中文

شوكىرات زاكىر مەرەكە كەزىندە قىزمەت ورنىندا ىستەپ جاتقان كادرلار مەن جۇمىسشى - قىزمەتشىلەردەن حال سۇرادى

ءىس جۇزىندىك ارەكەت ارقىلى قوعام جالپى جاعدايىنىڭ جاراسىمدىلىعىن، ورنىقتىلىعىن قورعاپ، پارتيا 19 - قۇرىلتايىنىڭ جەڭىسپەن اشىلۋىن كۇش سالا قامتاماسىز ەتۋ كەرەك

دۇڭ شاۋحۋا 4 - قازاندا سانجىدان حابارلايدى.

 4 - قازان جۇڭحۋا ۇلتىنىڭ ءداستۇرلى مەرەكەسى − ورتاڭعى كۇز مەرەكەسى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر سانجى قالاسىنا بارىپ، مەرەكە كەزىندە تاپجىلماي قىزمەت ىستەپ جاتقان نەگىزگى ساتى كادرلارىنا، جۇمىسشى - قىزمەتشىلەرىنە جانە قوعام حاۋىپسىزدىگى حالىق ساقشىلارىنا امانداسىپ، اۆتونوميالى رايوندىق پارتكوم، ۇكىمەت اتىنان نەگىزگى ساتىنىڭ الدىڭعى شەبىندە كۇرەس جاساپ جاتقان كادرلار مەن جۇمىسشى - قىزمەتشىلەردەن ىقىلاستى حال سۇراپ، بۇكىل رايونىمىزداعى ءار ۇلت بۇقاراسىنا مەرەكەلىك تاماشا تىلەك جولدادى.

  مەرەكە كەزىندەگى سانجى قالاسىنىڭ جەر - جەرى گۇل بايشەشەكپەن كومكەرىلىپ، مەملەكەت تۋى جەلبىرەپ، مەرەكەلىك قۋانىشقا، شاتتىققا شومدى. سانجى قالاسى توۋتۇنحى وزەنىنىڭ جاعالاۋىن جاپپاي رەتتەۋ - وڭاۋ ينجەنەرياسى جۇمىسى باسىندا قۇرىلىسشىلار قاربالاس جۇمىس جۇرگىزۋدە ەدى. شوكىرات زاكىر قۇرىلىس جاعدايىن تاپتەشتەي ۇعىستى ءارى مەرەكە كەزىندە تاپجىلماي قىزمەت ىستەپ جاتقان الدىڭعى شەپتەگى قۇرىلىسشىلارعا ىقىلاستى تۇردە امانداستى.

  سانجى قالاسى دۇڭفاڭ الاڭىنداعى حالىققا قولايلى ساقشى پۋنكتى قالا ورتالىعىنا ورنالاسقان، الاڭعا ءار كۇنى 10 مىڭ ادام (رەت) كەلىپ - كەتەدى، مەرەكە كەزىندە ادامدار ءتىپتى كوپ بولدى. شوكىرات زاكىر تەرەڭ سۇيىسپەنشىلىكپەن بىلاي دەدى: مەرەكە - مەيرام بولعان سايىن، قوعام ورنىقتىلىعىن قورعاۋ مىندەتى اۋىرلاي تۇسەدى، جالپى قوعام حاۋىپسىزدىگى حالىق ساقشىلارىنىڭ قىزمەتى دە اناعۇرلىم جاپالى بولا تۇسەدى. سىزدەر جاپالى قىزمەت ىستەگەن سايىن، بۇقارانىڭ حاۋىپسىزدىك سەزىمى ارتا تۇسەدى؛ سىزدەر كوبىرەك ۇلەس قوسقان سايىن قوعام اناعۇرلىم تىنىش بولادى. ول تاعى مىندەت اتقارىپ جاتقان حالىق ساقشىلارى ارقىلى مەرەكە كەزىندە ورنىقتىلىقتى قورعاۋدىڭ الدىڭعى شەبىندە قاجىرلىلىقپەن قىزمەت ىستەپ جاتقان بۇكىل شينجياڭداعى جالپى قوعام حاۋىپسىزدىگى ساقشىلارىنا شىن جۇرەكتەن العىس ايتىپ، مەرەكەلىك ىزگى تىلەك جولدادى.

  شوكىرات زاكىر سانجى قالاسى جيانگو جولى ءمالى باسقارماسى شيڭگۋاڭ الەۋمەتتىك اۋماعىنا بارىپ، مەرەكە كەزىندە تاپجىلماي قىزمەت ىستەپ جاتقان الەۋمەتتىك اۋماق قىزمەتكەرلەرىنە، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىندەگىلەرگە، الەۋمەتتىك اۋماق حالىق ساقشىلارىنا امانداسىپ، ولاردىڭ جاپاعا شىداپ قىزمەت ىستەپ جاتقاندىعىنا شىن جۇرەكتەن العىس ايتتى. سوڭىنان شوكىرات زاكىر ەرەكشە ترانسفورماتور سەرىكتەستىگىنە قارايتىن شينجياڭ ەلەكتر جەتكىزۋ، كەرنەۋ وزگەرتۋ عىلىم - تەحنيكالىق كاسىپ سالاسى باقشا رايونىنا بارىپ، عىلىم - تەحنيكا قىزمەتكەرلەرى مەن كاسىپورىنداردىڭ جۇمىسشى - قىزمەتكەرلەرىنەن حال سۇراپ، ولار ارقىلى بۇكىل شينجياڭداعى كاسىپورىن جۇمىسشىلارى مەن تەحنيكتەرگە مەرەكەلىك سالەم جولدادى.

  ارالاپ حال سۇراۋ بارىسىندا شوكىرات زاكىر مىنانى باسا دارىپتەدى: جالپى كادرلار، جۇمىسشى - قىزمەتشىلەر يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن مۇقيات دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، بۇكىل رايونىمىز قوعامىنىڭ جالپى جاعدايىنىڭ جاراسىمدىلىعىن، ورنىقتىلىعىن باتىل قورعاۋى كەرەك. قىزمەت ورنىنان تاپجىلماي، جاۋاپكەرلىكتى باتىلدىقپەن ارقالاپ، تىڭعىلىقتى قىزمەت ىستەپ، قالتقىسىز ۇلەس قوسىپ، شينجياڭدى كوركەيتۋدىڭ، وتان ارمانىن بىرگە ورىنداۋدىڭ مىعىم كۇشىن ۇيىستىرىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا تىنباي قۇلشىنىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، سانجى حۇيزۋ اۆتونوميالى وبلىستىق پارتكومىنىڭ شۋجيى سارقىت اقان ۇلى حال سۇراۋدا بىرگە بولدى.

جاۋاپتى رەداكتور: قابىلقان ايتقابىل ۇلى
جايمالاۋ