中文

12 جوعارى مەكتەپتىڭ شينجياڭ ۋنيۆەرسيتەتىنە باعىتتامالى كومەكتەسۋ قىزمەتى ءماجىلىسى اشىلدى

21 - قىركۇيەك تۇستەن بۇرىن، شينجياڭ ۋنيۆەرسيتەتىنە باعىتتامالى كومەكتەسەتىن 12 جوعارى مەكتەپتىڭ 2017 - جىلدىق قىزمەت ءماجىلىسى اشىلدى. ماجىلىستە باعىتتامالى كومەكتەسۋ قىزمەتىنىڭ ناتيجەلەرى مەن تاجىريبەلەرى قورىتىندىلانىپ، مۇنان كەيىنگى قىزمەتتىڭ وي جەلىسى مەن ءتۇيىندى مىندەتتەرى جونىندە زەرتتەۋ جۇرگىزىلىپ، جوسپار جاسالدى.

اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.

لي پىڭشين شينجياڭ ۋنيۆەرسيتەتىنە باعىتتامالى كومەكتەسەتىن ىشكى ولكەلەردەگى 12 جوعارى مەكتەپتەن كەلگەن جاۋاپتى جولداستارعا شينجياڭنىڭ رايون جاعدايى مەن ورنىقتىلىق، دامۋ جاعدايىن تانىستىردى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايونىمىز باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، ورنىقتىلىق، دامۋ قىزمەتتەرىن ءبىر تۇتاس ىلگەرىلەتتى، قوعامنىڭ جالپى جاعدايى جاراسىمدى، ورنىقتى بولىپ، ەكونوميكا ورنىقتى اقاۋسىز دامىدى، ءار ۇلت بۇقاراسىنىڭ تۇرمىسى ۇزدىكسىز جاقساردى، وقۋ - اعارتۋ، وتە - موتە، مەملەكەت ءتىلى وقۋ - اعارتۋى تاريحي ىلگەرىلەۋشىلىككە قول جەتكىزدى. بۇل ناتيجەلەردى پارتيا ورتالىق كوميتەتىنىڭ پارمەندى باسشىلىعىنان، ىشكى ولكەلەردەگى ولكە، قالالاردىڭ قالتقىسىز كومەگى مەن بارىنشا قولداپ - قۋاتتاۋىنان، شينجياڭعا كومەكتەسكەن قالىڭ كادرلاردىڭ قالتقىسىز ۇلەسى مەن قاجىرلى قۇلشىنىسىنان بولە قاراۋعا بولمايدى. ول اۆتونوميالى رايوندىق پارتكوم، ۇكىمەت اتىنان وقۋ - اعارتۋ مينيسترلىگىنىڭ جانە 12 جوعارى مەكتەپتىڭ ۇزاق ۋاقىتتان بەرى شينجياڭداعى جوعارى مەكتەپتەرگە كورسەتكەن پارمەندى قولداۋى مەن قالتقىسىز كومەگىنە شىنايى العىس ايتتى.

لي پىڭشين مىنالاردى اتاپ كورسەتتى: ۇزاق ۋاقىتتان بەرى، چيڭحۋا ۋنيۆەرسيتەتى، شي - ان قاتىناس ۋنيۆەرسيتەتى، جۇڭنان ۋنيۆەرسيتەتى سياقتى ىشكى ولكەلەردەگى 12 جوعارى مەكتەپ وسكەلەڭ ساياسي سانالىلىقپەن جانە جاۋاپكەرلىكپەن باعىتتامالى كومەكتەسۋ قىزمەتىن تىڭعىلىقتى ىستەپ، شينجياڭداعى جوعارى دارەجەلى وقۋ - اعارتۋدىڭ دامۋىن، وتە - موتە، شينجياڭ ۋنيۆەرسيتەتىنىڭ دامۋىن جەبەۋگە ءتيىستى ۇلەستەرىن قوستى. وقۋ - اعارتۋ مينيسترلىگى 2001 - جىلى باتىس بولەك وڭىرلەردەگى جوعارى مەكتەپتەرگە باعىتتامالى كومەكتەسۋ جوسپارىن باستاعاننان بەرى، باعىتتامالى كومەكتەسەتىن جوعارى مەكتەپتەر باعىتتامالى كومەكتەسۋ قىزمەت مەحانيزمىن ۇزبەي كەمەلدەندىردى، شينجياڭ ۋنيۆەرسيتەتىنە اناعۇرلىم دالمە - ءدال قولداۋ كورسەتىپ، كومەكتەسۋ ونىمدىلىگىن كورنەكتى جوعارىلاتىپ، شينجياڭ ۋنيۆەرسيتەتىنىڭ ءپان قۇرىلىسى ورەسىن تىڭ ساتىعا كوتەردى. سونىمەن، مەملەكەتتىڭ «قوس ماڭداي الدى» ۋنيۆەرسيتەت قۇرىلسى قاتارىنا ەنگىزىلدى.

لي پىڭشين مىنالاردى باسا دارىپتەدى: شينجياڭ ۋنيۆەرسيتەتى دامۋداعى تۇلعالىق جاۋاپكەرلىگىن كۇشەيتىپ، مەكتەپتەر ارا سەلبەستىكتى تەرەڭدەتىپ، وقۋ - اعارتۋ ارقىلى شينجياڭعا كومەكتەسۋ ساياساتى مەن بايلىعىنىڭ ەڭ زور ونىمدىلىگىن تولىق ساۋلەلەندىرىپ، ءپان قۇرىلىسى، وقىتۋشىلار قوسىنى، عىلمي زەرتتەۋ، جاڭالىق اشۋ، مەكتەپ باسقارۋ سياقتى جاقتارداعى قابىلەتى مەن ورەسىن ۇزدىكسىز جوعارىلاتىپ، «قوس ماڭداي الدى» قۇرىلىسىن جەدەل ىلگەرىلەتىپ، شينجياڭ ۋنيۆەرسيتەتىن «باتىس وڭىردەگى وزىق، ورتا ازياداعى ماڭداي الدى، حالىقارادا اتاقتى، ەرەكشەلىگى ايقىن» جوعارى ورەلى ۋنيۆەرسيتەت ەتىپ قۇرۋ شىعۋى كەرەك. ىشكى وڭىرلەردەگى جوعارى مەكتەپتەردىڭ شينجياڭنىڭ جوعارى دارەجەلى وقۋ - اعارتۋىنىڭ دامۋىنا بۇرىنعىداي كوڭىل ءبولۋىن، ءمان بەرۋىن جانە قولداۋ كورسەتۋىن، شينجياڭنىڭ جوعارى دارەجەلى وقۋ - اعارتۋىنىڭ دامۋىنا ۇلەس قوسىپ، كۇش ۇستەۋىن ءۇمىت ەتەمىن.

ماجىلىستە چيڭحۋا ۋنيۆەرسيتەتىنىڭ، شي - ان قاتىناس ۋنيۆەرسيتەتىنىڭ جانە جۇڭنان ۋنيۆەرسيتەتىنىڭ جاۋاپتىلارى 12 جوعارى مەكتەپ اتىنان ءسوز سويلەدى ءارى 12 جوعارى مەكتەپتىڭ شينجياڭ ۋنيۆەرسيتەتىنىڭ ءپان قۇرىلىسىنا باعىتتامالى كومەكتەسۋ قىزمەتىنىڭ جالپى كەلىسىمى مەن ءپان قۇرىلىسىنا كومەكتەسۋ كەلىسىمىنە قول قويدى.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى.

جاۋاپتى رەداكتور: جانار قاناپيا قىزى
جايمالاۋ