中文

شۇي پەيدۇڭ: عالامتورداعى مۋزيكانىڭ اۆتورلىق ۇقىعىن قورعاۋعا زاڭ شىعارۋ كەزەك كۇتتىرمەيتىن مىندەت

 7 – ناۋرىز، بەيجيڭ. ينتەرنەت تەحنيكاسىنىڭ جەدەل دامۋىنا ىلەسە، جۇڭگونىڭ سيفرلى مۋزيكا سالاسى جۋىرداعى جىلداردان بەرى قاۋىرت دامىدى، سونىمەن قاتار، سيفرلى مۋزيكانىڭ اۆتورلىق ۇقىعىن قورعاۋدىڭ جەتكىلىكسىزدىگى، مۋزيكانى تەگىن ءتۇسىرۋ مەن ۇرلاپ باسۋ قاتارلى ماسەلەلەر ادامداردىڭ نازارىن اۋدارۋدا. ەكى ءماجىلىس مەزگىلىندە ساياسي كەڭەس مۇشەلەرىنىڭ گرۋپپالىق تالقىسىندا مەملەكەتتىك ساياسي كەڭەس مۇشەسى، جۇڭگو ادەبيەت – كوركەمونەرشىلەر بىرلەستىگى ءتوراعاسىنىڭ ورىنباسارى شۇي پەيدۇڭ بىلاي دەدى: ۇزدىك مۋزيكالىق شىعارمالاردىڭ سيفرلى نۇسقاسىنىڭ اۆتورلىق ۇقىعىن زاڭ شىعارۋ ارقىلى قورعاۋ كەزەك كۇتتىرمەيتىن مىندەت بولىپ وتىر.

  شۇي پەيدۇڭ: ا ق ش – تا ءبىر مۋزيكا تۇسىرۋگە ءبىر ا ق ش دوللارىن جۇمسايسىز، بۇنى ادامدار ادەتتەگى ىستەي سەزىنىپ كەتكەن، ءبىراق، جۇڭگودا عالامتورداعى كەڭ تارالعان اندەر، سيمفونيا قاتارلىلاردى قامتىعان مۋزيكالىق تۋىندىلاردىڭ كوبىن تەگىن تۇسىرۋگە بولادى، بۇل مۋزيكالىق تۋىندىنى جاراتۋشى مەن اۆتورلىق ۇقىعىنا يە بولعان ادامعا تەڭسىزدىك ەسەپتەلەدى، وسىلاي كەتە بەرسە، مۋزيكا جاسامپازدىعىنا اۋىر زيان سالادى، - دەپ قارايدى.

جاۋاپتى رەداكتور: قابىلقان ايتقابىل ۇلى
جايمالاۋ