中文

اۆتونوميالى رايوندىق 5-كەزەكتى بالالار قوس ءتىل جارىسىنىڭ سيلىق تاراتۋ سالتى وتكىزىلدى

30-قىركۇيەك، اۆتونوميالى رايوندىق پارتكومنىڭ ۇگىت ءبولىمى مەن اۆتونوميالى رايوندىق وقۋ-اعارتۋ مەڭگەرمەسى، ءتىل-جازۋ كوميتەتى (اۋدارما مەكەمەسى)، اقپارات-باسپا ءسوز راديو-تەلەۆيزيا مەكەمەسى بىرلەسىپ وتكىزگەن 2017-جىلعى «شۇنفەي ساۋىتى» اۆتونوميالى رايوندىق 5-كەزەكتى بالالار قوس ءتىل جارىسىنىڭ سيلىق تاراتۋ سالتى شينجياڭ تەلەۆيزيا ستانسياسىندا وتكىزىلدى.

سيلىق تاراتۋ سالتى «قوس ءتىلدى جاقسى ۇيرەنىپ، بولاشاق جاراتايىق» تاقىرىبىندا بولىپ، العى ءسوز، وقۋ الدىنداعى گرۋپپا، باستاۋىش تومەنگى جىلدىق گرۋپپاسى، باستاۋىش جوعارى جىلدىق گرۋپپاسى، سوڭعى ءسوز قاتارلى گرۋپپالار ءان-ءبي، كومەديا، ولەڭ وقۋ، تەاتر ويىنى قاتارلى باي مازمۇندى كوركەمونەر ويىندارىمەن، رايونىمىزدىڭ قوس ءتىل وقۋ-اعارتۋىنىڭ، اسىرەسە، اۋىل-قىستاقتارداعى وقۋ الدىندا ءۇش جىل اقىسىز قوس ءتىل وقۋ-اعارتۋ حالىققا تيىمدىلىك جاساۋ ينجەنەرياسىنىڭ مول جەتىستىكتەرىن ايگىلەدى.

«قوس ءتىل جارىسى ساحناسىندا مەن كوپتەگەن ءار ۇلت دوستارمەن تانىسىپ، ولارمەن بىرلىكتە مەملەكەت ءتىلىن ۇيرەندىم، وتە كوڭىلدىمىن، كەلەر جىلى جانە قاتىناسامىن»، -دەدى سيلىق تاراتۋ سالتىندا كۇچار اۋدانى ءۇش وستەڭ اۋىلى ءپايزاۋات قىستاعى قوس ءتىل بالالار باقشاسىنداعى رايلا قۇربان تەبىرەنە. بۇل رەتكى جارىستا، ول وقۋ الدىنداعى گرۋپپانىڭ ءبىرىنشى دارەجەسىن ەنشىلەدى.

ۇعىسۋعا قاراعاندا، 2017-جىلعى «شۇنفەي ساۋىتى» اۆتونوميالى رايوندىق 5-كەزەكتى بالالار قوس ءتىل جارىسى ءساۋىر ايىنىڭ سوڭىندا باستالىپ، رايونىمىزدان جالپى جيىنى 1 ميلليون 50 مىڭنان استام ءار ۇلت بالالار باقشاسىنىڭ وقۋشىلارى مەن باستاۋىش مەكتەپ وقۋشىلارى قاتىناسقان، (بۇندا وقۋ الدىنداعى بالالار 480 مىڭ، باستاۋىش مەكتەپ وقۋشىلارى 570 مىڭ وقۋشى قاتىناسقان)، جارىسقا قاتىناسقان وقۋشىلار سانى تاريحتان بەرى ەڭ جوعارى شەككە جەتىپ، قاتىناسۋ ىقپالى بۇرىن بولماعان دارەجەدە زور بولدى، «اي سايىن جارىس وتكىزۋ، بارلىق ادام جارىسقا قاتىناسۋ» جالپى تۇلعالىق نىساناسىن جۇزەگە اسىردى. العاشقى جارىس، ارالىق جارىس، شەشۋشى جارىس قاتارلى باسقىش بويىنشا وتكىزىلىپ، ءارقايسى جارىس كەزەڭى، ءار ۇلت تىلىندە جالپى جيىنى 61 وقۋشى قاتىناستى، 61 وقۋشىنىڭ جەتەكشى مۇعالىمدەرى دە سيلاندى. جارىستا جانە ءبىر توپ ۇزدىك جەكەلەر مەن كوللەكتيۆتەر سيلاندى.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوندىق پارتكومنىڭ وقۋ - اعارتۋ قىزمەت كوميتەتىنىڭ ورىنباسار شۋجيى ەركىن تۇنياز وقۋ-اعارتۋ سالاسىنداعى 500 وقىتۋشى-وقۋشىلارمەن بىرگە سيلىق تاراتۋ سالتىن تاماشالادى.

 

جاۋاپتى رەداكتور:
جايمالاۋ