中文

7 ءتۇرلى جاعدايدا جۇرگىنشىلەرگە جول بەرمەگەن شوفەرلەر جازالانادى

جۋىردا اۆتونوميالى رايونىمىزدا قالا قاتىناس ءتارتىبىن رەتتەۋ قيمىلى باستالىپ، ءۇرىمجى قالاسىنداعى قاتىناس ساقشى تاراۋلارى ءارقايسى جول بولەگىندە تەكسەرۋدى كۇشەيتتى. وسى رەت تومەندەگى 7 ءتۇرلى جاعدايدا جۇرگىنشىلەرگە جول بەرمەگەن شوفەرلەرگە 200 يۋان ايىپ سالىنىپ، شوفەرلىك كۋالىگىنەن 2 ءنومىر تارتۋ بەلگىلەندى.

  1. جۇرگىنشىلەردىڭ جولدان وتەتىنىن كورسە دە، كولىك قارقىنىن باياۋلاتپاسا؛

  2. جۇرگىنشىلەر جولىنان ءوتىپ بارا جاتقان جولاۋشىلاردى كورسە دە، كولىك قارقىنىن باياۋلاتىپ جول بەرمەسە؛

  3. موتورلى قاتىناس قۇرالى مەن موتورسىز قاتىناس قۇرالى بىرگە جۇرەتىن جول بولەگىندە كولىكتى توقتاتىپ، جولدان وتكەندەرگە جول بەرمەسە؛

  4. قاتىناس سيگنال شىراعى نەمەسە جۇرگىنشىلەر جولى بولماعان جولداردا جۇرگىنشىلەرگە جول بەرمەسە؛

  5. جول بويىنداعى حاۋىپسىزدىك سىزىعىنان جۇرگىنشىلەر جولىنا ءوتىپ بارا جاتقاندارعا جول بەرمەسە؛

  6. قىزىل شىراق جانعاندا وڭعا بۇرىلۋعا رۇقسات ەتىلگەن كولىك جانە جۇرگىنشىلەرگە بوگەت بولماعان جاعدايدا جولدان ءوتىپ بارا جاتقاندارعا توقتاپ جول بەرمەسە؛

  7. كوشە اۋزىندا بۇرىلىپ جاتقان كولىككە، جۇرگىنشىلەر جولىنان وتكەندەرگە جول بەرمەسە.

  اۋدارعان: سەرىك سابىر ۇلى

جاۋاپتى رەداكتور: جانار قاناپيا قىزى
جايمالاۋ