中文

ناقىل سوزدەر

▲ ءبىر سۇيگەن ادامىڭدى ماڭگى ءسۇيىپ وتۋگە بولادى. بۇل ماحابباتتىڭ كۇشىنەن عانا ەمەس، ادامنىڭ مىنەز - قۇلقىنىڭ تۇراقتىلىعىمەن بايلانىستى. تۇراقتى ادامنىڭ ماحابباتى دا تۇراقتى.

▲ ادامنىڭ كوڭىلىن جەڭىلدەتەر، جانىن جىبىتەر ماحابباتتان ارتىق كۇش جوق. قىزدى سۇيگەن جىگىت قانداي ازاپقا بولسا دا كونۋگە بار، ال بالاسىن جاقسى كورگەن انا بالاسى ءۇشىن جان قيۋدان تايىنبايدى. بۇل تابيعات زاڭى. ماحابباتتى وسىنداي قۇدىرەتتى ەتىپ دۇنيەدەگى ەڭ ۇلى كۇش − جاراتىلىستىڭ ءوزى جاراتقان. سوندىقتان دا ماحابباتتىڭ الدىندا كىم بولسا دا ءالسىز، امالسىز.

▲ اۋىزدان شىققان سۋىق ءسوز جۇرەككە جەتكەنشە مۇزعا اينالادى.

▲ ماحاببات دەگەن قاسيەتتى كۇش. دۇنيەدە ماحاببات بولماسا، ادام بالاسى قۋانىش پەن قايعىنىڭ، باقىت پەن باقىتسىزدىقتىڭ نە ەكەنىن بىلمەي وتەر ەدى.

▲ قىزعانىش − تازا ءمولدىر سەزىم.

▲ شىن ماحاببات بار دا، ماحابباتپەن ويناۋ بار. شىن جاقسى كورۋ − ءومىر باقي ساۋلەسىن، سۇلۋلىعىن جوعالتپايتىن گاۋھار تاس. كىمدە - كىم شىن سۇيسە، ءوز سەزىمىن قادىرلەيدى، ويتكەنى ونىڭ ءلاززاتى ىستىق جۇرەكتەن تۋعان. ال جۇرەكتى اۋىستىرا المايسىڭ.

− ءىلياس ەسەنبەرلين

جاۋاپتى رەداكتور: ءاننا اكىمقان قىزى
جايمالاۋ