中文

قۇرىلتاي قارساڭىندا قۋانىشقا تولى قيمىلدار وتكىزىلدى

پارتيا 19- قۇرىلتايىنىڭ سالتاناتپەن اشىلۋىنا ساناۋلى كۇن قالعان شاقتاردا ايماعىمىزدىڭ جەر-جەرىندەگى بۇقارا ءان ايتىپ، ءبي بيلەپ، كونسەرت دايىنداپ، پارتيا 19- قۇرىلتايىنىڭ اشىلۋىنا شاتتانا دايىندالدى.

التاي قالاسى ءابيتان قالاشىعىنىڭ اق ارال قىستاعىنداعى شارۋالار ءان ايتىپ، ءبي بيلەپ پارتيا 19-قۇرىلتايىنا شاتتانا دايىندالدى. مول مازمۇندى كونسەرت نومىرلەرى ارقىلى پارتيا ورتالىق كوميتەتىنە دەگەن العىستى كوڭىل-كۇيلەرىن ءبىلدىردى.

قيمىل ورىستەتىلگەن جەردە شارۋالار پارتيا 19-قۇرىلتايىنىڭ تابىستى اشىلۋىنا تىنىش تا جاراسىمدى قوعامدىق ورتا قالىپتاستىرۋ ءۇشىن وتاندى جىرلاۋ مازمۇنىنداعى اندەر ايتىپ، ولەڭ وقىپ، ارقان تارتۋ، جىپتەن سەكىرۋ سەكىلدى دەنەتاربيە قيمىلدارىنا قاتىناستى.

قابا اۋدانىنداعىلار «پارتيا 19-قۇرىلتايىنا شاتتانا دايىندالۋ، جۇڭگو ارمانىن بىرگە ورىنداۋ» تاقىرىبىنداعى ارناۋلى كونسەرتكە جابال دايىندالۋدا. جاتتىعۋ بارىسىندا ونەرپازدار مەن قىزمەتكەرلەر وقىتۋشىلار ۇيرەتكەن ءار ءبىر ارەكەتتى كوتەرىڭكى رۋحپەن دەن قويا ورىندادى. ارناۋلى كونسەرت «پارتيا 19- قۇرىلتايىنا شاتتانا دايىندالۋ، جاڭا ساپارعا اتتانۋ» اتتى تاقپاق، «وتان جاساسىن» اتتى ەر-ايەل قوس داۋىستى ءانى، «بۇرىلىس» اتتى كومەديا، ۇلتتىق مۋزيكا اسپاپتارمەن ورىندالعان «جۇڭگو كوممۋنيستىك پارتياسى جاساسىن» اتتى وركەستىر سەكىلدى كونسەرت نومىرلەرىنەن قۇرالدى.

كونسەرت پارتيا 18- قۇرىلتايىنان بەرى قابا اۋدانىندا تۋىلعان ەلەۋلى وزگەرىستەردى، قول جەتكەن جەتىستىكتەردى جانە اۋدانداعى ءار ۇلت حالقىنىڭ پارتيا 19- قۇرىلتايىنا شاتتانا دايىندالۋ، جۇڭحۋا ۇلتىنىڭ ۇلى گۇلدەنۋى سىندى جۇڭگٶ ارمانىن بىرگە ورىنداۋداعى بەرىك سەنىمى مەن تاماشا رۋحاني بەينەسىن ايگىلەدى.

بارلىق ادام پارتيا 19-قۇرىلتايىنا شاتتانا دايىندالۋدا. التاي قالاسى ىنتىماق ءمالىسىنىڭ ءىس باسقارماسىندا الەۋمەتتىك اۋماق تۇرعىندارى اسەرلى مۋزيكا، تارتىمدى ءبي ارقىلى الەۋمەتتىك اۋماق تۇرعىندارىنىڭ اقاۋسىز دا جاراسىمدى وركەنيەتتى جاڭا سالتىن بەينەلەدى.

التاي قالاسىنىڭ تۇرعىنى: قارتايسام دا تاماشا ورتادا كۇن سايىن ءبي بيلەپ كوڭىلدى تۇرمىس كەشىرىپ جاتىرمىن، بۇل باس شۋجي شي جينپيڭنىڭ كوڭىل ءبولۋى مەن قامقورلىعىنىڭ ارقاسى.

التاي قالاسىنىڭ تۇرعىنى: پويەز، ۇشاق قاتىناپ قاتىناس شارت-جاعدايمىز جاقسارىپ، باقىتتى تۇرمىس كەشىرىپ جاتىرمىز.

اۋدارعان: شىعىسگۇل

 

جاۋاپتى رەداكتور: قابىلقان ايتقابىل ۇلى
جايمالاۋ