中文

اۆتونوميالى رايون ۇيىمداستىرعان نەگىزگى ساتىداعى اقپارات قىزمەتكەرلەرىن تاربيەلەۋ كۋرسى ايماعىمىزدا وتكىزىلدى

ءتىلشىمىز جۋ ءدان-ءدان، ياڭ شياۋتۇڭ حابارلايدى.

نەگىزگى ساتىداعى اقپارات قىزمەتكەرلەر قوسىنىنىڭ نازاريالىق ساپاسىن جانە كاسىپتىك قابىلەتىن ونان ارى جوعارىلاتۋ ءۇشىن، تاياۋدا، شينجياڭ ۋنيۆەرسيتەتى اقپارات تاراتۋ ينستيتۋتى ماماندار گرۋپپاسىنىڭ نەگىزگى ساتىداعى اقپارات قىزمەتكەرلەرى التايدا تەكسەرۋ-زەرتتەۋدە بولدى.

شينجياڭ ۋنيۆەرسيتەتى اقپارات تاراتۋ ينستيتۋتى التاي جانە التاي قالاسىنداعى ءارقايسى اقپارات ورىندارىندا تەكسەرۋ-زەرتتەۋ اڭگىمە ٴماجىلىسىن اشتى. ماجىلىستە، ءار قايسى اقپارات ورىندارىنىڭ قاتىستى جاۋاپتىلارى اقپارات تاراتۋ ورىندارىنىڭ قازىرگى جاعدايى مەن دامۋ بەتالىسىن تانىستىردى.

شينجياڭ ۋنيۆەرسيتەتى اقپارات جانە تاراتۋ شۋەيۋانىنىڭ باستىعى جاڭ يۇن بىلاي دەدى: «التايداعى ءار قايسى اقپارات ورىندارىنىڭ بارلىعىندا وزدەرىنىڭ جاڭا مەديا تەكشەلەرى بار، اقپارات قۇرالدارىنىڭ وي جۇگىرتۋ ٴتاسىلى دە وزگەشە، وسىنداي ۇيرەنۋ جانە پىكىر الماستىرۋ بارىسىندا، اقپارات دانەكەرلەرىنىڭ توعىسپالى دامۋىن جەبەۋدە بەلسەندى تۇرتكىلىك رول اتقاراتىنىنا كامىل سەنەمىن»،-دەدى.

شينجياڭ ۋنيۆەرسيتەتى اقپارات تاراتۋ ينستيتۋتىنىڭ ماماندار گرۋپپاسى ىلگەرىندى-كەيىندى ەكى كۇندىك ارناۋلى تاربيەلۋ كۋرسىن اشتى.

شينجياڭ ۋنيۆەرسيتەتى اقپارات جانە تاراتۋ ينستيتۋتىنىڭ باستىعى جاڭ يۇن، ورىنباسار باستىعى پاحىردەن، دوتسەنت فاڭ رۋي جانە شينجياڭ گازەتى شولۋشىلار ءبولىمىنىڭ مەڭگەرۋشىسى شىن ياپيڭ عالامتور جونىندەگى وي جانە حابار جازۋ، جاڭا مەديا داۋىرىندەگى دەكتور، جۇرگىزۋشىلەردىڭ قازىرگى احۋالى جانە سايكەسۋ تاكتيكاسى، ءبىر بەلدەۋ، ءبىر جول جانە شينجياڭ مەدەيالارىنىڭ دامۋى، كەلەلى تاقىرىپتىق حابارلاردىڭ امالياتى جانە جاڭالىق جاراتۋ سياقتى تاقىرىپتاردى ارقاۋ ەتە جۇيەلى ساباق ءوتىپ، اقپارات قىزمەتكەرلەرىنىڭ كاسىپتىك قابىلەتىن جوعارلاتتى.

التاي گازەتىنىڭ ءتىلشىسى ليۋ شۋاي بىلاي دەدى: «وسى رەتكى كۋرسكە قاتىناسقانىما قۋانىشتامىن، كۋرستە كوپتەگەن نازاريالىق بىلىمدەردى ۇيرەنىپ، ماماندارمەن پكىر الماستىرىپ، كاسىپتىك دەڭگەيىمدى جانە يدەيالىق تانىمىمدى وسىرۋگە نەگىز قالادىم، الداعى جەردە تارتىمدى حابارلاردى كوپتەپ جازۋعا كۇش سالامىن»،-دەدى.

اۋدارعان: ءاننا اكىمقان قىزى

جاۋاپتى رەداكتور: جانار قاناپيا قىزى
جايمالاۋ