中文

جەمەنەي اۋدانىندا نەگىزگى ساتىعا تۇسكەن كادرلاردىڭ دەكلاماتسيا جارىسى دابىرالى وتكىزىلدى

اسەن قايسا ۇلى حابارلايدى.

1-تامىزدا ، جەمەنەي اۋداندىق «ۇعىسۋ، تيىمدىلىك جاساۋ، توعىستىرۋ» قىزمەت باسشىلىق اترەت كەڭسەسى مەن اۋداندىق باس جۇمىسشىلار ۇيىمى بىرلەستىرىپ وزدىرعان «قىستاقتاعى اڭگىمەلەردى بايانداپ، پارتيا مەن وتانعا العىس ءبىلدىرۋ، ۇلتتار ىنتىماعىن نىعايتىپ، كورىكتى مەكەن قۇرۋ» تاقىرىبىنداعى دەكلاماتسيا جارىسى دابىرالى وتكىزىلدى. اۋدان كولەمىندەگى ءارقايسى اۋىلدىق، قالاشىقتان سارالانىپ كەلگەن 13 شاباندوز جارىستا ءوز باعىن سىنادى.

شاباندوزدار كوتەرىڭكى كوڭىل، وسكەلەڭ رۋح، شەبەر ءتىل، شەشەن سوزدەرىمەن قىستاققا كەلىپ قىزمەتكە شىققاننان بەرگى ۇتىمدى شارالارىن، قوماقتى تابىستارىن تىلگە تيەك ەتىپ، قىستاققا تۇسكەن كادىرلاردىڭ جاپالى قىزمەت وتەپ، ستيلدە بۇرىلىس جاساپ، اماليات بارىسىندا وزدەرىن سومداپ، قابىلەت ورەلەرىن جەتىلدىرگەن جاڭاشا رۋحاني بەينەسىن ايگىلەدى. قارا وزىپ كەلگەن شاباندوزداردىڭ لەكسيا مازمۇنى قىزمەت امالياتىنان، ءىس جۇزىندىكتەن، جۇرەك تۇپكىرىنەن الىنعاندىقتان اتالعان جارىستىڭ كوزدەگەن مارەسىنە جەتۋىنە زور سەپتىگىن تيگىزدى.

جاندى دا جالىندى باسەكە مەن ورەلى دە ءادىل باعالاۋدىڭ ناتيجەسىندە، التاي ايماقتىق مەملەكەتتىك جەر بايلىعىن باسقارۋ مەكەمەسىنەن جەمەنەي اۋدانى جەمەنەي قالاشىق بەلارىق قىستاعىنا تۇسكەن شاباندوز «العاش ارمان تۋىنداعان جۇرتقا قايتا ورالۋ» تاقىرىبىنداعى دەكلاماتسياسىمەن باس جۇلدەنى قانجىعالادى. ەكى شاباندوز 2-دارەجەلى؛ ءۇش شاباندوز 3-دارەجەلى سيلىقتى جانە 7 شاباندوز شابىتتاندىرۋ سيلىعىن ەنشىلەدى.

ناتيجەسى ىلعارى ءۇش شاباندوز اتالعان جارىستىڭ التاي ايماعى كولەمىندە وتكىزىلەتىن كەزەكتى جارىسىنا جولداما الدى.

جەمەنەي اۋكوم ۇيىمداستىرۋ ءبولىمىنىڭ ورىنباسارى ۋاڭ جۇن تىلشىگە بىلاي دەدى: «بۇل رەتكى دەكلاماتسيا جارىسىن دابىرالى وتكىزۋ ارقىلى قىستاققا تۇسكەن كادرلارعا قىستاققا نە سەبەپتى تۇسكەندىگىن، قىستاققا نەندەي ءىس تىندىرۋ، قانداي ىقپال قالدىرۋ كەرەكتىگىن ۇعىندىرۋ. قىستاقتاعى كادرلاردىڭ جاۋاپكەرلىك تانىمدارى مەن قىزمەتتى جۇرەكتىلىكپەن ارقالاۋ تانىمدارىن ۇزدىكسىز جوعارىلاتۋ بولىپ تابىلادى».

 

جاۋاپتى رەداكتور: جانار قاناپيا قىزى
جايمالاۋ