中文

تەرىنى جاس كۇيىندە ساقتاپ قالۋعا بولادى

ۋايىم، اۋرۋ، كيكىلجىڭ... وسىنداي فاكتورلار تەرىنىڭ تەز قارتايۋىنا اسەر ەتەدى. تەرىنىڭ قارتايۋى ىشكى اعزالاردىڭ قىزمەتىمەن، ونداعى اۋرۋلارمەن تىكەلەي بايلانىستى. تاعى قانداي فاكتورلار تەرىگە كەرى اسەر ەتە الادى؟

قاباق تۇيمەڭىز

ىلعي قاباق ءتۇيىپ، قاپالانىپ جۇرسەڭىز، بەتىڭىزدە ءاجىمنىڭ پايدا بولۋىن تەزدەتەسىز. بەت بۇلشىق ەتىن قايتا-قايتا شيراتا بەرىپ، تەرىڭىزدىڭ يىلگىشتىگىن كەمىتەسىز، بىلايشا ايتقاندا، سوزىپ تاستايسىز. دەسەدە كۇيزەلىس قانا تەرىگە كەرى اسەرىن تيگىزەدى دەپ ايتا المايمىز.

تەرى مەن جۇيكە جۇيەسى جاتىردا جاتقاندا قالىپتاسا باستايدى. تەرىدەگى جۇيكە نۇكتەلەرى بۇل ەكەۋىنىڭ اجىراماس بايلانىسىن كورسەتەدى. سول سەبەپتى زاقىمدانعان جۇيكە جۇيەسى تەرىنىڭ قاباتتارىنا اسەرىن بەرەدى. تەرىنىڭ سەزگىشتىگى جوعارىلاپ، تابيعي قورعانىس قاسيەتى بۇزىلادى، سۋ جەتكىلىكسىز بولادى. بۇنىڭ ءبارى بولاشاقتا تەرىنىڭ ساۋلىعىن بۇزىپ، ءاجىم مەن باسقا قيىندىقتارعا اكەلە الادى.

سىرتقى قاۋىپ

كۇندەلىكتى كۇيزەلىسكە قوسا، تەرىمىز سىرتقى فاكتورلار اسەرىنەن ناشارلاي باستايدى. اۋا، ەكولوگيا، زياندى ساۋلەلەر اسەرىنەن بوس راديكالدار بەلسەندىلىگىن ارتتىرىپ، وتتەگىمەن اسەرلەسۋ ناتيجەسىندە قىشقىلدانىپ، تەرىنىڭ بەتىن قۇرعاق، قورعانسىز قىلادى.

 داۋا

ارينە باستى داۋا - ءوزىڭىزدى تىنىشتاندىرا ءبىلۋ. قورشاعان ورتاداعى وعاش جاعدايلارعا سابىرلىقپەن قاراپ، تىم اسەرلى قابىلداماۋعا تىرىسىڭىز. ال مىنا 3 داۋا وسى جولدا سىزگە كومەك بەرەدى.

جۇيكە جۇيەسىن تىنىشتاندىراتىن جىلى ۆاننا كورتيزول -سترەسس گورمونىنىڭ شاماسىن رەتتەيتىن بىردەن-ءبىر ءادىس. سونىمەن قاتار، ەمدىك شوپتەر قوسىلعان سۋعا ءتۇسۋ ارقىلى تەرىڭىزدى قورعاي الاسىز.

ماسساج دەنەڭىزدى بوساڭسىتىپ، اۋرۋلاردان ارىلۋعا كومەكتەسىپ، جۇيكەڭىزدى تىنىشتاندىرىپ، كەرەمەت ۇيقىنىڭ كەپىلى بولادى.

دۇرىس تاماقتانۋ

كۇيزەلىستەن دە ارىلۋعا كومەكتەسەدى. تاعامىڭىز پايدالى، اۋىر ەمەس دارۋمەندەرى بوس راديكالداردان قورعاسا، كۇردەلى cجانە e كومىرسۋلار تىنىشتاندىرۋ قاسيەتىنە يە.

جاۋاپتى رەداكتور: ءاننا اكىمقان قىزى
جايمالاۋ