىنىڭ باستىعى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەسى ءابدىسالام ومار مالىمەتتى تىڭداعاننان كەيىن التاي ايماعىنىڭ حالىق سوتى مەكەمەسى مەن بولىمشە پروكۋراتۋرانىڭ ءادىليا ءتۇزىلىسى رەفورماسىن تەرەڭدەتۋدەگى ناتيجەلەرىنە وڭ باعا بەردى ءارى مىنانى ءبىلدىردى: التاي ايماقتىق ورتا حالىق سوتى مەكەمەسى مەن بولىمشە پروكۋراتۋرا قىزمەت ونىمدىلىگىن اناعۇرلىم جوعارلاتىپ، قوعام ورنىقتىلىعى مەن باياندى تىنىشتىعىن پارمەندى قورعاپ، ەكونوميكانىڭ دامۋىن جەبەپ، باس نىسانانى ىسكە اسىرۋدى ءادىليالىق جاقتان قامتاماسىز ەتتى. اڭگىمە ءماجىلىس اشۋ ارقىلى التاي ايماعىنىڭ ءادىليا تۇزىلىسى رەفورماسىن، جولىققان قيىنشىلىقتارى مەن نەگىزگى ساتىنىڭ تالابىن تاپتەشتەي ۇعىسىپ، اۆتونوميالى رايوننىڭ ويداعىداي جوبا جاساپ، ءادىليا تۇزىلىسى رەفورماسىن نىق قاداممەن ىلگەرلەتۋ جولىندا نەگىزدىك قىزمەتتەردى ايتارلىقتاي ىستەپ، پارتيا 19- قۇرىلتايىنىڭ تابىستى اشىلۋى قارساڭىندا ءادىليا تۇزىلىسى رەفورماسىنىڭ نەگىزگى مىندەتتەرىن شىنايى تياناقتاندىرۋعا كەپىلدىك ەتۋ كوزدەلدى.

ءابدىسالام ومار مىنانى باسا دارىپتەدى: التاي ايماقتىق ورتا حالىق سوتى مەكەمەسى مەن بولىمشە پروكۋراتۋرا جوعارى دارەجەلى حالىق سوت مەكەمەسى مەن پروكۋراتۋرانىڭ، سونداي-اق ايماقتىق پارتكومنىڭ پارمەندى قولداۋىندا، وزىق تاجىريبەلەر مەن ءونىمدى شارالاردى ىرىقتىلىقپەن ۇيرەنىپ، ءىس جۇزىندىك جاعدايعا ۇشتاستىرىپ، اتقارۋ جوباسى مەن قاتىستى سايكەستى شارالاردى شىعارۋى كەرەك، سونىمەن بىرگە اۆتونوميالى رايوندىق حالىق قۇرىلتايى تۇراقتى كوميتەتىنىڭ تەكسەرۋ- زەرتتەۋ گرۋپپاسى قىزمەت تاجىريبەلەرىن مۇقيات قورتىندىلاپ، التاي ايماقتىق ورتا حالىق سوتى مەكەمەسى مەن بولىمشە پروكۋراتۋرانىڭ ءادىليا تۇزىلىسى رەفورماسىن تەرەڭدەتۋ بارىسىندا جولىققان ماسەلەلەرى مەن ورتاعا قويعان ۇسىنىستارىن بەلسەنە اڭىس ەتىپ، ءادىليا تۇزىلىسى رەفورماسىن جاپپاي ىلگەرىلەتۋ ءۇشىن بەرىك نەگىز قالاۋعا قۇلشىنادى.

اۋدارعان: توقتاربەك

جاۋاپتى رەداكتور: قابىلقان ايتقابىل ۇلى
جايمالاۋ