中文

رايونىمىز «جوعارى مەكتەپتەردەن وقۋ تاۋىسقان وقۋشىلاردى نەگىزگى ساتىعا بارىپ قىزمەت ىستەۋگە ۇزدىكسىز جەتەلەۋ جانە ىنتالاندىرۋ جونىندەگى اتقارۋ پىكىرىن» شىعاردى

كوپ ءتۇرلى شارا ارقىلى جوعارى مەكتەپتەردەن وقۋ تاۋىسقان وقۋشىلاردى نەگىزگى ساتىعا تامىر تارتۋعا جەتەكتەيىك، ىنتالاندىرايىق

«جوعارى مەكتەپتەردەن وقۋ تاۋىسقان وقۋشىلاردى نەگىزگى ساتىعا بارىپ قىزمەت ىستەۋگە ۇزدىكسىز جەتەلەۋ جانە ىنتالاندىرۋ، جوعارى مەكتەپتەردەن وقۋ تاۋىسقان وقۋشىلاردىڭ نەگىزگى ساتىنىڭ ەكونوميكالىق، قوعامدىق دامۋىن جەبەۋدەگى رولىن ساۋلەلەندىرۋ ءۇشىن اۆتونوميالى رايوندىق پارتكومنىڭ ۇيىمداستىرۋ ءبولىمى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تاياۋدا «جوعارى مەكتەپتەردەن وقۋ تاۋىسقان وقۋشىلاردى نەگىزگى ساتىعا بارىپ قىزمەت ىستەۋگە ۇزدىكسىز جەتەلەۋ جانە ىنتالاندىرۋ جونىندەگى اتقارۋ پىكىرىن» (تومەندە قىسقارتىلىپ «پىكىر» دەلىندى) شىعارىپ، جوعارى مەكتەپتەردەن وقۋ تاۋىسقان وقۋشىلاردىڭ نەگىزگى ساتىعا بارىپ قىزمەت ىستەۋىنە تۇعىر ازىرلەپ، قامتاماسىز ەتتى.

«پىكىردە» مىنالار العا قويىلدى: كوپ ءتۇرلى ارنالارمەن نەگىزگى ساتىنىڭ جۇمىس ورىندارىن اشىپ، قالا - قالاشىقتاندىرۋ بارىسىمەن جانە الەۋمەتتىك قىزمەت كورسەتۋدى بىركەلكىلەندىرۋ تالابىمەن ۇشتاستىرىپ، نەگىزگى ساتىنىڭ الەۋمەتتىك باسقارۋ جانە قىزمەت كورسەتۋ سالاسىنىڭ جۇمىسقا ورنالاستىرۋ كومەسكى كۇشىن تولىق اشىپ، جوعارى مەكتەپتەردەن وقۋ تاۋىسقان وقۋشىلارعا ۇيلەسەتىن جۇمىس ورنىن كوپتەپ ازىرلەۋ كەرەك. جوعارى مەكتەپتەردەن وقۋ تاۋىسقان وقۋشىلاردى كاسىپورىندارعا بارىپ جۇمىسقا ورنالاسۋ بويىنشا پراكتيكا جاساپ، تەحنيكالىق شەبەرلىك دەڭگەيىن وسىرۋگە ىنتالاندىرۋ، پراكتيكا كەزىندەگى تۇرمىستىق كومەك قاراجاتى مەن جاردەماقىنى ويداعىداي تياناقتاندىرۋ؛ جۇمىسسىز قالعانىنا ءۇرتىس ءبىر جىلدان اسقان، ارحيۆ تۇرعىزىلىپ، كارتچكالاستىرىلعان كەدەي وتباسىلارىنداعى جوعارى مەكتەپتەردەن وقۋ تاۋىسقان وقۋشىلار مەن ىشكى ولكەلەردەگى جوعارى مەكتەپتەردەن وقۋ تاۋىسقان، ءالى جۇمىسقا ورنالاسا الماعان وڭتۇستىك شينجياڭنىڭ 3 ايماق، ءبىر وبلىسىنداعى وتباسىندا قيىنشىلىعى بار، جۇمىسقا ورنالاسۋى قيىن از ۇلت وقۋشىلارىنا باعىتتاپ، الەۋمەتتىك يگىلىك سيپاتىنداعى جۇمىس ورنىن لايىقتى ازىرلەپ، ەڭ تومەنگى تۇرمىسىن قامتاماسىز ەتىپ ورنالاستىرۋ كەرەك.

