中文

شاڭحايدا 17 مىڭ دانا قالبىرداعى جالعان ماركالى ءسۇت تالقان دەلوسى اشكەرەلەندى

5–ءساۋىر، بەيجيڭ. جاقىندا مەديالاردىڭ شاڭحاي قوعام حاۋىپسىزدىك تاراۋلارىنىڭ 17 مىڭ دانا قالبىرداعى جالعان ماركاداعى ءسۇت تالقان دەلوسىن اشكەرەلەۋگە قاتىستى حابارلاۋىنا قاراتا مەملەكەتتىك ازىق – تۇلىك، ءدارى – دارمەك حاۋىپسىزدىگىن باقىلاۋ - باسقارۋ باس مەكەمەسىنىڭ اقپارات مالىمدەمەشىسى بىلاي دەگەن: دەلوعا قاتىسى كاسىپورىنداردى قاتاڭ تەكسەرىپ ءبىر جاقتىلى ەتۋ كەرەك، استە ىرقىنا جىبەرۋگە بولمايدى. قازىر، مەملەكەتتىك كەڭەستىڭ ازىق – تۇلىك حاۋىپسىزدىگىن باقىلاۋ كەڭسەسى ارنايى تۇردە شاڭحايعا ادام جىبەرىپ ناقتىلى جاعدايدى تەكسەردى ءارى قاتىستى ولكەلەردىڭ ءسۇت تالقانىنىڭ بازارعا ءتۇسۋ جاعدايىن تۇبەگەيلى تەكسەرىپ انىقتاۋىن، جالعان ماركاداعى ءسۇت تالقانىن ساتۋداي الدامشىلىق ارەكەتتى قاتاڭ جازالاۋىن، نارەستەلەر ءسۇت تالقانىنىڭ ساپالىق حاۋىپسىزدىگىنە شىنايى كەپىلدىك ەتۋدى تالاپ ەتتى.

العاشقى تەكسەرۋ جاعدايىنا قاراعاندا، شاڭحاي قوعام حاۋىپسىزدىك تاراۋلارى تەكسەرىپ انىقتالعان جالعان ماركالى ءسۇت تالقانىنا ىشكەرىلەي تەكسەرۋ جۇرگىزىپ، ءونىم ساپاسى مەملەكەت بەلگىلەگەن ولشەمىنە تولاتىنىن، حاۋىپ - قاتەر جوق ەكەنىن تۇراقتاندىرعان.

ازىق – تۇلىك، ءدارى – دارمەك حاۋىپسىزدىگىن باقىلاۋ - باسقارۋ باس مەكەمەسىنىڭ تالابى بويىنشا، نارەستەلەر ءسۇت تالقانىن ساتۋشى مەن توراپتا ازىق – تۇلىك دايارلايتىن ءۇشىنشى جاق مىنبە اشۋشى ازىق – تۇلىك حاۋىپسىزدىك زاڭىنداعى بەلگىلەمە بويىنشا، زات ەنگىزۋ بارىسىندا تەكسەرىپ - باقىلاۋ، ەستەلىككە الۋ ءتۇزىمىن اتقارۋى كەرەك. ءۇشىنشى جاق مىنبە اشۋشى توراپ دۇكەنىن اشاتىنداردىڭ بارلىق تولىمدىلىق كۋالىكتەرىن تەكسەرۋ جاۋاپكەرلىگىن شىنايى تياقتاندىرۋى كەرەك. ازىق – تۇلىك حاۋىپسىزدىگىنە قاتىستى قىلمىستىق ارەكەتتەرگە شاتىلۋشى جاقتى ازىق – تۇلىك، ءدارى – دارمەك حاۋىپسىزدىگىن باقىلاۋ - باسقارۋ تاراۋلارى زاڭ بويىنشا مىنبە اشۋشىلاردىڭ بايلانىستى جاۋاپكەرشىلىگىن قۋزاستىرۋى كەرەك.

 

جاۋاپتى رەداكتور: قاينار قالىمبەك ۇلى
جايمالاۋ