中文

شينجياڭدا ءۇش جىل ىشىندە 15 جىلدىق وقۋ – اعارتۋ نەگىزىنەن جالپىلاستىرىلادى

باي جيالي، اينۇر

 شينجياڭدا جۋىردا «شينجياڭ ۇيعۇر اۆتونوميالى رايونىنىڭ وقۋ – اعارتۋ ىستەرىن دامىتۋداعى ‹13 – بەسجىلدىق› جوسپارى» جاريالاندى، جوسپار بويىنشا 2020 – جىلعا دەيىن، اۆتونوميالى رايون بويىنشا 15 جىلدىق وقۋ – اعارتۋ نەگىزىنەن جالپىلاستىرىلىپ، وقۋ – اعارتۋدى وسىزامانداندىرۋ نەگىزىنەن ىسكە اسىرىلادى ءارى «جىبەك جولى ەكونوميكالىق بەلدەۋىندەگى» ماڭىزدى وڭىرلىك وقۋ – اعارتۋ ورتالىعىن قۇرۋعا كۇش سالادى.

ءتىلشىنىڭ اۆتونوميالى رايوندىق وقۋ – اعارتۋ مەڭگەرمەسىنەن ۇعىسۋىنشا، جوسپاردا بىلاي دەلىنگەن: 2020 – جىلعا بارعاندا، شينجياڭدا وقۋعا ءتۇسۋ الدىندا ءۇش جىل تەگىن تاربيەلەۋ جاپپاي جالپىلاستىرىلىپ، جالپى قابىلداۋ دەڭگەيى %98تەن جوعارى بولادى؛ مىندەتتى وقۋ – اعارتۋ كەزەڭىندەگى مەكتەپتەردە وقىتۋ شارت – جاعدايى ولشەمدى دەڭگەيگە جەتكىزىلىپ، توعىز جىلدىق مىندەتتى وقۋ – اعارتۋدى بەكەمدەۋ مولشەرى %95كە جەتكىزىلەدى، وقۋدان قول ءۇزۋ احۋالى بۇكىلدەي جويىلادى؛ تولىق ورتا كەزەڭىندەگى وقۋ – اعارتۋ جالپىلاستىرىلىپ، جالپى قابىلداۋ دەڭگەيى %90كە جەتكىزىلەدى؛ وسىزامانعى كاسىپتىك وقۋ – اعارتۋدى دامىتۋ قادامى جەدەلدەتىلىپ، شينجياڭدىق ەرەكشەلىككە يە وسىزامانعى كاسىپتىك وقۋ – اعارتۋ جۇيەسى نەگىزىنەن قالىپتاستىرىلادى؛ جوعارى مەكتەپتەردى ورنالاستىرۋ مەن ءپان – كاسىپتەر اناعۇرلىم كەمەلدەندىرىلەدى، جوعارى مەكتەپتەرگە جالپى قابىلداۋ مولشەرى %40كە جەتكىزىلەدى.

ءۇش جىلدان كەيىن، شينجياڭدا وقۋعا ءتۇسۋ الدىنداعى جانە مىندەتتى وقۋ – اعارتۋ كەزەڭىندەگى قوس ءتىل وقۋ – اعارتۋىمەن قامتۋ دەڭگەيى %100كە جەتكىزىلەدى، از ۇلت وقۋشىلارى مەملەكەت ءتىلى مەن جازۋىن نەگىزىنەن مەڭگەرەدى جانە پايدالانادى؛ ءۇش تۇردەگى مۇگەدەك بالالار مەن وسپىرىمدەردى مىندەتتى وقۋ – اعارتۋعا جالپى قابىلداۋ مولشەرى %90تەن جوعارى بولادى؛ نەگىزگى ەڭبەككۇش جان سانىنىڭ ءبىلىم الۋ دەڭگەيى ورتا ەسەپپەن 11 جىلعا جەتكىزىلەدى، جاڭادان قوسىلاتىن ەڭبەككۇشتەردىڭ ءبىلىم الۋ دەڭگەيى ورتا ەسەپپەن 13 جىلعا جەتكىزىلەدى.

جاۋاپتى رەداكتور: جانار قاناپيا قىزى
جايمالاۋ