«پىكىردە» مىنالار ايقىندالدى: جوعارى مەكتەپتەردەن وقۋ تاۋىسقان وقۋشىلار كەدەي قىستاقتارعا بارىپ، كەدەيلەردى سۇيەمەلدەۋ قىزمەتىمەن شۇعىلدانۋعا ىنتالاندىرىلادى. كەدەي قىستاقتارعا بارىپ شارۋاشىلىق قۇرعان ءارى ارحيۆ تۇرعىزىلىپ، كارتچكالاستىرىلعان كەدەيلەردى كەدەيلىكتەن قۇتىلىپ اۋقاتتانۋعا باستاعان جوعارى مەكتەپتەردەن وقۋ تاۋىسقان وقۋشىلاردىڭ بەلگىلەمە بويىنشا كەدەيلەردى سۇيەمەلدەۋ نىساندارىنىڭ قولداۋىن ءوتىنىش ەتۋىنە، كەدەيلەردى سۇيەمەلدەۋ شاعىن نەسيەسى سياقتى ساياساتتاردان يگىلىكتەنۋىنە بولادى؛ اۋىل شارۋاشىلىق ءوندىرىس تيجارات تۇلعالارىنا بارىپ جۇمىسقا ورنالاسقان جوعارى مەكتەپتەردەن وقۋ تاۋىسقان وقۋشىلار بەلگىلەمە بويىنشا جۇمىسقا ورنالاسۋ بويىنشا تاربيەلەنۋ، ۇستەپ وقۋ، نىسانداردى ءوتىنىش ەتۋ، جەتىستىكتەردى تۇراقتاندىرۋ سياقتى ساياساتتاردان يگىلىكتەنەدى، شارتقا ۇيلەسەتىندەرىنىڭ سايكەستى كاسىپتىك - تەحنيكالىق اتاعى الدىمەن باعالانىپ، جۇمىسقا قويىلادى.

وڭتۇستىك شينجياڭنىڭ 3 ايماق، ءبىر وبلىسى سياقتى جاپالى، شەت - شالعاي رايوندارعا، نەگىزگى ساتىداعى ورىندارعا بارىپ قىزمەت ىستەۋدى قالايتىن جوعارى مەكتەپتەردەن وقۋ تاۋىسقان وقۋشىلارعا ماعلۇماتى، ماماندىعى سياقتى شارتتار جەڭىلدەتىلىپ، ەمتيحان الۋ سالىستىرماسى تومەندەتىلەدى؛ شينجياڭعا قايتىپ كەلىپ قىزمەت ىستەۋ تىلەگى بار شينجياڭدىق، اسىرەسە، وڭتۇستىك شينجياڭنىڭ قالا، اۋدان نوپوسىنداعى ىشكى ولكەلەردەن وقۋ تاۋىسقان وقۋشىلارعا بەلسەنە شارت - جاعداي ازىرلەنىپ، ءوز جەرىندەگى نەگىزگى ساتى ورىندارىنا بارىپ قىزمەت ىستەۋگە جەتەكشىلىك ەتىلەدى جانە كومەك كورسەتىلەدى؛ ىشكى ولكەلەردەن وقۋ تاۋىسقان وقۋشىلاردى وڭتۇستىك شينجياڭنىڭ اۋىل -قالاشىقتارىنا قىزمەتكە قابىلداۋ جۇمىسى ۇزدىكسىز ويداعىداي ىستەلىپ، قاداعالاپ تاربيەلەۋ كۇشەيتىلىپ، ولاردىڭ وڭتۇستىك شينجياڭنىڭ نەگىزگى ساتىلارىندا تامىر تارتىپ، دارىندىعا اينالۋى جەبەلەدى.

