中文

ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «وقۋ - اعارتۋ ءتۇزىلىسى، مەحانيزمى رەفورماسىن تەرەڭدەتۋ جونىندەگى پىكىردى» باسىپ تاراتتى

ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «وقۋ - اعارتۋ ءتۇزىلىسى، مەحانيزمى رەفورماسىن تەرەڭدەتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىككە بىرلەستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

«پىكىردە» مىنالار اتاپ كورسەتىلدى: پارتيا مەن مەملەكەت وقۋ - اعارتۋ قىزمەتىنە ايرىقشا ءمان بەرىپ كەلەدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وقۋ - اعارتۋدى الدىمەن دامىتىلاتىن ستراتەگيالىق ورىنعا قويۋدا تاباندى بولىپ، وقۋ - اعارتۋ سالاسىنىڭ جالپىلىق رەفورماسىن جاپپاي تەرەڭدەتىپ، ءبىر توپ بەلەستىك، جەتەكشىلىك سيپات الاتىن رەفورما شارالارىندا كورنەكتى ناتيجەگە قول جەتكىزىپ، وقۋ - اعارتۋدىڭ الەۋمەتتىك قىزمەت كورسەتۋ دەڭگەيىن جانە وقۋ - اعارتۋدى جونگە سالۋ قۋاتىن ۇزدىكسىز جوعارىلاتىپ، جۇڭگوشا سوتسياليستىك وقۋ - اعارتۋ ءتۇزىم جۇيەسىن اناعۇرلىم كەمەلدەندىردى، ەلىمىزدىڭ وقۋ - اعارتۋىنىڭ جالپىلىق دامۋ ورەسى الەمدىك ورتاشا دەڭگەيدەن جوعارى ساناتقا قوسىلىپ، ءبىر ميلليارد 300 ميلليوننان استام حالىقتى اناعۇرلىم جاقسى، اناعۇرلىم ءادىل وقۋ - اعارتۋدان يگىلىكتەندىرىپ، ەكونوميكاعا بۇرىلىس جاساۋعا، عىلىم - تەحنيكادا جاڭالىق اشۋعا، مادەنيەتتى كوركەيتۋگە، حالىق تۇرمىسىن جاقسارتۋعا، قوعام جاراسىمدىلىعىنا پارمەندى تىرەك ازىرلەپ، جۇڭگوشا سوتسياليستىك وقۋ - اعارتۋ سەنىمىن ۇزدىكسىز كۇشەيتتى.

«پىكىردە» مىنالار اتاپ كورسەتىلدى: قازىر ەلىمىزدىڭ وقۋ - اعارتۋ رەفورماسى، دامۋى جاڭا كەزەڭگە اياق باستى. وقۋ - اعارتۋ ءتۇزىلىسى، مەحانيزمى رەفورماسىن تەرەڭدەتۋدىڭ جەتەكشى يدەياسى: پارتيا 18 - قۇرىلتايىنىڭ جانە ج ك پ 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، «بەستى ءبىر تۇلعالاندىرۋ» جالپى ورنالاستىرۋىن ءبىر تۇتاس جوسپارلاۋدى، ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، جاڭا دامۋ ۇستانىمىن بەرىك ورناتىپ جانە دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات تياناقتاندىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، وقۋ - اعارتۋ جاعىنان حالىققا قىزمەت كورسەتۋگە، جۇڭگو كوممۋنيستىك پارتياسىنىڭ ەل باسقارۋىنا قىزمەت كورسەتۋگە، جۇڭگوشا سوتسياليستىك ءتۇزىمدى بەكەمدەۋگە جانە دامىتۋعا قىزمەت كورسەتۋگە، رەفورما جاساپ، ەسىك اشۋعا جانە سوتسياليستىك وسىزامانداندىرۋ قۇرىلىسىنا قىزمەت وتەۋدە تاباندى بولىپ، وقۋ - اعارتۋدىڭ كەشەندى رەفورماسىن جاپپاي تەرەڭدەتىپ، ساپا وقۋ - اعارتۋىن جاپپاي اتقارىپ، ءمورالدى ادام باۋلۋ ءتۇبىرلى مىندەتىن جاپپاي تياناقتاندىرىپ، ادام تاربيەلەۋ ءتاسىلى، مەكتەپ باسقارۋ ۇلگىسى، باسقارۋ ءتۇزىلىسى، قامتاماسىز ەتۋ مەحانيزمى رەفورماسىن جۇيەلى ىلگەرىلەتىپ، ءار دارەجەلى، ءار ءتۇرلى وقۋ - اعارتۋدىڭ وقۋ - اعارتۋ زاڭدىلىعىنا ونان ارى ۇيلەسۋىنە، دارىندىلاردى جەتىلدىرۋ زاڭدىلىعىنا ونان ارى ۇيلەسۋىنە، ادامداردىڭ جاپپاي دامۋىن ونان ارى جەبەۋىنە مۇمكىندىك جاساپ، احىلاق، اقىل - وي، دەنە، ەستەتيكا جاقتارىنان جاپپاي جەتىلگەن سوتسياليستىك قۇرىلىسشىلار مەن ءىزباسارلاردى تاربيەلەۋگە كۇش سالىپ، «ەكى 100 جىلدىق» كۇرەس نىساناسىن، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەرىك نەگىز قالاۋ.

جاۋاپتى رەداكتور: جانار قاناپيا قىزى
جايمالاۋ