جوعارى مەكتەپتەردەن وقۋ تاۋىسقان وقۋشىلار نەگىزگى ساتى ورگاندارىنا، ءىسورىندارىنا بارىپ قىزمەت ىستەۋگە ىنتالاندىرىلادى. جاپالى، شەت - شالعاي رايونداردىڭ ورگان، ءىسورىندارىنا بارىپ قىزمەت ىستەگەن جوعارى مەكتەپتەردەن وقۋ تاۋىسقان وقۋشىلاردىڭ، مەملەكەت قىزمەتكەرى بولىپ جاڭادان قابىلدانعانداردىڭ سىناق مەرزىمىندە بەرىلەتىن ەڭبەكاقىسى سىناق مەرزىمى تولعاننان كەيىن بەرىلەتىن ەڭبەكاقىسى بويىنشا تىكە تۇراقتاندىرىلادى، سىناق مەرزىمى تولىپ، باعالاۋدا تولىمدى بولعاننان كەيىن 3 - تۇردەگى رايونداردا جانە ودان تومەنگى جاپالى، شەت - شالعايداعى رايونداردا نەمەسە مەملەكەتتىڭ كەدەيلەردى سۇيەمەلدەۋ، وركەندەتۋ قىزمەتىندەگى ءتۇيىندى اۋدانداردا قىزمەت ىستەسە، دارەجە ەڭبەكاقىسى 2 دارەجە جوعارى تۇراقتاندىرىلادى، 4 - تۇردەگى رايونداردا جانە ودان جوعارى جاپالى، شەت - شالعاي رايونداردا قىزمەت ىستەسە، دارەجە ەڭبەكاقىسى 3 دارەجە جوعارى تۇراقتاندىرىلادى؛ ءىسورىندارىنا رەسمي قىزمەتكەر بولىپ قابىلدانعانداردىڭ پراكتيكا كەزىندە بەرىلەتىن ەڭبەكاقىسى پراكتيكا مەزگىلى اياقتاعاننان كەيىن بەرىلەتىن ەڭبەكاقىسى بويىنشا تىكە تۇراقتاندىرىلادى، مەرزىمىنەن بۇرىن رەسمي قىزمەتكەر بولىپ، دارەجەسى تۇراقتاندىرىلادى، رەسمي قىزمەتكەر بولىپ، دارەجەسى تۇراقتاندىرىلعان كەزدە 3 - تۇردەگى رايونداردا جانە ودان تومەنگى جاپالى، شەت - شالعاي رايونداردا نەمەسە مەملەكەتتىڭ كەدەيلەردى سۇيەمەلدەۋ، وركەندەتۋ قىزمەتىندەگى ءتۇيىندى اۋداندارىندا قىزمەت ىستەسە، بەرىلەتىن قىزمەت ستاجى ەڭبەكاقىسى 2 دارەجە جوعارى تۇراقتاندىرىلادى، 4 - تۇردەگى جانە ودان جوعارى جاپالى، شەت - شالعاي رايونداردا قىزمەت ىستەسە 3 دارەجە جوعارى تۇراقتاندىرىلادى.

اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىسقا ورنالاسۋدى جەبەۋ باسقارماسىنىڭ باستىعى جاڭ رۇڭ: «پىكىردىڭ» شىعارىلۋى رايونىمىزدىڭ جوعارى مەكتەپتەردەن وقۋ تاۋىسقان وقۋشىلاردى نەگىزگى ساتىعا بارىپ قىزمەت ىستەۋگە جەتەكتەۋدىڭ جانە ىنتالاندىرۋدىڭ ۇزاق ۋاقىتتىق ءونىمدى مەحانيزمىن ورناتۋدى اناعۇرلىم جەدەلدەتىپ، جوعارى مەكتەپتەردەن وقۋ تاۋىسقان وقۋشىلاردىڭ نەگىزگى ساتىعا بارۋىنا، وندا تۇرىپ قالۋىنا، قىزمەتتى جاقسى ىستەۋىنە، اۋىسۋىنا كەپىلدىك ەتەدى، - دەدى.

جاۋاپتى رەداكتور: جانار قاناپيا قىزى
جايمالاۋ